Diosnö ösödo̧ Job mikwo̧ usula emawina jawa 3:5 - Dios Iwene

⁵ Ja̧ möle dewachökönö, inesö jwiinö yȩa'woda li̧natjö̧ma, otiwo jö̧a̧lena, ojwiyo'wo jwiinö yȩa'wo li̧natjöma, jojodö jwiinö yetjaibanö yȩa'wo li̧natjö̧ma otiwo jö̧a̧lena.

Diosnö ösödo̧ Job mikwo̧ usula emawina jawa 3:5 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 16:16

Nöinö chubudekwobetjö̧, chöbama duwamachibajabe, ja̧danö chöbajalema 'yȩamachibajabe.

Diosnö ösödo̧ Job mikwo̧ usula emawina jawa 24:17

Okobe deinö jobadöma möle öpöjödadö. Jobadö yetjabi̧ma, yȩa'wo okwa ji̧maökö, yetjabi̧ma möle dewi̧, jojodö sulabenö ja̧tji̧ tjedapji jö̧ba̧lö.

Diosnö ösödo̧ Job mikwo̧ usula emawina jawa 28:3

Jau, ja̧ jaye tjemotö jö̧ba̧lö, inesö yȩa'wo jȩmi, niji okwa sobadö. Dȩju̧wa'yunö dejatö, jwiinö okwa isakwadö, baikwö yöta̧la:

Diosnö ösödo̧ Job mikwo̧ usula emawina jawa 3:4

Ja̧ möle inesö yȩa'wo ji̧ möle baibinatjö̧ma, otiwo jö̧a̧lena, ja̧danö mölejebe jo̧ Dios ja̧ möle o̧'wo jwiibinatjö̧ma, otiwo jö̧alena, ja̧danö möle jawo̧ ja̧ möle idejatinökötjö̧ma, otiwo jö̧a̧lena.

Diosnö ösödo̧ Job mikwo̧ usula emawina jawa 3:6

Chojo'do metu'wo bajibina yö̧tebi ja̧danö. Inesö yȩa'wo ja̧ yö̧te ö̧katibinatjö̧ma, otiwo jö̧a̧linena. Ja̧ möle o̧ba wȩyukwöjatjö söbebö lotjobö chösöda, ja̧danö ja̧wo̧ wȩyukwöjatjö söbebö lotjobö chösöda.

Diosnö ösödo̧ Job mikwo̧ usula emawina jawa 34:22

Sulabenö ja̧badö tjuju̧kwawemi ja'yubebi jwiobe, sulabenö ja̧tji̧ Dios edapji jö̧ba̧lö, yȩa'wo okwa, bakwainö öwawökö'wo yȩa'wo okwa sulabenö jatji̧tjö̧bi, otiwanö edo̧ Diosma.

Diosnö ösödo̧ Job mikwo̧ usula emawina jawa 38:17

Ja̧danö ö'wö babibinadö tjuju̧kwemi apjude kwedinaji̧? Ja̧danö inesö yȩa'wo tjöekwemi apjude kwedinaji̧?

Isaías 9:2

Jobadö yȩa'wo okwa kwebachinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, jobadönö dewinö idejatajabe.

Mateo 4:16

Jobadö yȩa'wo okwa ju̧kwinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, dewinö dejatajabe, jö̧ba̧lö wanedö iwȩyudinobe Isaíasma.

Lucas 1:79

yȩa'wo okwa ju̧kwadö woawa juluwawö̧nöma dewinö idejatobö, ja̧danö wene jwiama mana i̧sebobö, wene jwibö ja̧ mananöda otiwanö kwedachakobetjö̧, jö̧ba̧lö yöawinobe Zacaríasma itji̧ Juannö, tupakwö baledakwa̧ yöbawö.

Deuteronomio 4:11

Ja̧danö, jejenö weiawö̧, ökwödöma yöne ichibö, mösa'o la'aka kwöjamatinaduwobe, Dios yöawi̧ kwa̧ja̧kwaduwobö. Jejenö mösa'o la'akatjö kwö̧jaduwenama, ökwöla ubobedanö mösa'o ubinobe, ökwöla mölejȩbe ichibanö, ja̧danö owjiyo'wo inesö yȩa'wo tjöekwinobe, mösa'o öwawökönö.

Hebreos 12:18

Chömöledö, böjȩnö ja̧nö Diosnö ösödö jwaikwöda kwi̧'yaduwobö jo̧be, kwömöledökwö wene jwiinö kwö̧jaduwobö isakwö, sulabenö ja̧bökönö. Jejenö Diosnö kwo̧'wo̧ luwo̧duwinö dötewinö kwö̧jaduwobe, jo̧ba ö̧jobekwö ichibö. Ja̧danö kwöwaisaduwa, damötjö da'dödömine, Moisés öibinawö̧ Dios ö̧jobekwö tjichibinama, ökwödö babe möle Dios ö̧jobekwö kwichibaduwi̧danömaökö. Jobadö Dios ö̧jobekwö tjichibinama, böjȩtjö mö'ösa'o, tjeda'o jo̧bekwöda tjichibinobe. Ja̧danö chömöledö, jobadö Dios ö̧jobekwö tjichibinama, yelösöda jwiinö labobekwö tjichibinobe. Jobema yȩböbi yȩinobe, ichibadöma yetjaibanö. Ja̧danö, mö'ösa'o tjichibaja'oma jwiinö labinö ubi̧danö ubö ji̧nobe. Ja̧danö, jwa̧lȩ'ewöbi labinö jwa̧lȩ'ewinobe jobema. Chömöledö, jobadö Moisés öibinawö̧ Dios ö̧jobekwö tjichibinama yelösöda labinobe.