Diosnö ösödo̧ Job mikwo̧ usula emawina jawa 38:28 - Dios Iwene

²⁸ —Ojwiyobi, si̧li̧'idö tji'olibi abe'dobi ö̧jenaji̧?

Diosnö ösödo̧ Job mikwo̧ usula emawina jawa 38:28 ပူးပေါင်းရင်းမြစ်များ

Génesis 27:28

Chitji̧, Diosma si̧li̧'i̧dö tjo'yoli weakwo̧, ku̧kwa pokwi̧ tiyudobö. Ja̧danö, kwöbatjonö otiwanö pökwi̧bi pokwobö pjaatakwo̧. Kwakwawabi nöinö, ubabi, ubasobu yu'yöawobubi nöinö pokwinö baibanö pjaatakwo̧.

Génesis 27:39

Jejenö aebiökwe abe'do Isaacma jö̧ba̧lijetö: —Chitji̧, a̧ja̧kwi biya̧ yöta̧lima: Ökwöma otiwanö pokwemi nijitjöma ödö kwö̧jakwo̧ja. Si̧li̧'i̧dö tjo'yoli lȩlöma ödö kwö̧jakwo̧ja̧.

2 Samuel 1:21

Mösa'o Guilboa mikwa'oma, bemi tupakwö la'akatjöda si̧li̧'idö tji'olitjö 'bȩkwokobö, ja̧danö la'akatjöda ojwiyo o̧bokobö, ja̧danö jobetjö trigosa'ye la'akatjöda pokwokobö chösöda, jobetjö juluwo̧ Saulma debö i̧'yinobetjö̧, tjöekwapi sulamachibanö. Jau, Saul ujuluwinatjö̧ma, itea tjöekwapi salöachibanö o̧tenö 'do̧tjo jö̧tja̧linobe, jo̧kwaijayonö jobe Guilboa mösa'otjö debö i'yi̧nobetjö̧, ja'otjö suli̧ waekwinobe Saul iteapi tjöekwapima. Jo̧kwajabetjö̧, ja'otjö jobekwö baledinobetjö̧, ja'o Guilboa mösa'o kököbachibö suli̧ waekwobö chösöda.

1 Reyes 17:1

Ja̧danö, Galaad niji comunidad Tisbe jojo Elias mikwo̧ma, Acab öba a'o ichibö yöawinobe: —Israel jojodö tjösödökwe Isabenö Jo̧ Diosma isabenö jo̧, ja̧danö chuluwo Isabenö Jo̧ öba a'o ja̧nö, baikwö yötawakwö Acab, biya o̧biyama, ojwiyo o̧bökakobe, ja̧danö si̧li̧'idö tji'olibi tjoduwökakobe, ötjö Eliasma, –Babe ojwiyo o̧bakobe, –jö̧ba̧lö yötawenanö kabatö, —jö̧ba̧lö Acabnö yöawinobe Eliasma.

Diosnö ösödo̧ Job mikwo̧ usula emawina jawa 29:19

Ja̧ möle towi 'diowi, bö'dia ojwiyo jȩmi söowidanö chichejekwijatö, jadanö yö̧te baledibanö si̧li̧'idö tji'olitjö 'yoliwowidanö chichejekwijatö, otiwanö chö̧jinobetjö̧.

Diosnö ösödo̧ Job mikwo̧ usula emawina jawa 36:27

Baikwö yöta̧la, Dios waisanö otidi̧ma: Diosda bö̧jetjö ojwiyo kaamobö webo̧, ojwiyo'wo baibanö, jadanö jemi ikenama jo̧bada tjebachajö ojwiyo baibanö ojwiyo o̧bobö webo̧, jojodönö pjabatö, otiwanö nöinö ojwiyo o̧bobö webo̧.

Diosnö ösödo̧ Job mikwo̧ usula emawina jawa 38:8

Ja̧danö bakwuju jitji̧nö jemakwa̧ abönö, jusulasobu juluwanö ja̧jajibi̧danö, jwaibalawa ajayinö jamatenama, tida jwaibalawa bakwachobe baibanö yöbatö tumatö öninadaja, jwaibalawa tupakwö welachibapji jö̧ba̧löma?

Proverbios 3:20

Ja̧danö, jo̧bama waiso̧obetjö̧ jwai balawa niji teebetjö laebi̧danö dötewanö loobö weinobe. Ja̧danö, weinobe ojwiyo'wotjö ojwiyo o̧bobö. Okobe jwiinö waiso̧ Isabenö Jo̧ma.

Mateo 5:45

Jejenö ja̧köbaduwo, mölejȩbe jo̧ kwabe'doduwi i̧tji̧mu otiwanö ja̧bö tjö̧ji̧danö otiwanö ja̧bö kwö̧jaduwakobetjö̧. Jau chömöledö, kwabe'doduwima, sulabedönöbi, otiwadönöbi pjabatö bakweminö möle jawo̧nö idejatobö webo̧, ¿jö̧tö? Ja̧danö, sulabenö ja̧badönöbi, otiwanö ja̧badönöbi pjabatö, ojwiyo o̧bobö webo̧, ¿jö̧tö? Jau chömöledö, kwabe'doduwima okobe deinö jojodönö pjabato̧.

Deuteronomio 33:13

—Ja̧danö Jose itji̧mu sasokwena jojodönö baikwö yöta̧la: Isabenö Jo̧ otiwanö jobadö tjitebo niji pjaatobö chösöda, mölejebetjö si̧li̧'idö tji'oli weobö chösöda, ja̧danö niji teebe ojwiobi otiwanö weobö chösöda,

Deuteronomio 33:28

Jo̧kwajabetjö̧, israel jojodöma wene jwiinö tjö̧jobe, Jacob itji̧mu tupadanö jojodöma labokobe otiwanö tjö̧jobe. Israel nijima, si̧li̧'idö ti'oli otiwanö tjoduwemi, ja̧danö trigojaye waji̧bi, ubasobubi nöinö jȩmi niji̧.