Diosnö ösödo̧ Job mikwo̧ usula emawina jawa 3:13 - Dios Iwene

¹³ ¡Ötjöwe! Jejenö jösödinökötjö̧ma, jemaja̧ ikena ö'wö batibo jö̧ta̧linobe, chabibobedanö jenada ö'wö babibö, wene jwiinö chö̧bo jö̧ta̧linobe.

Diosnö ösödo̧ Job mikwo̧ usula emawina jawa 3:13 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 10:21

—Jau chuluwo̧, debö chi̧'yaja̧ ikenama, la'akatjöda tjetachökakwo̧sa. Juluwanö wobadö tjö̧jemibe chi̧'yakwo̧sa, yȩa'wo jȩmi nijibe. Jobema jwiinö yȩa'wo jȩmi, ja'yubebi dewi̧ jwiemi, ja̧danö jobe chi̧'yakwa̧ abönö, ja'yubenö cho̧'wo ösöwachibobö atebakwö, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 14:20

—Jau chuluwo̧, ökwödö bö̧jȩ jojodökwö ölakwabikwawö ja̧nö, bakwelöjatebö ökwödönö juluwo̧ja, ö'wö babibö döbalewachenanö baibanö, ökwödönö juluwo̧ja.

Diosnö ösödo̧ Job mikwo̧ usula emawina jawa 16:22

—Jobekwö ateba Diosnö, isabenö ja'yubenö lekwajabetjö ö'wö batibakobetjö̧, ja'yubeda o̧biya baledaja̧ ikenama, debö chi̧'yakwa̧ mananö kwetachakwo̧sa, ja̧danö jobetjö tjetachajökakwo̧sa, jo̧kwajabetjö̧ chö̧ji̧ waiso̧ Dios öba a'o yöbawö pjaatobö chösöda, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 17:13

Ötjöwe! Jwiinö usula chemawobetjö̧, ö'wö batibakwa̧da ösödi̧nö omukwato̧sa, yȩa'wo okwa ba̧nö, ö'wö batibobö ösödo̧sa.

Diosnö ösödo̧ Job mikwo̧ usula emawina jawa 19:25

—Chöwaisa ötjöma, isabenö chö̧ji̧binö pjaatakwo̧ ö̧jobe, jö̧ba̧lö. Chöwaisa, 'dö̧ibaji möle, juluwajo̧ chö̧jibinö pjaatakwo̧ma bö̧jenö öjamatakwo̧.

Diosnö ösödo̧ Job mikwo̧ usula emawina jawa 19:27

Jau, chöwaisa, ötjöda jo̧banö chedakwo̧sa, ötjöda chöbajalebiyanö ötjönö pjaatakwo̧nö Diosnö chedakwo̧sa, jö̧ba̧lö chöwaisa. Isabenö chösödökwe, chöwaisökwe Diosnöda chedakwo̧sa chömöledö, ja̧danö jo̧banö chedakwa̧ omukwatö, leetjö chime'dawachibobedanö ichejekwa, –Ayö, Diosnö chedenama, isabenö jwiinö otiwakobe, —jö̧ba̧lö.

Diosnö ösödo̧ Job mikwo̧ usula emawina jawa 21:13

Okobe jwiinö tjö̧ji̧ma, nöinö juna̧lö ju̧kwadö, ja̧danö bajaliyanö damö waekwö, ö'wö batjibenanö baibanö, wene jwiinö ölakabikwawökönö ju̧kwadö, jobadö sulabedöma.

Diosnö ösödo̧ Job mikwo̧ usula emawina jawa 21:23

Tupakwö yöa̧linobe Jobma: —Bakwo̧ itea otiwanö juna̧lo̧, u̧kwa otiwanö kwo̧, iwe'iju otiwo̧, ina me'dawö̧kö̧ wene jwiinö jo̧ma ö'wö baibena.

Diosnö ösödo̧ Job mikwo̧ usula emawina jawa 21:26

Jobadö du̧ju̧tajanö baikwö yöta̧la, ina 'yatja̧layi, wainö tjö̧jinajayonö, ö'wö batjibaja̧ okobe, bakweminö nijiso̧pjanö tjo̧tja̧wö̧, ja̧danö bakweminö sa̧döma tjiteba'iju tjukwakwawö̧, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 24:19

Jau, ojwiyo o̧bökönö, tubachibena tiyuwi̧ jawa ojwiyo 'diatakwawa juluwanö tubetjö ojwiyoda baibi̧danö, ja̧jaye baledakobe sulabedönö, jobadöma debi babibö, wobadö tjuju̧kwemibe tji̧'yakwedö.

Diosnö ösödo̧ Job mikwo̧ usula emawina jawa 24:20

Ja̧danö, juluwanö debi batjibiawö̧, okobe deinö juluwanö tjo̧'wo jwitjibakwedö jobadönö, idöda tjojo'dodöbi juluwanö tji̧tji̧mu sulabedönö tjo̧'wo jwitjibakobe. Jau, towi juluwanö jubö lotji̧danö, juluwanö ö'wö babibö, sa̧dö tjukwakwawö̧ batjibakwedö sulabedöma, –jö̧ba̧lö yöka̧laduwobe, jo̧kwaijayonö juluwanö lȩebö̧kö̧wö̧.

Diosnö ösödo̧ Job mikwo̧ usula emawina jawa 26:5

Tupakwö yöa̧linobe Jobma: —Isabenö okobe deinö yetjaibanö juluwo̧ Diosma. Jwiinö juluwiawö̧, ida̧ökö debö 'yi̧nadöbi yebabinö tjö̧bawadö, jwaibalawa teebe tju̧ju̧kwemi ja̧nö, Diosnö yebabinö tjö̧bawadö.

Diosnö ösödo̧ Job mikwo̧ usula emawina jawa 26:6

Jau, debö 'yi̧nadö tju̧ju̧kwemibi edö waiso̧ Diosma, ju'wedö debö 'yi̧nadö tju̧ju̧kwemi tjedököjayonö, tjöekwi̧ma ja'yubebi jwiobe, jobe debö 'yi̧nadö tjuju̧kwemibi Dios edapji jö̧ba̧lö. Isabenö okobe jwiinö edo̧ Diosma.

Diosnö ösödo̧ Job mikwo̧ usula emawina jawa 3:12

Chojo'do ötjönö jemenama, tajawedö ötjönö ösödö juyu̧kijunö jöwana̧linajö, ja̧danö tajawedö chojo'do jo̧do'bi̧ chowobö jojwinajö?

Diosnö ösödo̧ Job mikwo̧ usula emawina jawa 34:22

Sulabenö ja̧badö tjuju̧kwawemi ja'yubebi jwiobe, sulabenö ja̧tji̧ Dios edapji jö̧ba̧lö, yȩa'wo okwa, bakwainö öwawökö'wo yȩa'wo okwa sulabenö jatji̧tjö̧bi, otiwanö edo̧ Diosma.

Diosnö ösödo̧ Job mikwo̧ usula emawina jawa 7:21

Isabenö sulabenö ja̧tinatjö̧ma, ötjönö lȩlöjinö kwedobö jwiobeji̧? Sulabenö ja̧tina söbebö loköbobö jwiobeji̧? Jau chuluwo̧, juluwanö ö'wö babibö, wobiakonö chö̧jakwo̧sa, ja̧danö ötjönö kwisakwenama, detocha, ida̧ökö debö chi̧'yajobetjö, jo̧kwajabetjö̧ lȩlöjinö ötjönö kwedobö atebakwö chuluwo̧, —jö̧ba̧lö yöa̧linobe Jobma.