Diosnö ösödo̧ Job mikwo̧ usula emawina jawa 31:4 - Dios Iwene

⁴ —Dios wei̧ a̧ja̧kwö chö̧jinobema, taji waekwinada? Ja̧bö chö̧ji̧ Dios edinökiji̧? Kwetachi̧tenia edinökiji̧? Editjö̧ma tajawedö sulabo̧ usula emawi̧danö usula chemawobö weobedaja?

Diosnö ösödo̧ Job mikwo̧ usula emawina jawa 31:4 ပူးပေါင်းရင်းမြစ်များ

Génesis 16:13

Ja̧danö, Isabenö Jo̧ Dios jejenö yöawoko Agarma Diosnö öbabijotö, ötjönö edö te'ada̧lo̧ Dios, jö̧ba̧lö. Ja̧danö yöba̧lijotö, ¡Ayö! Ötjöma Diosnö chedajayonö ina 'yaba̧lujusa, jö̧ba̧lö.

Diosnö ösödo̧ Job mikwo̧ usula emawina jawa 11:11

Jau Job, Diosma waiso̧, sulabedö mikwawöködönöma, jadanö bakwo̧ sulabenö ja̧i̧ edenama, sulabenö ja̧aja̧ omukwatö, lȩebökenaji̧? Isabenö lȩebena.

Diosnö ösödo̧ Job mikwo̧ usula emawina jawa 14:16

Jau chuluwo̧, ja̧ möle sulabenö ja̧takwojobö jö̧ba̧lö eda̧lökönö, otiwanö ötjönö kwiteada̧lena.

Diosnö ösödo̧ Job mikwo̧ usula emawina jawa 23:10

—Jo̧kwaijayonö Diosnö chedököjayonö, okobe jwiinö kwetachi̧tenia edö waiso̧ Diosma. Jo̧kwajabetjö̧, otiwanö ja̧bö chö̧jojobö, sulabenö ja̧bö chö̧jojobö jö̧ba̧lö ötjönö badedö editjö̧ma, bakwai̧ oro öwawi̧danö öwawena, isabenö Dios wei̧ a̧ja̧kwö jo̧sa̧, jö̧ba̧lö.

Diosnö ösödo̧ Job mikwo̧ usula emawina jawa 24:23

Ajayinö otiwanö wene jwiinö tjö̧jobö Dios weinajayonö, isabenö jobadö tjö̧ji̧ eda̧lo̧ Diosma, otiwanö ja̧tjojobö, sulabenö ja̧tjojobö jö̧ba̧lö.

Diosnö ösödo̧ Job mikwo̧ usula emawina jawa 28:24

Jau chömöledö, Diosma okobe jwiinö edo̧, baikwö yöta̧la: Diosma okobe jwiinö mölȩjȩ teebe ji̧ edo̧, bö̧je bajalebi ichibanö.

Diosnö ösödo̧ Job mikwo̧ usula emawina jawa 31:37

Yebabökönö, la'aka luwo̧ yebabökönö lȩekwa luwo̧ öba a'o ichibi̧danö, yebabökönö inesö lȩekwa luwo̧ Dios öba a'o chichibena, okobe jwiinö ja̧bö chö̧jina jawa labebö lotakobetjö̧.

Diosnö ösödo̧ Job mikwo̧ usula emawina jawa 34:21

Jau, Diosma jojodönö bakwonökwena edo̧, okobe jwiinö jabö tjö̧ji̧ edo̧.

Diosnö ösödo̧ Job mikwo̧ usula emawina jawa 36:7

Ja̧danö, Dios wei̧ a̧ja̧kwö ju̧kwadönö, otiwanö edö teada̧lo̧ Diosma, jobadönö kabebö wano̧, inesö la'aka luwedökwö bamatö webö tjö̧jobö, jadanö ba̧kwelöjatebö jobadönö otiwanö tjomukwatobö pjabato̧.

Proverbios 15:3

Ja̧danö, ju'wibi yötawa: Isabenö Jo̧ma okobe jwiinö böjȩ ba̧kwȩmeachibanö edo̧. Ja̧danö, okobe jwiinö edö waiso̧, jojodö sulabenö omukwatö tjö̧jojobö, otiwanö omukwatö tjö̧jojobö jö̧ba̧lö. Okobe jwiinö edö waiso̧ Isabenö Jo̧ma.

Proverbios 5:21

Isabenö Jo̧ma okobe jwiinö ja̧dobema edo̧. Ja̧danö, di̧'yobema edö waiso̧, chitji̧.

Daniel 5:23

Diostjö nija̧kwönönöbo̧sa̧ jö̧ba̧lö omukwatökönö, Mölejȩbe Jo̧ Diostjö bajalekwönönöjo̧sa jö̧ba̧lö kwomukwatajabe, ja̧danö jejenö omukwatö Diosda ejutjö tjichejebina dȩja̧'di̧ju tjichejebobö weköbajabe. Ja̧danö ökwöbi, kwömöayedötjö la'aka luwedöbi, kwi̧lȩkwa̧mubi Dios itea dȩja̧'di̧jutjö ubasobu o̧'dobu kwowaduwajabe, Diostjö bajalekwönönöbedösa jö̧ba̧lö. Ja̧danö ju'wibi o̧'wo̧ jawa kwösödaduwajabe juluwadö jö̧ba̧lö, orotjöbi, platatjöbi, broncetjöbi, 'dii jawatjöbi, towisa'otjöbi, inawiatjöbi otikwedö o̧'wo̧ jawa kwösödaduwajabe, juluwadö jö̧ba̧lö. Jobadö kwösödaduwawö̧ma edöbi edöködö, ja̧danö a̧ja̧kwöbi a̧ja̧kwöködö, ja̧danö waisöbi waisöködö, jo̧kwaijayonö jobadönö ösödadöja, Isabenö Jo̧ Diosnö ösödökönö. Jau chuluwo̧, kwo̧'wo̧ kwemobö iyo̧ Diosnö, ju'wibi okobe jwiinö ökwönö baledakwa̧ webo̧nö otiwanö omukwatö ösödökönö, ju'wedönöda ösödo̧ja.

Juan 1:48

Jejenö yöawökwe: —¿Dakwö kwöwaisobö ötjönöma?— Natanaelma abebö a̧ja̧kwökwe: —Ökwönö chedatö, Felipe ökwönö jwöakwa̧ abönö. Higosowi teebe kwö̧bobe chedatö—yöawinobe Jesúsma Natanaelnö. Jejenö yöawökwe:

Hebreos 4:13

Chömöledö ¿Diosma okobe jwiinö edokobeji̧? Edo̧. Ja̧danö ¿okobe jwiinö baledi̧ma wajwiobeji̧? Waiso̧, chömöledö. Jo̧kwaobetjö̧ Diosma isabenö okobe jwiinö domukwati̧ma waiso̧. Ja̧danö, domukwati̧ma jo̧banö i̧sekwi̧danö i̧sekwobe. Ökwödö domukwati̧ ja'yubebi dötabada̧loböma jwiobe chömöledö. Ja̧danö chömöledö, ju'wi möle, Dios öba a'o ja̧nö, ökwödöma datadakobe okobe jwiinö ja̧bö dö̧ji̧, do̧'wo̧ luwo̧tjö laebi̧ ja̧bö dö̧ji̧ma. Isabenö ökwödöma Dios wei̧ da̧ja̧kwinököbi, da̧ja̧kwinabi datadakwedösa. Isabenö chömöledö Dios wei̧, Jesúsnötjö yöawi̧ma a̧ja̧kwö dö̧jobö jo̧be.