Diosnö ösödo̧ Job mikwo̧ usula emawina jawa 42:16 - Dios Iwene

¹⁶ Job wene öbaledaja̧ ikenama, ina lekwe möle ö̧jinobe, ciento cuarenta o̧biya baibanö. Isabenö jwiinö lekwe ö̧jinobe, iteda ö̧'dö̧dö tupadanö tjö̧'dö̧dönöbi edenanö baibanö.

Diosnö ösödo̧ Job mikwo̧ usula emawina jawa 42:16 ပူးပေါင်းရင်းမြစ်များ

Génesis 11:32

Jelöda Taréma, doscientos cinco a̧yo bo̧ wobijetö, Harán nijitjö.

Génesis 25:7

Ja̧danö, Abrahamma ida̧ökö jwiinö pöe, ciento setenta y cinco a̧yo bo̧ wobijetö.

Génesis 35:28

Ja̧danö, Jacob abe'do Isaacma, ciento ochenta a̧yo bo̧ wobijetö. Jwiinö pöe, ö̧ji̧ otiwanö baledökwema wobijetö. I̧tji̧muma Esaú, Jacob, tjabe'donö o̧tjijadötö.

Génesis 47:28

Ja̧danö, Jacobma Egiptonö ji̧jetö diecisiete a̧yo̧, ciento cuarenta y siete a̧yo bo̧ ujuna̧lenanö.

Génesis 50:26

Ja̧danö, Joséma, cientosdiez ayo̧ bo̧ wobijetö. Ikenama wobinadönö teáda̧ladöma Josénö titjataja̧ ikena, José ömöledöma Josénö isapjonö anijadötö, Egipto nijibe tjo̧tjobö.

Diosnö ösödo̧ Job mikwo̧ usula emawina jawa 42:15

Isabenö otiwadö tjö̧jinobe Job itji̧mu ya̧döma, okobe jwiinö bö̧jȩ ba̧kwemeachibanö, Job itji̧mujaye ya̧dö otiwadö detjinobe. Ja̧danö, iteda itji̧mu ömadönö iyi̧danö, Jobma jobadö itji̧mu ya̧dönöbi iteatjö tjemobö iyinobe.

Diosnö ösödo̧ Job mikwo̧ usula emawina jawa 42:17

Ikenama, jwiinö pöe babibajo̧, jwiinö nöinö o̧biya juna̧lo̧ ö'wö baibinobe Jobma.

Proverbios 17:6

Ja̧danö, ju'wibi yötawa: Damöma tjö̧'dö̧dönö otiwanö yöba̧ladö tjö̧möledönö, Chö'dö̧döma jwiinö otiwadö, jö̧ba̧lö. Tjemuma ja̧danö, tjabe'donö tjojo'donö otiwanö yöba̧ladö tjö̧möledönöma, jwiinö otiwadö, jö̧ba̧lö.

Deuteronomio 34:7

Moises ö'wö baibenama, ciento veinte o̧biya ujuna̧linobe, jo̧kwaijayonö jwiinö pöe ö̧jijayonö, ina juluwo̧ ö̧jinobe, ja̧danö öbajale tjewawö̧kö̧ ö̧jinobe.

Josué 24:29

Ja̧danö, ja̧ jawa baledaja̧ ikenama, ja'yubenö lekwajabetjö̧ Isabenö Jo̧ ömöayo̧ Josuema ö'wö baibinobe. Jwiinö pöe ö'wö baibinobe Josuema, ciento diez o̧biya juna̧lo̧ ö'wö baibinobe.