Diosnö ösödo̧ Job mikwo̧ usula emawina jawa 32:11 - Dios Iwene

¹¹ Jau chömöledö, ökwödöda abönö yöka̧laduwobö chiteada̧lijatö, –Dakwö yöda̧lakwajö, –jö̧ba̧lö yöka̧laduwakwa̧ kwomukwataduwonö, waisanö yöka̧laduwakwa̧ cha̧ja̧kwotö jö̧ba̧lö chiteada̧lijatö.

Diosnö ösödo̧ Job mikwo̧ usula emawina jawa 32:11 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 29:21

—Ja̧ möle jojodöma isabenö yöta̧li̧ tja̧ja̧kwobö tjösödijatö, yötawi̧ tja̧ja̧kwotö jö̧ba̧lö tjiteada̧linobe, –'Wii̧nö janö diteada̧lo, Job waisanö lȩekwa da̧ja̧kwakobetjö̧, –jö̧ba̧lö.

Diosnö ösödo̧ Job mikwo̧ usula emawina jawa 29:23

ja̧danö yötawakwa̧ otiwanö tjiteada̧linobe, ojwiyo o̧bakwa̧, o̧ba ajayi o̧bakwa̧ ösödinö tjiteada̧li̧danö.

Diosnö ösödo̧ Job mikwo̧ usula emawina jawa 32:10

—Jo̧kwajabetjö̧, baikwö yöta̧laduwakwö chömöledö, Isabenö ötjö yöta̧li̧ kwa̧ja̧kwaduwobö jo̧be. Ina möayo̧danö chö̧jijayonö, yayonö ökwödönö labebö lobö yötawocha ötjö chöwaisi̧ma.

Diosnö ösödo̧ Job mikwo̧ usula emawina jawa 32:12

—Jo̧kwaijayonö, cha̧ja̧kwa̧lonö, yöka̧laduwi̧ waekwatö chömöledö. Jobnö yöba̧lö, sulabenö omukwati̧ kwi̧sȩbaduwotö jö̧ba̧lö yöka̧laduwi̧jayonö, waekwatö. Jau chömöledö, otiwanö teada̧lönö cha̧ja̧kwa̧latö, ja̧danö ökwödötjö bakwo̧bi kwi̧sebaduwökötö, –Isabenö sulabenö omukwato̧ Jobma, –jö̧ba̧lö. Ja̧danö ju'wibi, Job ökwödönö yöa̧laja̧ kwatadaduwo jö̧ka̧laduwijayonö, bakwo̧bi otiwanö kwatadaduwökötö, labebö lobö yöa̧laja̧ma.

Diosnö ösödo̧ Job mikwo̧ usula emawina jawa 32:4

Ajayinö, ju'wedö yötja̧lonö, Eliuma 'wii̧nö ba̧nö a̧ja̧kwinobe, ju'wedötjö baikwönönö möayo̧obetjö̧,

Diosnö ösödo̧ Job mikwo̧ usula emawina jawa 5:27

—Jobekwö döwaisachibina jawa yötawakwö Job, jweinö kwomukwatobö. Jau Job, ökwödöma bö̧je jojodö dö̧ji̧ waisachö dedajabe, ja̧danö waisachajadö dedajabe, isabenö yötawaja̧danö jo̧be jö̧ba̧lö. Jo̧kwajabetjö̧ otiwanö jwebebö yötawaja̧ kwa̧ja̧kwo Job, ja̧danö a̧ja̧kwajo̧, sulabenö kwomukwati̧ kabatibö kwöbalewacho, yötawaja̧danö Dios ökwönö otiwanö pjaatakobetjö̧, —jö̧ba̧lö yöa̧linobe Elifazma, Jobnö.

Proverbios 18:17

Ja̧danö, ju'wibi yötawa, wanedö: Dujutaja wene juna̧lakwawadöma lȩekwa yöbawo̧ ö̧jobekwö yöba̧lö tetjachenama bakwo̧nökwena yötjawobö jo̧be, wenema bi̧ya̧da, jö̧ba̧lö. Ja̧danö, lȩekwa yöbawo̧ma, ajayinö yöbawo̧ yöawi̧ a̧ja̧kwö omukwatena, jweinö yöbawo̧ ichejekwa, jö̧ba̧lö. Jemi ikenama jelo̧ abebö a̧ja̧kwo̧ma ajayinö yöbawo̧nö abebö a̧ja̧kwobe ju'wi jawabi ju'wi jawa. Jobekwö abebö a̧ja̧kwonö öwawobe, omöna yöbawo̧, jö̧ba̧lö, jelobekwö atada̧lobetjö̧.

Proverbios 28:11

Ja̧danö, ju'wibi yötawa: Balada luwo̧ma itedada, ötjöma jweinö omukwato̧sa, jö̧ba̧lö, omukwatobe. Jobekwö omukwatijayonö jelo̧, balada jwibo̧ma, di̧ya sulojobö jö̧ba̧lö, di̧ya otiwojobö jö̧ba̧lö waiso̧ma balada luwo̧nö öwaisachibökwe. Balada jwibo̧ma balada luwo̧nö edö omajade okwanö öwaisachibökwe, jweinö omukwatoböma wajwibo̧, jö̧ba̧lö.