Diosnö ösödo̧ Job mikwo̧ usula emawina jawa 5:12 - Dios Iwene

¹² —Ja̧danö ju'wibi, suli̧ tjöwaedotö jö̧ba̧ladö suli̧ tjöwaedakwa̧ waisanö omukwatö tjujunijayonö, otiwanö tjöbeba̧lö pjabato̧ Diosma, omukwatö tjujunaja̧ badekwachinö suli̧ tjöwaedapji jö̧balö.

Diosnö ösödo̧ Job mikwo̧ usula emawina jawa 5:12 ပူးပေါင်းရင်းမြစ်များ

Génesis 31:22

Ja̧danö, Jacob döibaja̧ okobema wa̧pötakwa möle ikena ju'wedöma yöbawijadötö Labánnöma: —Jacobma tjo̧wi̧ ȩwa̧jinobe i̧lȩkwa̧mukwö, i̧tji̧mukwö— yöbawijadötö.

2 Samuel 11:9

Jo̧kwaijayonö, David ö̧jelö laebijayonö, ejubema ȩwa̧jinokobe Uriasma, David eju teachakwawena abinobe, la'aka luwo̧ David eju teada̧ladö tjö̧jena.

2 Samuel 17:14

Jejenö yöa̧liawö̧, Absalonbi, okobe deinö israel jojodö Absalonkwö ju̧kwadöbi a̧ja̧kwö, —Otiwa, —jö̧ba̧lö yötja̧linobe, —Bite Husay waisanö yöa̧laja̧ma, Ajitofeltjö bajalekwönönö waisanö yöa̧lajabe, —jö̧ba̧lö, ja̧danö yöa̧laja̧danö ja̧tjobö omukwatö tjujuninobe. Jo̧kwaijayonö jejenö Husay yöa̧li̧ tjösödi̧ma, Isabenö Jo̧ omukwatö ujuninadanö baledinobe. Isabenö Jo̧ma, Ajitofel waisanö yöa̧li̧ tjöpöjödobö weinobe, Diosma Absalonnö lȩebobö omukwatö ujuninobetjö̧.

2 Reyes 6:9

Jo̧kwaijayonö, jobekwö yöba̧lakwawö omudawö tjujuniökwe, Dios ömöayo̧ Eliseoma yöbawo̧nö weinobe Israel la'aka luwo̧nö yöawobö, —Yenama kwöbaledoko, Siria jojodöma jobe ju̧kwawö tjiteada̧lobetjö̧, —jö̧ba̧lö.

Diosnö ösödo̧ Job mikwo̧ usula emawina jawa 15:5

Jau Job, sulabo̧köbobetjö, sulabenö yöba̧lo̧ja, sulabedö lȩekwatjö tjö̧jibotö jö̧ba̧lö omöna yötja̧li̧danö, sulabenö ja̧köbi̧jayonö, –Sulabenö ja̧bö̧kö̧sa, –jö̧ba̧lö omöna yöba̧lo̧ja Job.

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

Proverbios 22:12

Ja̧danö, ju'wibi yötawa: Isabenö Jo̧ma di̧ya sulojobö jö̧ba̧lö, di̧ya otiwojobö jö̧ba̧lö waisadönö te'ada̧lo̧. Jo̧kwaijayonö ite'ada̧lokobe sulabenö omukwatö, omöna yöbawadönöma. Jobadöma idöda sulabenö tjo̧mukwati̧danö badekwachobö omöna yötjawijayonö Isabenö Jo̧ma jobadö tjo̧mukwati̧danö waekwinö weakwo̧.

Isaías 19:3

—Egipto jojodö waisanö omukwatö tjujunaja̧ma waekwobö wetocha, ja̧danö waekwiawö̧, tjo̧'wo tjo̧bekwö tjö̧jakwedö, –Ayö, dakwö ja̧dakwajö, –jö̧ba̧lö. Ja̧tjakwa̧ tjöwaisachibotö jö̧ba̧lö, o̧'wo jawa tjösödawö̧nöbi atjebakwedö, jadanö ö'wö babibinadö tjo̧'wo luwo̧nö abebö tja̧ja̧kwotö jö̧ba̧lö, mea boawa otidadönöbi, ju'wedö ö'wö babibinadö tjo'wo luwo̧nö yöbaladönöbi abebö tja̧ja̧kwakwedö.

Isaías 37:36

Ja̧danö, ja̧ yöte Isabenö Jo̧ weökwe angelma Asiria ölakwabikwawa jojodö tjabakwemi tebachö i̧'yinobe, ja̧danö jobadötjö ciento ochenta y cinco milbedö ölakwabikwawadönö kwabö loinobe. Ja̧danö, yȩayi ju'wedö wilubö tja̧la̧ibenama, okobe deinö Dios weajökwe angel kwabö loaja̧wö̧ tjiteba'iju nijinö bo̧be tjedinobe.

Isaías 44:25

Ötjöma tupakwö baledakwa̧ yöbawadösa jö̧ba̧lö omöna yötja̧li̧ waekwobö webo̧sa. Ötjöma baledi̧ edö yadakwö baledakwa̧ yöba̧ladö tabakwö tjö̧jobö webo̧sa. Ja̧danö waisadö waisanö yötjawi̧ balewö lobo̧sa waisakwawa jwii̧ yöawakwawa baibanö balewö lobo̧sa.

Isaías 8:10

Jau, waisanö ölakwabikwawö kwö̧jaduwakwa̧ omukwatö kwujunaduwakwedöja, –Baikwö baikwö ölakwabikwawö dujuluwakwedösa, –jö̧balö. Jo̧kwaijayonö, waekwakobe, omukwatö kwujunaduwaja̧ma badekwachökakobe, Diosma ökwödö Juda jojodökwö ja̧nö pjaatobetjö̧, jö̧ba̧lö yöta̧la döpöjojodönö.

Hechos 12:11

Ja̧danö, jejenö debi̧ baibiökwe Pedroma otiwanö waisachibö jö̧ba̧lijetö: —Aaa, babema chöwaisachiba. Biya̧ma chi̧'wi̧di̧maökö. Isabenö jo̧ba ángelma Duluwo̧ weajökwe ángel. Herodes ötjö chö'wöchinö weakwa̧tjö chö̧jibinö pjaatajabe jo̧ba ángelma. Ja̧danö, judío jojodö ötjönö sulabenö baledakwa̧ tjösödi̧ma baledökakobetjö̧ pjaatajabe— jö̧ba̧lijetö.

1 Samuel 23:13

Jejenö yöawökwe, Davidbi, ömöayedö seiscientos jenanöbedöbi a̧la̧ibö Keila comunidadtjö latjebinobe. Ja̧danö labebajadö, Davidma ömöayedönö öbibö, jelobebi, jelobebi pjolachö kwebachö tjö̧jinobe, Saul jobadönö öbadekwapji jö̧ba̧lö. Ja̧danö, —Davidma Keila comunidadtjö döibajabe, —jö̧ba̧lö yötjawiökwe, Saulma kabatakwawö, yainöma Keilabe i̧'yinokobe.