Otidajawö̧nöma yöba̧lijetö, Ökwödönö kwöba̧jekwachaduwobö dösölö̧jinö edö pjatatakwo̧sa, jö̧ba̧lö. Jejenö jö̧ba̧lö webijetö: —Nöinö yekawaduwo, böjȩ ba̧kwemeachibanö kwöba̧jekwachaduwo. Ja̧danö, böjȩnö ju̧kwadö tjuluwedö baibanö webö kwuju̧kwaduwo. Ba̧i̧bi, mö köba̧lö ju̧kwadöbi, a̧ji̧kwakwawedöbi okobe deinö böjȩnö kwebachö ju̧kwadö tjuluwedö baibanö webö kwuju̧kwaduwo— jö̧ba̧lö webijetö Diosma jojodönö, otidö ujunajawö̧nöma, ökwödönö ösödanö edö pjatatakwo̧sa jö̧ba̧lö.
Diosnö ösödo̧ Job mikwo̧ usula emawina jawa 41:4 - Dios Iwene4 Kwujuluwajökwe, –Isabenö weköbi̧ chotidakwo̧sa, –jö̧ba̧lö yöbawö ujunenaji̧, ja̧danö yöbawö junajo̧, ina 'yaa̧layi, weköbi̧ otidenaji̧? အခန်းကိုကြည့်ပါ။ |
Diosnö ösödo̧ Job mikwo̧ usula emawina jawa 41:4
8 ပူးပေါင်းရင်းမြစ်များ
uluwo̧ma ömöayo̧nö öbibö i̧'yobö jo̧be, badedö edadö tjo̧bekwö. Jobe ichibö luwo̧ma ömöayo̧nö apjudesö'danö pöbebö 'da̧ebobö jo̧be ölakiyusajunö. Ja̧ 'da̧ebi̧ma i̧sekwobe, Bitema ba̧kwȩlö̧jatebö 'yaa̧lemi baibanö ötjö chömöayo̧ baibakwo̧, jö̧ba̧lö— webijetö Isabenö Jo̧ma Moisésnöma. Ja̧ weawa wene ujunobö webijetö Isabenö Jo̧ma Moisésnöma, Israel jojodönö weawa wenema.
Jejenö laebobö öpöjöditjö̧ma, baikwö ja̧ öpöjödi̧ jawa kwi̧sȩbaduwo: Jo̧banö öbibö kwi̧'yo apjude a'obe, ja̧danö ösö'inö ölakiyu 'da̧kebo apjudetjö, –Bite chömöayo̧ laebobö ji̧jayonö, laeboböma öpöjödo̧, –jö̧ba̧lö. Ja̧danö, jemi tupakwö, ina 'ya̧alayi, jo̧bama ökwö kwömöayo̧ ö̧jakwo̧ jo̧bama. Ja̧ weawama kwömöayedö israel jojodötjö ömadönöbi, ya̧dönöbi badekwachobe chömöledö.
Jemi ikenama, ja'yubenö lekwajabetjö, amonita jojodö la'aka luwo̧ Nahas mikwo̧ma iteda ömöayedö ölakwabikwawa jojodökwö israel niji̧be ichö, israel niji comunidad Jabes de Galaad jojodönö ujuluwobö ichinobe. Ichibö, comunidad tjötjösawibö tjö̧jinobe, ja̧danö tjötjösawiawö̧, Jabes jojodöma Nahasnö atjebinobe, —Isabenö ökwökwö wene jwiinö dö̧jakwa̧ wene yöbawö kwujunitjö̧ma, kwömöayedö badibanö weköbi̧ ja̧bö dö̧jakwedösa, —jö̧ba̧lö.
ကြော်ငြာတွေ