Diosnö ösödo̧ Job mikwo̧ usula emawina jawa 37:5 - Dios Iwene

⁵ —Jau, böba labinö ökwöi̧danö, labinö döbajale jalaka baibanö yöba̧lo̧ Diosma, ja̧danö inesö otiwi̧ jawa otido̧, okwa jawa döwaisi̧tjö bajalekwönönö otiwi̧ jawa otido̧.

Diosnö ösödo̧ Job mikwo̧ usula emawina jawa 37:5 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 11:7

—Isabenö Dios öwaisi̧tjö̧ baikwönönö wajwibo̧ja Job, baikwö yötawa: Dios jawa, ju'wedö wajwitji̧ jawama, ökwö kwöwaisachibobö kwujuna̧lobeji̧? Okobe jwiinö juluwo̧ Dios ujulu, dokwa nöinö ujuluwojobö jö̧balö kwöwaisachibobö kwujuna̧lobeji̧?

Diosnö ösödo̧ Job mikwo̧ usula emawina jawa 26:14

—Jobekwö wamenöda yötawaduwakwö Dios inesö ujuluma, wanedö yötawa, tjo'omanö sewoba̧lö yötja̧li̧danö, iteda ujulutjö sule ja'yubeda i̧sȩbajabe. Jau chömöledö, böba ökwöi̧ da̧ja̧kwenama, –Ayö, Dios inesö ujuluma, dokwa nöinö juluwo̧jö, –jö̧ba̧lö a̧ja̧kwö omukwatadösa, isabenö ujuluma ja'önöda döwaisobetjö̧, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 36:26

—Isabenö otiwanö juluwo̧ Diosma, ökwödö bö̧je jojodö dö̧waisi̧tjö bajalekwönönö juluwo̧. Isabenö lekwe o̧biya jo̧ Diosma, dö̧ba̧jadökenanö, jwiinö lekwe o̧biya jo̧ jo̧bama.

Diosnö ösödo̧ Job mikwo̧ usula emawina jawa 37:14

—Yöta̧li̧ otiwanö omukwatö kwa̧ja̧kwo Job, 'wii̧nö ja̧nö, Dios döbajale jalaka baibanö otidi̧ jawa kwomukwato.

Diosnö ösödo̧ Job mikwo̧ usula emawina jawa 37:16

Ja̧danö bakwainö okobe jwiinö waiso̧ Dios otidi̧, ojwiyo'wo mebökönö öni̧ma, –Mölejȩnö dakwö önobejö? –jö̧ba̧lö labebö loawa kwöwaisobeji̧?

Diosnö ösödo̧ Job mikwo̧ usula emawina jawa 37:2

Otiwanö kwa̧ja̧kwo Dios yöawi̧ma, baikwö wanedö yöta̧la, böba ökwöi̧ma, Dios yöa̧li̧da ökwöobedanö jobe.

Diosnö ösödo̧ Job mikwo̧ usula emawina jawa 37:4

Ja̧danö, böba idejatobö webajo̧, iwene ökwöobö webo̧, iteda iwene ökwöi̧danö, böba labinö ökwöobö webo̧, ja̧danö jejenö yöa̧lo̧nö, böba nöinö dejatinö webo̧.

Diosnö ösödo̧ Job mikwo̧ usula emawina jawa 40:9

—Ökwöma ötjö Dios chujuluwi̧danö, juluwo̧köbobeji̧? Böba ökwödö, chiwene ökwöi̧danö ökwöda kwiwene ökwödobö juluwo̧köbobeji̧?

Diosnö ösödo̧ Job mikwo̧ usula emawina jawa 5:9

Jau Job, Diosnöda akebobö jo̧be, baikwö yötawa: Diosma inesö otiwi̧ jawa otido̧, bö̧je jojodö wajwidi jawama. Isabenö nöinö inesö otiwi̧ jawa otido̧ Diosma, dö̧ba̧jadökenanö iteda ujulu i̧sȩbö, otiwi̧ jawa otido̧ Diosma.

Diosnö ösödo̧ Job mikwo̧ usula emawina jawa 9:10

—Jau, jo̧ba Diosda inesö otiwi̧ jawa, ökwödö bö̧je jojodö wajwidi jawa otido̧ma, dö̧ba̧ja̧dökenanö nöinö edajidökö jawa otido̧ jo̧bada.

Isaías 40:28

Diosnö la'akatjöda kwa̧ja̧kwinaduwökiji̧? Yötjawi̧ okwa jawa la'akatjöda do̧katinaduwökiji̧? Isabenö Jo̧ma, ba̧kwelöjatebö jo̧ Dios chömöledö, jo̧bada okobe jwiinö bö̧jȩ otidinama. Jo̧bama la'akatjöda 'dö̧bachibö̧kö̧, ja̧danö la'akatjöda me'dawachibö̧kö̧. Ja̧danö okobe jwiinö waiso̧, bakwo̧bi okobe jwiinö Dios öwaisi̧ jawa öwaisachiboböma jwiobe.

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.

Apocalipsis 15:3

Ja̧danö, jobadöma jobe ja̧nö lo̧tjobe chedijatö. Ja̧ lo̧tji̧ma, Dios ömöayo̧ Moisésmine lo̧inabi, Obeja Itji̧danö Jo̧ lo̧inabi, ja̧ lo̧tji̧ma. Ja̧ lo̧tji̧ma baikwö laebobe: Duluwo̧ Dios, ökwöma jwiinö juluwo̧ja. Kwujulu i̧sebo̧ja. Kwujulu kwi̧sebobe edö, Ayö, jö̧ba̧lö, yebabinö dö̧jobe, döbajale jalaka baibanö. Kwujulu i̧sebö ja̧köbi̧ma jweinö omukwatö, otiwanö ja̧bo̧ja. Ökwöma ba̧kwȩlö̧jatebö inesö la'aka luwo̧ja.