Diosnö ösödo̧ Job mikwo̧ usula emawina jawa 36:4 - Dios Iwene

⁴ —Isabenö yötawakwö Job, yöta̧li̧ma, omöna wene yöbawö̧kö̧sa. Isabenö ötjö ökwökwö jo̧ma, otiwanö Diosnö waiso̧sa Job, ja̧danö jweinö yötawakwö, baikwö:

Diosnö ösödo̧ Job mikwo̧ usula emawina jawa 36:4 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 13:4

—Ja̧danö, ökwödö chömöledönö, baikwö yöta̧la: Ökwödöma sulabenö omöna yöba̧ladöja, –Jobma sulabenö ja̧bo̧, –jö̧ba̧lö. Ja̧danö ökwödöma, –Pjadatakwö, –jö̧ba̧lö yöka̧laduwijayonö, pjabatöködöja, dötölödö wajwibadödanö ichejekwadöja chömöledö.

Diosnö ösödo̧ Job mikwo̧ usula emawina jawa 13:7

—Tajawedö omöna yöka̧laduwobeda chömöledö? Diosnö pjakataduwotö jö̧ba̧lö, omöna jawa yöka̧laduwobeji̧?

Diosnö ösödo̧ Job mikwo̧ usula emawina jawa 21:27

Tupakwö yöa̧linobe Jobma: —Ökwödö kwomukwataduwi̧ chöwaisa chömöledö, ötjönö suli̧ kwöwaedaduwobö omukwatö kwujunaduwi̧ma.

Diosnö ösödo̧ Job mikwo̧ usula emawina jawa 21:34

—Jejenö jo̧be chömöledö, yöka̧laduwi̧danömaökö. Ökwödöma cho̧'wo ösöwachibotö jö̧ba̧lö yöka̧laduwi̧ma, sule mikwawa jwii̧ jawada yöba̧ladöja, –Otiwanö atadadösa, –jö̧ka̧laduwijayonö, bakobe omöna yöa̧lakwawa jawada atadadöja, ja'yubebi pjabatöködöja, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 33:3

Ökwönö yöta̧li̧ma, sulabenö omukwatö yöta̧lökö, chomajadenö otiwanö chomukwati̧tjö, dötölatajanö omukwatökönö otiwanö chöwaisi̧ jawa yöta̧locha.

Diosnö ösödo̧ Job mikwo̧ usula emawina jawa 37:16

Ja̧danö bakwainö okobe jwiinö waiso̧ Dios otidi̧, ojwiyo'wo mebökönö öni̧ma, –Mölejȩnö dakwö önobejö? –jö̧ba̧lö labebö loawa kwöwaisobeji̧?

Diosnö ösödo̧ Job mikwo̧ usula emawina jawa 6:28

—Jweinö döbabiyakwena dediakwawaduwo chömöledö, ökwödönö omöna yöta̧lökakwo̧sa chömöledö.

Lucas 1:3

ja̧danö ötjöbi jejenö chiwȩyudobe ökwönö. Okobe jwiinö ja̧ Jesús ö̧jina wene jawa chöwaisachajabe, ajayitjö baikwö bajalenö, ja̧danö jweinö ajayitjö baikwö bajalenö ja̧ baledina wene chiwȩyudobö chomukwatobe ökwö Teófilo mikwo̧nö.

Hechos 24:22

Ikenama Félixma tupakwö yötjawobö öpöjödijetö, ji̧kwa mananö kwebachadö ötjabiwö̧ yötjawi̧ ida̧ökö öwaisobetjö̧. Jo̧kwaobetjö̧ jö̧ba̧lijetö: —Tjo̧wi̧ta, guardia jojodö tjuluwo̧, Claudio Lisias mikwo̧ ichena weawa yötawocha— jö̧ba̧lijetö.

1 Corintios 14:20

Chömöledö, biya̧ yötawaja̧ jawa wajwibö kwomukwataduwa, tjemu wajwitji̧danö. Suli̧ jawa wajwiköbaduwobö chösöda chömöledö, bakwainö otiwi̧da kwomukwataduwo jö̧ba̧lö, jo̧kwaijayonö biya̧ yötawaja̧ jawa tjo̧'wo̧ luwo̧nö da̧peachadö tjomukwati̧danö jweinö kwomukwataduwobö chösöda.

2 Corintios 2:17

Ju'wedö sulabenö yöbawö tjotidi̧danö dotiditjö̧ma, waekwena chömöledö. Jobadö sulabenö yöbawadöma idöda balada tjemotö jö̧ba̧lö yötjawobe chömöledö, jo̧kwaijayonö jejenöma yöbawöködösa ökwödöma. Jau chömöledö, jojodö wetjököwö̧sa, Ökwödöma Diosda weawö̧sa, Cristoda ömöayedösa, ja̧danö jo̧bada öba a'otjö jweinö obökönö yöbawadösa. Ja̧danö chömöledö, jejenö wei̧danö yödawiökwe, Diosma otiwanö pjabato̧, ja̧danö ökwödönötjö böjȩ bakwameachibanö jojodönö pjaatobe.

Colosenses 4:12

Ja̧danö, ökwödö Colose jojodötjö jojo ja̧danö Cristo Jesús ömöayo̧ Epafras mikwo̧ma ökwödönö deawobedanö dokwa jö̧ba̧lö aebobe. Jo̧bama kabatökönö ökwödönö omukwatö nöinö Diosnö aebobe chömöledö, kwo̧'wo̧ luwo̧duwi da̧peachö kwö̧jaduwakobetjö̧, ja̧danö dötölatajanö omukwatökönö, jwaikwöda Dios ösödi̧ jawada ja̧bö kwö̧jaduwakobetjö̧.