Diosnö ösödo̧ Job mikwo̧ usula emawina jawa 32:13 - Dios Iwene13 Jo̧kwajabetjö̧ baikwö yöta̧laduwakwö chömöledö, yöka̧laduwoko, –Okobe jwiinö waisanö omukwatakwawa waisadösa, ökwödödasa Jobnö jwedebakwedösa, –jö̧ba̧löma. Diosda Job yöa̧laja̧ atadakwo̧ma chömöledö, jojodödamaökö. အခန်းကိုကြည့်ပါ။ |
Jobma ilekwonö atadinobe, —Sulabenö yöka̧la chilekwo. Jejenö yöba̧lö, ya̧dö wajwibadö yötja̧lidanö yöba̧lujuja chilekwo, baikwö yötawa: Dios ökwödönö otiwa jawa iyenama, demobö ösödadösa, otiwa jö̧ba̧lö, jö̧tö? Ja̧danö, Dios otiwa jawa iyi̧tjö demobö ji̧tjö̧ma, Dios suli̧ jawa iyi̧tjöbi demobö jwienaji̧? Isabenö Dios suli̧ jawa iyi̧tjöbi öpöjödökönö demobö jo̧be chilekwo, —jö̧ba̧lö atadinobe Jobma. Ja̧danö, okobe jwiinö ja̧ usula emawinö baledi̧ jawa baledonö, sulabenö yöa̧linokobe Jobma, ina jwaikwöda Diosnö ösödö ö̧jinobe.
—Jo̧kwaijayonö, cha̧ja̧kwa̧lonö, yöka̧laduwi̧ waekwatö chömöledö. Jobnö yöba̧lö, sulabenö omukwati̧ kwi̧sȩbaduwotö jö̧ba̧lö yöka̧laduwi̧jayonö, waekwatö. Jau chömöledö, otiwanö teada̧lönö cha̧ja̧kwa̧latö, ja̧danö ökwödötjö bakwo̧bi kwi̧sebaduwökötö, –Isabenö sulabenö omukwato̧ Jobma, –jö̧ba̧lö. Ja̧danö ju'wibi, Job ökwödönö yöa̧laja̧ kwatadaduwo jö̧ka̧laduwijayonö, bakwo̧bi otiwanö kwatadaduwökötö, labebö lobö yöa̧laja̧ma.
—Jau, wene chujuna̧li̧ma, baikwö wanedö yötawa, Okobe Jwiinö Juluwo̧ Diosma ötjönö 'böajobedanö ichejekwa, niekwa madeba ji̧ na̧yunö, ja̧danö ja̧ niekwa madebama cho̧'wo luwo̧nö teachajabe ichejekwa. Ölakwabikwawadö metji̧botö jö̧ba̧lö badekwanö tjö̧jamati̧danö, inesö labi̧ jawa chöba a'o i̧sȩbajabe Diosma, jwiinö yetaibanö, isabenö Diostjö wene juna̧lo̧sa ötjöma, ¡ötjöwe!
Ja̧danö, jobekwö ida̧ökö ökwödönö chöwaisobetjö̧, baledakwa̧ma ajayitjö ökwödönö yötawijatö. Jau, ökwödönö chöwaisijatö, —Ajayinö baledakwa̧ yötawökötjö̧ma, o̧'wo jawa tjösödawö̧nö yötja̧lakwedö, –Baledi̧ma, dösödökwe o̧'wo jawada baledobö weajabe, –jö̧ba̧lö yöka̧laduwena. Ötjönö omukwatökönö, kwösödaduwawö̧ towisa'otjö otikwedö o̧'wo jawabi, 'dii jawatjö otikwedö o̧'wo jawabi kwomukwataduwena, —jö̧ba̧lö. Ja̧danö, jobekwö ötjöda chotidi̧ma, jobadöda tjotidi̧ jö̧ba̧lö yöka̧laduwapji jö̧ba̧lö, baledakwa̧ abönö yötawijatö.
—Bakwo̧da webo̧ma, mölejȩbe jo̧da. Ökwömaökö. Diosma ökwönö weinobe böjȩ jojodö tjuluwo̧ bakibanö. Ja̧danö, ö'wö batibanö weköboböma Diosda weobe. Diosma jejenö weköbobö kaatokobetjö̧ jejenö weköbobe— jö̧a̧linobe—. Diosda ökwö weköbobö webo̧ma. Jo̧kwaobetjö̧ Pilato, ökwö weköbi̧, ö'wö batibanö sulabenö weköbi̧ma ökwö jawamaökö, Dios weköbobö kaatokobetjö̧. Ötjönö iyö lobadöda jawa. Jobadöma ökwö ja̧köbemitjö o̧penönö sulabenö ja̧badö. Jobadöda jawa, ötjö ö'wö batibanö weawama— jö̧a̧linobe Jesúsma Pilatonöma.
Ja̧danö, Isabenö Jo̧ma Gedeonnö yöawinobe, —Ökwökwö ju̧kwadö israel jojodötjö ölakwabikwawadöma, yelösöda ba̧jȩkwadö tjö̧jobe. Chedemi ba̧jȩkwadökwö kwölakwabikwawaduwitjö̧ma, israel jojodöma ötjö chujulu tjo̧mukwatökena, idöda tjujulu tjomukwatena, –Juluwadödobetjö̧ dujuluwajabe, –jö̧ba̧lö. Jejenö tjomukwatapji jö̧ba̧lö, ba̧jȩkwadönö öbibö kwölakwabikwawobö chöpöjöda.