Diosnö ösödo̧ Job mikwo̧ usula emawina jawa 42:12 - Dios Iwene

¹² Isabenö otiwanö Jobnö iyinobe Isabenö Jo̧ma. Usula emawakwa abönö otiwanö iyinatjö bajalekwönönö, usula emawaja̧ o̧pe jwiinö otiwanö iyinobe. Jejenö otiwanö iyiökwe, obejadö catorce milbedönö ajikwinobe Jobma, ja̧danö camellodö seis milbedönö ajikwinobe, ja̧danö pakayadö dos milbedönö ajikwinobe, ja̧danö bu̧lu̧dö ya̧dönö, milbedönö ajikwinobe.

Diosnö ösödo̧ Job mikwo̧ usula emawina jawa 42:12 ပူးပေါင်းရင်းမြစ်များ

Génesis 24:35

Ja̧danö, Isabenö Jo̧ Diosma otiwanö pjaatinobe ötjö chuluwo̧nö, balada luwo̧ baibanö. O̧bȩja̧dönöbi, pa̧ka̧yö̧nöbi, platabi, orobi, ömöayedö ömadönöbi ya̧dönöbi, ka̧mȩyu̧dönöbi, bu̧lu̧dönöbi iyinobe Isabenö Jo̧ Diosma chuluwo̧ Abrahamnöma.

Génesis 32:14

Ja̧danö, chi̧wo̧dötjö, o̧bȩja̧dötjö̧ ya̧dönö doscientoskwena 'da̧batö junijetö. Ja̧danö, ömadönöma veintekwena 'da̧batö junijetö.

Diosnö ösödo̧ Job mikwo̧ usula emawina jawa 1:10

Jau, isabenö nöinö Jobnö pjakatajabe, otiwanö tjöekwi̧danö Jobnö tjökeba̧lajabe, Jobnöbi, ömöledönöbi, ju'wi ujuna̧li̧bi suli̧ tjöwaedapji jö̧ba̧lö. Isabenö okobe jwiinö otidi̧tenia otiwanö pjakatajabe, ja̧danö jejenö pjakatökwe, nöinö junalo̧ baibajabe.

Diosnö ösödo̧ Job mikwo̧ usula emawina jawa 1:2

Jo̧ba Jobma itji̧mu ömadönö jelemutjö du̧ju̧tajanö ujuna̧linobe, jadanö itji̧mu ya̧dönö wamedukwanö ujuna̧linobe.

Diosnö ösödo̧ Job mikwo̧ usula emawina jawa 1:3

Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Diosnö ösödo̧ Job mikwo̧ usula emawina jawa 8:7

Isabenö ajayinö kwö̧jinatjö̧ bajalekwönönö otiwanö pjaatakwo̧ Job, baikwö yötawa: Jwiinö otiwanö ökwönö iyobetjö̧, ajayinö kwujuna̧linama, jwibö kwö̧jinobedanö ichejekwakobe, bajaleapo iyi̧ma, ja̧tjö jwiinö bajalekwönönö iyakobetjö̧.

Proverbios 10:22

Ja̧danö, ju'wibi yötawa: Isabenö Jo̧ma otiwanö edö pjaatobe jojodötjö ju'wedönöma, balada tju̧juna̧lobö. Idöda nöinö tjotidi̧ma pjaatokobe tju̧juna̧lobö. Isabenö Jo̧da tju̧juna̧lobö pjabato̧ma.

Deuteronomio 8:16

ja̧danö jo̧bada kwa'dödö wajwitjina kwakwawa Mana ötjabi̧ jawa mölejebetjö tjoduwobö webinama, kwakwawa jwiena kwukwaduwobö. Jejenö ökwödönö pjabatinama, kwuluwo̧duwi Diosda chömöledö, ja̧danö jejenö ökwödönö öbibö ö̧ba̧jadinobe ökwödönö, –Juluwöködösa, –jö̧ba̧lö kwöwaisachibaduwakobetjö̧, ja̧danö jo̧ba wei̧ kwa̧ja̧kwaduwakwojobö jö̧ba̧lö öwawakobetjö̧. Ja̧danö, jejenö öbibö ba̧ja̧dajo̧, inesö otiwanö ökwödönö pjaatakobetjö̧, jobekwö öibinobe kwuluwo̧duwi Diosma chömöledö.

1 Timoteo 6:17

Cristonö ösödadötjö balada luwedönö baikwö yöbawidönö Timoteo, Aaa, ju'wedönötjö o̧penönöbedösa, jö̧ba̧lö tjomukwatokobö. Ja̧danö, böjȩ jawa tjujuna̧li̧, tupakwö jwiakwa̧ jawa tjujuna̧li̧ma tjo̧'wo̧ tjöwana̧lokobö yöbawidönö, Diosnöda tjo̧'wo̧ tjöwana̧lobö jo̧be. Jau, jo̧ba Diosda okobe jwiinö ökwödönö iyo̧ma, do̧'wo̧ ösöwanö dö̧jobö.

Santiago 5:11

Jau chö̧ja̧wo̧dö, jobadö usula emawinadö, usula tjemawijayonö tjo̧'wo̧ 'dibachibö 'yi̧nadöma jwiinö tjo̧'wo̧ ösöwanö tjö̧jinobe. Ja̧danö, kwöwaisaduwa damötjö, Job mikwo̧ ö̧jinama. Jo̧bama yelösöda usula emawijayonö o̧'wo̧ 'dibachibö jwaikwöda i̧'yinobe. Ja̧danö, Duluwo̧ Diosma bajaliyanö pjaatinobe jo̧banö, o̧'wo̧ luwo̧ okwa juluwachibanö. Ja̧ baledinama ökwödönö i̧sekwobe, Duluwo̧ Diosma isabenö jojodönö ile nibebö, lȩlö̧jino edo̧, jö̧ba̧lö. Jejenö omukwataduwi chö̧ja̧wo̧dö, damötjö ji̧na Jobnö baledinama.