Diosnö ösödo̧ Job mikwo̧ usula emawina jawa 3:8 - Dios Iwene

⁸ Mea boawa waisadö, inesö labo̧ jwaibalawanö jo̧ Leviatan ötjabökwenö tjiwiludobö waisadö mea bobadö ja̧ chojo'do jemina möle suli̧ waedö mea botjobö chösöda, jwiinö chöpöjödi̧ möle ja̧ mölema.

Diosnö ösödo̧ Job mikwo̧ usula emawina jawa 3:8 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 3:7

Jwiinö chöpöjödobe chojo'do metu'wo bajibina yö̧te, la'akatjöda ja̧ yö̧te metu'wo bajiboböma chöpöjöda, ja̧danö la'akatjöda ja yö̧te, –Otiwanö jitji̧nö jemajabe, –jö̧ba̧lö tjo̧'wo ösöwachibanö jwötjeba̧loböma chöpöjöda.

Diosnö ösödo̧ Job mikwo̧ usula emawina jawa 3:9

Si̧li̧'idö ja̧ möle dewachakwa̧ abönö dejatadö si̧li̧'idö tjidejatinökötjö̧ma, otiwo jö̧a̧lena. Ja̧ möle dewacho jö̧a̧lena, dewachinökötjö̧ma, otiwo jö̧a̧lena, ja̧ möle yȩayi la'akatjöda dewachinökötjö̧ma, otiwo jö̧a̧lena.

Diosnö ösödo̧ Job mikwo̧ usula emawina jawa 41:1

Tupakwö yöa̧linobe Diosma: —Inesö juluwo̧ jwaibalawanö jo̧ Leviatan ötjabökwenöbi kwomukwato ja̧danö. Jo̧banö lö̧'awö, a̧jwa̧sopjanö do̧katenaji̧? A̧la̧chi'bonö, aaponö di̧katenaji̧?

Diosnö ösödo̧ Job mikwo̧ usula emawina jawa 41:10

Jwiinö labo̧obetjö̧, bakwo̧bi jobanö iwiludoböma omukwatökena, –Chiwiluditjö̧ma, debö chi̧'yena, –jö̧ba̧lö, jö̧tö? Ötjö jo̧banö otidinaja? Bakwo̧bi ötjökwö ölakwabikwawotö jö̧ba̧lö, chöba a'o öjamatobö jȩnaji̧?

Diosnö ösödo̧ Job mikwo̧ usula emawina jawa 41:25

—Ja̧danö Leviatan meibotö jö̧ba̧lö a̧la̧ibenama, juluwadöbi jwiinö yetjaibobe, opjolachibiawö̧, yebabinö öba a'otjö döbibajadö.

Isaías 27:1

Ja̧danö, ja̧ möle Isabenö Jo̧ma Leviatan ötjabökwe jwaibalawanö jo̧nö lȩebakobe. Inesö nöbo̧ a̧ko'da Leviatanma, Dios öba a'otjö döibajakobe, öwali'bo wi̧su̧inö ja̧bö döibajakwo̧ Leviatanma, jo̧kwaijayonö Diosma iteda itea kwölöte'o, inesö nöa'o juluwa'onö kwabö loakobe jwaibalawanö jo̧ Leviatannö.

Mateo 11:17

Pjiesta jawa musica dasabenama, ¿tajawedö baile döböködöja? Ja̧danö, ö'wö babibadönö o̧tjawa musica dasabenama, ¿tajawedö budekwöködöja? jö̧ba̧lö tjo̧'wo̧ sulinö yötja̧lobe.

Marcos 5:38

Ikenama Jairo ejunö ichibö, Jesúsma edijetö ba̧jekwadö labinö tjubudekwabobe.