Diosnö ösödo̧ Job mikwo̧ usula emawina jawa 40:9 - Dios Iwene

⁹ —Ökwöma ötjö Dios chujuluwi̧danö, juluwo̧köbobeji̧? Böba ökwödö, chiwene ökwöi̧danö ökwöda kwiwene ökwödobö juluwo̧köbobeji̧?

Diosnö ösödo̧ Job mikwo̧ usula emawina jawa 40:9 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 23:6

—Jau chömöledö, Dios öba a'o chichibobö ji̧tjö̧ma, dameakwö, iteda ujulunö söbebö loökena Diosma, lȩlöjinö edö, otiwanö labebö lobö yötawi̧ a̧ja̧kwena,

Diosnö ösödo̧ Job mikwo̧ usula emawina jawa 37:2

Otiwanö kwa̧ja̧kwo Dios yöawi̧ma, baikwö wanedö yöta̧la, böba ökwöi̧ma, Dios yöa̧li̧da ökwöobedanö jobe.

Diosnö ösödo̧ Job mikwo̧ usula emawina jawa 9:4

Jau, isabenö jwiinö waisanö omukwato̧ Diosma, ja̧danö isabenö jwiinö juluwo̧. Bakwo̧bi Dios öba a'o 'diinö jwöjwöbakwawö jo̧ ö̧jȩnaji̧? Bakwo̧bi Dios öba a'o ja̧nö, isabenö wene jwibo̧sa i̧sȩbo̧ma ö̧jenaji̧? Deobe la'akatjöda. Bakwo̧bi Dios öba a'o 'diinö jo̧ma deobe.

Éxodo 15:6

Isabenö Jo̧ kwömamu kwöwaisachamuma jwiinö juluwamu. Jamu jwiinö juluwamunö pjebebö loköbajabe kwöpöjöjödönö.

Isaías 45:9

Ayö, bakwo̧ jo̧banö otidina Dioskwö ölakwabikwawö jo̧ma, isabenö wene juna̧lo̧. Jo̧bajayo̧nö baikwö wanedö yöta̧la: Jo̧bajayo̧ma, sule lete'otjö dadawayu i̧sa̧yu, jeleyubiya 'da̧de ja̧yu mikwawököyudanö ichejekwo̧. Ja̧danö, lete'oma, dadö otido̧nö, —Taji kwotida? Sulabenö otido̧ja, lete'otjö otikwa wajwibo̧ja, —jö̧ba̧lö yöa̧lobö jȩnaji̧?

Isaías 52:10

Tjitebotenia jojodö tjö̧ba a'otjö iteda ujulu öwaetjöda öwawinö i̧sȩbajabe, ja̧danö bö̧jȩ ba̧kwemeachibanö ju̧kwadöma edö tjöwaisakwedö, —Duluwo̧ Diosma iteda ömöledönö tjö̧jibinö pjaatajabe, —jö̧ba̧lö.

1 Corintios 10:22

Chömöledö, jejenö ja̧bö Duluwo̧ ökwödönö ödameakwo jö̧ba̧lö ja̧dena ichejekwa, ökwödönö ö'wiabinö edo jö̧ba̧lö. ¿Dakwö kwomukwataduwa chömöledö? ¿Ökwödöma Duluwo̧nötjö o̧penönö juluwadödobeji̧, jejenö wene jwiinö ja̧do jö̧ba̧lö? Juluwöködösa chömöledö.

Josué 4:24

Jobekwö iteda ujulu i̧sȩbajabe dösödökwe Isabenö Jo̧ Diosma chömöledö, bö̧jȩ ba̧kwemeachibanö ju̧kwadö jojodöma a̧ja̧kwö tjöwaisachibakobetjö̧, Isabenö Jo̧ Diosma isabenö jwiinö juluwo̧, jö̧ba̧lö. Ja̧danö, ju'wibi, ökwödö israel jojodö ba̧kwelöjatebö kabatökönö kwuluwo̧duwi Isabenö Jo̧ Diosnö yebabinö omukwatö, Jwiinö juluwo̧ Dösödökwe Isabenö Jo̧ma jö̧ba̧lö omukwatö kwö̧jaduwakobetjö̧, jejenö kwöba a'oduwitjö iteda ujulu i̧sȩbajabeta, —jö̧ba̧lö yöawinobe Josuema, inawiya Guilgaltjö ödenama.