Diosnö ösödo̧ Job mikwo̧ usula emawina jawa 38:12 - Dios Iwene

¹² —Ökwöja Job? Bakwötanöbi möle dewachakwa̧ weköbinaji̧? Bakwötanöbi dewi̧ kwö̧ba̧ja̧dinaji̧, –Babeda kwidewachobö jo̧be,

Diosnö ösödo̧ Job mikwo̧ usula emawina jawa 38:12 ပူးပေါင်းရင်းမြစ်များ

Génesis 1:5

Ja̧danö, dewi̧ma möle jö̧ba̧lö öbabijetö. Ja̧danö, yȩi̧ma yö̧te jö̧ba̧lö öbabijetö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö ajayinö mölema.

Diosnö ösödo̧ Job mikwo̧ usula emawina jawa 15:7

—Ökwöda okobe deinö böjȩ jojodötjö ajayinö ji̧na kwö̧ji̧ji̧? Dios mösa'iju otidakwa̧ abönö, ida̧ökö kwö̧jinaji̧?

Diosnö ösödo̧ Job mikwo̧ usula emawina jawa 24:16

Naukwabidöbi möle öpöjödö, yöteda ösödadö, yö̧tema ju'wedö tjejubiya tebachö naukwabidö, jo̧kwiajayonö mölema labebökönö idöda tjejubiyanö ju̧kwadö.

Diosnö ösödo̧ Job mikwo̧ usula emawina jawa 38:11

–Jwaibalawa, baikwöda kwichibakwo̧ja, bemi tupakwö kwichibökakwoja, jadanö buluwanö loköbi̧ juluwijayonö, bemi tupakwö kwöbaledökakwo̧ja, –jö̧ba̧lö chipje'datijatö. Ökwö deköbayi, ötjödasa jejenö chotidijatö.

Diosnö ösödo̧ Job mikwo̧ usula emawina jawa 38:13

babeda yö̧te, jojodö sulabenö ja̧tjena yȩi̧ jamatö lobö, bö̧jȩ ö'öbö kwidejatobö jo̧be, –jö̧ba̧lö weköbinaji̧?

Diosnö ösödo̧ Job mikwo̧ usula emawina jawa 38:21

Ökwö yöka̧laja̧ a̧ja̧kwö, isabenö pöeja, ja̧ jawa ina jwiayi kwö̧jinobedanö yöka̧lajabe Job, jokwajabetjö̧ labebö loköbobö kwöwaisena, jö̧tö?

Diosnö ösödo̧ Job mikwo̧ usula emawina jawa 38:4

Baikwö abebö a̧ja̧kwinobe Diosma, Jobnö: —Damötjö bö̧jȩ la'aka wa̧pedö chujuninenama, jobe edö kwö̧jinaji̧? Isabenö okwa jawa waisanö omukwato̧ kwö̧jitjö̧ma, bi̧ya abebö cha̧ja̧kwakwa̧ atadö labebö loköbo:

Diosnö ösödo̧ Job mikwo̧ usula emawina jawa 8:9

Ökwödöma sule mada tjeminawö̧sa Job, lekwe möle jö̧ködösa bö̧jenöma, ja̧danö döwaisi̧ma, sule ja'yubeda waisadösa, ökwödö babe möle ju̧kwadöma.

Lucas 1:78

Jau chitji̧, Diosma dösölö̧jinö lȩlö̧jinö edo̧obetjö̧, mölejȩbetjö yȩayi dewachena dejato̧ma omönanö dejatö ichakobe,

2 Pedro 1:19

Ja̧danö jejenö dedinobetjö̧, ajayitjö bajalekwönönö isabenö döwaisobe chömöledö, Duluwo̧ma isabenö iteda ujulu i̧sebö yemidanö ichakwo̧ jö̧ba̧lö. Jau chömöledö, Dios yöawi̧ yöbawadöma tjiwȩyudinobe, Duluwo̧ 'dö̧ibaji̧ möle yemidanö ichakwa̧ wenema, ja̧danö ida̧ökö jobadö tjiwȩyudi̧ dösödinobe. Ja̧danö, jemi ikenama ökwödöma jo̧ba ujulu i̧sebina dedijatö chömöledö. Ja̧danö jejenö dedinobetjö̧, ajayitjö o̧penönö döwaisobe, Dios yöawi̧ yöbawinadö tjiwȩyudinadanö iteda ujulu i̧sebö ichakobe jö̧ba̧lö. Isabenö jweinö tjiwȩyudinobe chömöledö, jo̧kwajabetjö̧ jobadö tjiwȩyudina otiwanö omukwatö kwösödaduwo chömöledö, jweinö kwomukwataduwakobetjö̧. Jau chömöledö, jobadö tjiwȩyudinama isabenö otiwanö domukwatobö pjaati̧, wanedö yötawa: Jobadö tjiwȩyudinama dejewa'yu̧ ubö dejati̧danö jo̧be, ichakwo̧nö jweinö kwomukwataduwobö, ja̧danö jejenö dejatakobe, inesö möle Cristo yemidanö ichakwa̧ möle dewachena kabatö. Ja̧danö ja̧ möle salöinö dejato̧ Cristoda ichö kwomajadeduwinö idejatakobe chömöledö, damötjö tjiwȩyudinadanö.