Diosnö ösödo̧ Job mikwo̧ usula emawina jawa 5:14 - Dios Iwene

¹⁴ Baikwö wanedö yötawa, jobadö suli̧ tjöwaedotö jö̧ba̧lö omukwatadönö: Dios tjöeba̧liawö, dewijayonö yȩa'wo okwa kwetjachobedanö kwebachadö, möle ja'ö jawo̧ jweinö ö̧jenabi, yö̧te ja'ö diwanö kwetjachi̧danö kwebachadö, Dios tjöeba̧lobetjö̧.

Diosnö ösödo̧ Job mikwo̧ usula emawina jawa 5:14 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 12:25

Jejenö weiawö̧, dewi̧ jwiinö yȩa'wo okwa diwanö kwebachadö, ja̧danö 'dukwachawö̧ tötöbö kwetjachi̧danö kwebachadö, Diosda jejenö weobetjö̧, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 15:30

Isabenö tjöwaekwakwedö jobadö sulabedöma, la'akatjöda yȩa'wo okwatjö latjebökakwedö, baikwö wanedö yötawa: Towitjö yayinö ötjebiya pjewökachibobö jö̧a̧lenama, ökwöla juwö loakobe, ja̧danö 'yayi öjiya pjoawaja̧ma, jwa̧le'epjo e'ewö loakobe.

Diosnö ösödo̧ Job mikwo̧ usula emawina jawa 18:18

Jo̧banö dewi̧ jȩmitjö a'dewö lotjakwo̧, inesö yȩa'wo jȩmi nijinöda ö̧jobö, bakobenö jojodö tjujukwemitjö a'dewö lotjakwo̧ jo̧banöma.

Diosnö ösödo̧ Job mikwo̧ usula emawina jawa 20:26

—Okobe jwiinö iteaja̧ma, jwiinö baibakobe, ja̧danö inesö ubinö ökwöla, Diosda weinola ökwölama, jo̧banö juwö loakobe, jo̧banöbi, itji̧mutjö ina 'ya̧baladönöbi.

Diosnö ösödo̧ Job mikwo̧ usula emawina jawa 22:11

Ja̧danö edökönö, inesö yȩa'wo kwö̧jobedanö ichejekwa, ja̧danö ojwe jwiinö okwatibiökwe kwö̧jobedanö ichejekwa, isabenö sulabenö ja̧bö kwö̧jinobetjö̧.

Diosnö ösödo̧ Job mikwo̧ usula emawina jawa 24:13

—Jobadö sulabedönö baikwö wanedö yötawa: Jobadöma möle dewi̧ öpöjojodödanö ichejekwadö, möle jawa mananö kwetjachobö öpöjödadö. Yö̧te sulabenö ja̧tjotö jö̧ba̧lö, möle jawa manatjö labebadö.

Diosnö ösödo̧ Job mikwo̧ usula emawina jawa 38:15

Ja̧danö möle dewachi̧ma, sulabedö tjujulu söbebö loobedanö ichejekwa, yȩa'wo okwa jojodönö suli̧ tjöwaedena yȩa'wo dejatakobetjö, jö̧tö? Bakwötanöbi jejenö baledobö weköbinaji̧?

Éxodo 10:21

Ikenama Isabenö Jo̧ma Moisésnö webijetö: —Moisés, kwömamu möakwö kabebö i̧sebi yȩi̧da nijakwö meobö okobe jwiinö Egiptonö, jwiinö yȩobe— weökwe

Éxodo 10:22

ömamu kabebö i̧sebemi jwiinö yȩatibijetö okobe jwiinö Egiptonö. Yö̧tebi wa̧pötakwa yö̧te, mölebi wa̧pötakwa möle jenanö yȩijetö Egiptonö.

Proverbios 4:19

Ja̧danö, jobekwö 'yö̧kö̧dö sulabenö omukwatadöma. Jobadöma yȩa'wo okwa kwetjachi̧danö kwebachadö, edökönö. Ja̧danö, mebabinöda kwebachadö, tjöbajale tjewawadödanö.

Isaías 59:10

Kwedachenama, tjöekwemi madotö jö̧ba̧lö, mamabö kwebachadösa, tjöbajale tjewawadö mamabö kwetjachi̧danö. Möle ja'ö kwedachijayonö, yi̧bena yi̧atibena kwedachobedanö tötöbö kwebachadösa. Ja̧danö isabenö juluwöködösa chömöledö, 'dö̧bachöködö tjö̧'dade ja̧nö, ida̧ökö ö'wö babibajadödanö ichejekwadösa.

Deuteronomio 28:29

Jejenö suli̧ öwaedajawö̧, yȩa'wo okwa ju̧kwadö mamabö kwetjachi̧danö, ökwödöma möle ja'ö mamabö kwi̧'yaduwakwa̧ isakwö kwekachaduwakwedöja, jo̧kwaijayonö kwi̧'yaduwakwa̧ kwöbadekwaduwökakwedöja. Ja̧danö ju'wedö jojodöma kabatökönö ökwödönö sulabenö ja̧tja̧kobe, ja̧danö kabatökönö ökwödötjö tjönaukwakobe, jo̧kwaijayionö bakwo̧bi ökwödönö pjaatakwo̧ma deakobe.