—Jobekwö wamenöda yötawaduwakwö Dios inesö ujuluma, wanedö yötawa, tjo'omanö sewoba̧lö yötja̧li̧danö, iteda ujulutjö sule ja'yubeda i̧sȩbajabe. Jau chömöledö, böba ökwöi̧ da̧ja̧kwenama, –Ayö, Dios inesö ujuluma, dokwa nöinö juluwo̧jö, –jö̧ba̧lö a̧ja̧kwö omukwatadösa, isabenö ujuluma ja'önöda döwaisobetjö̧, —jö̧ba̧lö yöa̧linobe Jobma.
Diosnö ösödo̧ Job mikwo̧ usula emawina jawa 42:5 - Dios Iwene5 Baikwö atadö yöta̧lakwö chuluwo: Ajayinö sule a̧ja̧kwöda ökwönö yötjawi̧ cha̧ja̧kwijatö. Jo̧kwaijayonö babema ötjöda chöbajalenö ökwönö chedajabe, အခန်းကိုကြည့်ပါ။ |
Diosnö ösödo̧ Job mikwo̧ usula emawina jawa 42:5
16 ပူးပေါင်းရင်းမြစ်များ
ja̧danö ökwönö edajo̧, ajayinö omukwatö yöta̧laja̧ma chötabakwobe, –Ötjö Jobma isabenö mikwawö̧kö̧sa, yöta̧loko jawa sulabenö yöta̧lajabe, –jö̧ba̧lö. Jau chuluwo̧, sulabenö chomukwataja̧ kabatibö chöbalewachajabe, jadanö chomukwati̧ chöbalewachaja̧ i̧sȩbö, nijiso̧pjanöbi, ökwölaso̧pjanöbi bamato̧sa, –Isabenö Dios öba a'otjö mikwawö̧kö̧sa, sulabenö ja̧köba, jö̧ba̧lö Diosnö̧ yöta̧lobö, —jö̧ba̧lö atadinobe Jobma Diosnö.
Juda niji inesö la'aka luwo̧ Uzias mikwo̧ ö'wö baibina o̧bama baikwö baledinobe: Ja̧ o̧bama, ötjö Isaiasma Isabenö Jo̧ Diosnö chedijatö. Inesö la'aka luwo̧ iteakanö ö̧bobe chedijatö, möakanö ö̧bobe chedijatö, ja̧danö inesö la'aka luwo̧ ö̧kamijido̧ ödöado̧ chedijatö. Ja̧do̧ ö̧kamiji̧do̧ otiwado̧ma jwiinö ödöa̧do̧ ji̧nobe, ja̧do̧tjö iteda eju su̧'be baibenanö.
Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.
ကြော်ငြာတွေ