Diosnö ösödo̧ Job mikwo̧ usula emawina jawa 41:32 - Dios Iwene

³² Jwaibalawanö kwöbö kweachenama, nöinö itjei'wo baibanö kwebacho̧, jwiinö itjei'wo baibanö kweachobetjö̧, jwaibalawa öwö'ye dewa'ye ujuna̧lobedanö ichejekwi̧nö kebacho̧.

Diosnö ösödo̧ Job mikwo̧ usula emawina jawa 41:32 ပူးပေါင်းရင်းမြစ်များ

Génesis 1:15

Ja̧danö, mölejȩbetjö böjȩkwö kwidejataduwakobetjö̧ babibaduwi— jö̧ba̧lö webijetö Diosma. Jejenö Dios wei̧danö babibijadötö, möle jawo̧bi yö̧te ja̧wo̧bi si̧li̧'i̧döbi.

Génesis 1:2

Ja̧danö, Dios böjȩ ina otidapjii böjȩma otikwö̧kö̧jȩ ji̧jetö. Ju'wi jayebi jwiijetö. Jwai balawada li̧jetö böjȩ bakwemeachibanö. Jödö wame yȩböda yȩijetö wamema. Ja̧danö, Dios O̧'wo̧ Luwo̧ma jwai balawa wamenö kwebachö ji̧jetö.

Génesis 15:15

Ina yöbawijetö Abramnö, bötisinö abemi okwanö: —Ja̧danö, ökwöma ina lekwe o̧biya, kwo̧'wo ösöwanö kwö̧jakwo̧ja. Ja̧danö, jwiinö pöe kwö̧jena woköbakobe. Ja̧danö, woköbenama kwömöledöma ökwönöma tjödakobe.

Génesis 42:38

Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

Diosnö ösödo̧ Job mikwo̧ usula emawina jawa 28:14

Ja̧danö inesö jwaibalawama, –Chöjelömaökö, –ja̧danö ju'wi jwaibalawabi, –Chö̧jelömaökö waisanö omukwatakwawa waisachibakwawelöma, –jö̧ba̧lö yöawobedanö ichejekwa.

Diosnö ösödo̧ Job mikwo̧ usula emawina jawa 38:16

—Bakwötanöbi jwaibalawa la'aka edö kwȩwa̧jinaji̧? Delö laebojobö jö̧ba̧lö edö kwȩwa̧jinaji̧? Inesö da̧kwobe kwekachinaji̧?

Diosnö ösödo̧ Job mikwo̧ usula emawina jawa 38:30

Jau Job, ojwiyo tiyuwachibenama, inawadanö 'diachibobe, ja̧danö jwiinö tiyuwenama, da̧kwobe wamenö hielo baibanö 'diachibobe, ja̧ jawa labebö loawa kwöwaisobeji̧?

Diosnö ösödo̧ Job mikwo̧ usula emawina jawa 41:31

Jwaibalawanö kwöenama, ojwiyo döbebö sö̧löakwawobe, ja̧danö jalachibenama itjei'wo jamatinö jalachibo̧.

Diosnö ösödo̧ Job mikwo̧ usula emawina jawa 41:33

—Isabenö juluwo̧ chotidinökwe Leviatanma, jo̧bajayo̧ juluwo̧ma deobe bö̧jetjöma. Isabenö ja'yubebi yebabö̧kö̧ jo̧bama.

Proverbios 16:31

Ja̧danö, ju'wibi yötawa: Damöma, tjöwö'ye dewadöma jobadö tjöwö'yema inesö la'aka luwo̧ otiwaka ubutjawakadanö ji̧. Jobekwö tjöwö'ye dewa'ye tjubutjawi̧ma öwawinö i̧sebobe, bidöma lekwe mölȩ jweinö omukwatö ja̧dö, jö̧ba̧lö.

Proverbios 20:29

Ja̧danö, ju'wibi yötawa: Jojodöma möayedönö edö ösödö omukwatadö, juluwadö, jö̧ba̧lö. Jao, tjujuluwobetjö̧, otiwa, jö̧ba̧lö, tjo̧mukwatobe. Ja̧danö, ju'wibi yötawa: Jojodöma damönö, tjöwö'ye dewadönö edö ösödö, Isabenö jweinö omukwatadö, jö̧ba̧lö.