Diosnö ösödo̧ Job mikwo̧ usula emawina jawa 31:3 - Dios Iwene

³ Dios wei̧ a̧ja̧kwöködöma, suli̧ waekwi̧ jawa emadö, sulabenö ja̧badöma söbebö loawa jawada emadö, jö̧tö. Ja̧ jawa chemapji jö̧ba̧lö, otiwanö Dios wei̧ a̧ja̧kwö chö̧jijatö.

Diosnö ösödo̧ Job mikwo̧ usula emawina jawa 31:3 ပူးပေါင်းရင်းမြစ်များ

2 Samuel 18:10

Ja̧danö, David ömöayedötjö bakwo̧ Absalon tjowinö lo̧nö edinobe, ja̧danö Joabnö yöawinobe, —Chuluwo̧ Joab, Absalonnö chedajabeta, towinö öwö'yenö udawajö lo̧nö, —jö̧ba̧lö.

Diosnö ösödo̧ Job mikwo̧ usula emawina jawa 18:12

A̧wi̧chi̧ lö̧jökwe ja̧nö, ujulu jwibo̧ baibanö ime'dawachibobe, ja̧danö kabatökönö suli̧ waekwabinö jo̧, sulabo̧ma.

Diosnö ösödo̧ Job mikwo̧ usula emawina jawa 20:29

Jejenö baledakobe sulabedönöma Job, Diosda omudawö ujuninobe, jobekwö jobadönö baledobö, sulabenö ja̧tjaja̧ mikwa baibanö. Isabenö iya̧da jawa tjemakwedö, —jö̧ba̧lö Jobnö yöa̧linobe Zofarma, isabenö Dios öba a'otjö sulabo̧ja, jö̧ba̧lö.

Diosnö ösödo̧ Job mikwo̧ usula emawina jawa 21:17

Tupakwö yöa̧linobe Jobma: —Yöka̧laduwajabe, –Sulabedöma nöinö usula emawadö, –jö̧ba̧lö, jo̧kwajabetjö̧ baikwö abebö cha̧ja̧kwaduwakwö: Sulabedö tjitea dȩjuwa'yuma, dokwa nöinö tiibobeda? Ja̧danö söbebö loawa jawa, dokwa nöinö baledobeda jobadönö? Ja̧danö dokwa nöinö jobadönö dameakwö ja̧nö, usula tjemawobö weobeda Diosma?

Diosnö ösödo̧ Job mikwo̧ usula emawina jawa 21:30

Tjedaja̧ baikwö yöbawadö, –Nöinö wene baledenama, sulabedöma wenetjö ji̧badö, Dios dameakwö lȩebenama, wene jwiinö Dios lȩebi̧tjö döbibajadö, –jö̧ba̧lö yötjawobe.

Diosnö ösödo̧ Job mikwo̧ usula emawina jawa 31:23

Jo̧kwaijayonö, Diosnö yetabobetjö̧ jejenö ja̧binö̧kö̧sa chömöledö. Jau chömöledö, Dios inesö ujulu edö, chujulu jwibö yetabijatö, ja̧danö yebabinö ja̧nö, jejenö ja̧tijökötö, –Dios labinö lȩebapji, –jö̧ba̧lö.

Diosnö ösödo̧ Job mikwo̧ usula emawina jawa 34:22

Sulabenö ja̧badö tjuju̧kwawemi ja'yubebi jwiobe, sulabenö ja̧tji̧ Dios edapji jö̧ba̧lö, yȩa'wo okwa, bakwainö öwawökö'wo yȩa'wo okwa sulabenö jatji̧tjö̧bi, otiwanö edo̧ Diosma.

Proverbios 1:27

Ina yöbawuju: —Ja̧danö, jwiinö yekabiduwi̧ jawa ökwödönö jwiinö labi̧ jawa baledakobe, usula kwemawaduwinö, ojwiyo nöobu o̧bobe labinö jwa̧lȩ'ȩwi̧danö. Ja̧danö, jwa̧lȩ'epjo labinö jwalȩ'ȩwö ichi̧danö ökwödönö labi̧ jawa ichakobe usula kwemawaduwinö. Jobekwö balediawö̧ kwo̧'wo̧duwi̧ tjo̧bekwibö kwö̧jaduwakwedöja ¡ayö ökwödöwe! jö̧ba̧lö —yöbawuju—.

Proverbios 10:29

Ja̧danö, ju'wibi yötawakwö: Isabenö Jo̧ma otiwanö omukwatö ju̧kwadönöma tjöbeba̧lönö te'ada̧lo̧. Jobekwö ite'ada̧lokobe sulabenö omukwatö ja̧badönöma. Isabenö Jo̧ma jobadö sulabenö omukwatö ja̧badönöma söbebö loakwo̧.

Proverbios 21:15

Ja̧danö, ju'wibi yötawa: Lȩekwa yöbawo̧ma sulabenö ja̧binanö lȩtjebobö weobetjö̧ Dios wei̧ a̧ja̧kwadöma tjo̧'wo̧ ösöwanö tjö̧jobe. Jobekwö tjö̧jokobe ju'wedö sulabenö ja̧badöma. Jobadöma jwiinö yebabidö, ayö ökwödöwe, ökwödönöbi lȩtjebena, jö̧ba̧lö.

Isaías 28:21

Diosma isabenö a̧la̧ibö ölakwabikwawakwo̧, damötjö Perazim mösa'otjö ölakwabikwawinadanö, ja̧danö Gabaon wabekotjö ölakwabikwawinadanö ölakwabikwawakwo̧. Iteda otidobö jö̧a̧li̧ jawa otidakwo̧, jojodö tajijö jö̧ba̧lö wajwitji̧ jawa otidakwo̧. Jau, iteda omukwatö ujunina, jojodö wajwitji̧ jawa otidakobetjö̧, jobekwö a̧la̧ibö ölakwabikwawakwo̧ Isabenö Jo̧ma, —jö̧ba̧lö laebobe Dios yöawi̧ma.

Mateo 7:13

Tupakwö yöawinobe Jesúsma: —Chömöledö, baikwö wanedö yötawa: Apjude bakwadeda jo̧be, ja̧kwawa manasadema, ja̧danö jadema ja'yuwade. Jelede apjudema, jalade, ja̧danö jade manama waiyökö, ja̧danö ba̧jekwadö jojodöma ja̧manö kwebachadö. Jo̧kwaijayonö ja̧ manama, ökwöla nöolabe 'ya̧kwawama.

Romanos 9:22

Diosbi ja̧danö chömöledö, iteda omukwati̧danö ja̧bo̧. Jo̧bama iteda ujulu i̧sebobö jö̧a̧linobe, ja̧danö, Jojodö sulabenö ja̧tji̧ma öpöjödö lȩbebo̧sa, jö̧ba̧lö i̧sebobö jö̧a̧linobe. Jejenö i̧sebobö jö̧a̧lijayonö, lekwe o̧'wo̧ 'dibachibö ite'ada̧linobe, lȩbebökönö. Lekwe lȩebakwawö̧nö lȩbebökönö ite'ada̧linobe chömöledö. Ja̧danö, ju'wibi i̧sebobö jö̧a̧linobe chömöledö. Iteda dejatinö ujulu i̧sebobö jö̧a̧linobe, ökwödö lȩlö̧jinö edawö̧nö. Ja̧danö, ökwödönö 'da̧batö ujuninobe, Bidönö chujulu chiyocha, idöbi tjujuna̧lobö, jö̧ba̧lö.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.

2 Tesalonicenses 1:9

Jobadönö söbebö loakwo̧, Dios lȩebi̧tjö kabatökönö tjemawinö, ja̧danö Duluwo̧ ö̧jelötjö, ja̧danö jo̧ba dejatinö ujulutjö ba̧kwȩlö̧jatebö 'da̧bachibö tjö̧jakwedö.

2 Pedro 2:1

Jau chömöledö, Dios yöawi̧ yöbawadöma Dios O̧'wo̧ Luwo̧ yöawi̧da yötjawinobe, jo̧kwaijayonö, jobadö otiwanö yötjawonö, Dios yöawi̧ yöbawöködöbi yötjawinobe. Jobadöma Dios yöawi̧ yötjawököjayonö, Dios yöawi̧ yöbawadösa, jö̧ba̧lö omöna yötja̧linobe. Ja̧danö chömöledö, ökwödö kwö'da̧deduwitjö jobadöjayedö omöna yöbawadö tjö̧jakobe chömöledö, Dios iwene yöbawadösa, jö̧ba̧lö omöna yöba̧ladöma. Jobadöma isa̧ökö wene yötjawakobe, suli̧ tjöwaedotö jö̧ba̧lö. Ja̧danö ju'wibi, Duluwo̧nö, jobadö tjö̧jibobö midawinanö tjöpöjödakobe, la'aka luwo̧bö̧kö̧ jö̧ba̧lö. Jejenö suli̧ waedadöma, Dios juluwanö jobadönö lȩebobö ja̧badö chömöledö.

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?

Jueces 9:53

Jo̧kwaijayonö, jejenö ichibioko, isaka okwa ju̧kwadötjö bakwuju jojosujuma, inawa harinaso̧pja̧ otikwawa Abimelecnö mötjö jabö jikwinobe, Abimelec uu 'daebinö.