Jau, ötjönö dameakwö jwökeba̧li̧ma chöwaisa, ja̧danö ju'wedötjö bajalekwönö bo̧sa jö̧ba̧lö omukwatö yöka̧li̧ma, chölakiyunö cha̧ja̧kwajabe Senaquerib, jo̧kwajabetjö̧ baikwö ja̧takwo̧sa ökwönö: Ökwö kwi̧su̧nö, chitea o̧jwo̧'ye chakwatocha, ja̧danö kwaanö chitea kabayu aanö jweeba̧laka chanocha, ja̧danö ökwönö jalatö jwetebocha, kwichina mananö tjebachajö kwȩwa̧jakobetjö̧, –jö̧ba̧lö yöa̧lobe Diosma Senaqueribnö.
Diosnö ösödo̧ Job mikwo̧ usula emawina jawa 41:13 - Dios Iwene13 Jo̧bama, tjöekwa̧do̧ 'dia̧do̧ 'duawobedanö ichejekwa, ja̧danö bakwobi ja̧ tjöekwa̧do̧ kaoböma jwiobe. Bakwo̧bi tjöekwa̧do̧ söbibö, okwa doobö jwiobe. အခန်းကိုကြည့်ပါ။ |
Diosnö ösödo̧ Job mikwo̧ usula emawina jawa 41:13
5 ပူးပေါင်းရင်းမြစ်များ
Chö̧ja̧wo̧dö, yöda̧li̧ma ¿tajinö yöda̧lobeda? Dinenenö chö̧ja̧wo̧dö. Ja̧danö, dinenema ja'yuwijayonö juluwobe okobe jwiinö domukwati̧ yöda̧linö. Ja̧danö, a̧ja̧kwaduwi, wanedö yötawaduwakwö, kabayunö wanedö: Bakwo̧ kabayunö wa̧nö 'yo̧ma, kabayu aa okwa 'dii̧ jawanö jwebeba̧lö 'yo̧, kabayunöma. Ja̧danö, kabayuma yelösöda nöbo̧ ¿jö̧tö? Ja̧danö, 'dii̧ jawama ja'yube. Ja̧'yuwijayonö ja̧ 'dii̧ jawama jweeba̧lobe nöbo̧ kabayunöma. Ja̧danö, ju'wi wanedö yötawaduwakwö, isowinö wanedö: Ojwe nöödö 'ya̧kwawowima yelösöda nöowi. Ja̧danö, jowi oto'obema ja'yuwapi̧ ji̧, jowi nöowi jweebalapi̧. Ja̧danö, jwa̧lȩ'epjo jelobekwö 'yo̧bö labinö jwa̧lȩ'ewijayonö ja'yuwapi̧nöma jweebalobe jowima, jweinö 'yi̧nö, jwebeba̧lo̧ i̧'yobö ösödi̧da. Chö̧ja̧wo̧dö, jejenö ökwödö dinenema. Ja'yuwijayonö juluwanö jweeba̧lobe sulabenö yöda̧lobö. Yelösöda bakwo̧ma itetjöda möakwönönö omukwatö inenenö yöa̧lobe, Otiwo̧sa, ja̧danö, Juluwo̧sa, ja̧danö, Waiso̧sa, jö̧ba̧lö. Ja̧danö ju'wi wanedö yötawaduwakwö: Döwaisa. ökwöla juwawa ja'yubetjö isa'wonö nötekwajenama okobe jwiinö ubi̧, jö̧ba̧lö. Jejenö ja'yubetjö nötekwajö ubijayonö okobe jwiinö ubö loi̧.
ကြော်ငြာတွေ