Diosnö ösödo̧ Job mikwo̧ usula emawina jawa 29:9 - Dios Iwene

⁹ Luwedöbi ja̧danö, tjö̧'dade chichibobetjö̧, tjömamunö tjaa tjumu'dökwinobe, –Bite luwo̧ öba a'o 'wiinö badibo, –jö̧ba̧lö.

Diosnö ösödo̧ Job mikwo̧ usula emawina jawa 29:9 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 21:5

Usula chemawi̧ kwedaduwökenaji̧? Isabenö usula chemawi̧danö usula emawadöma, 'wii̧nö jö̧kö̧dö chömöledö. Usula emawö chö̧ji̧ edö, kwöbajaleduwi jalaka baibanö kwedaduwobö jo̧be chömöledö, ja̧danö kwömamunö kwaa mu'dökwö, 'wi̧inö kwö̧baduwobö jo̧be.

Diosnö ösödo̧ Job mikwo̧ usula emawina jawa 29:21

—Ja̧ möle jojodöma isabenö yöta̧li̧ tja̧ja̧kwobö tjösödijatö, yötawi̧ tja̧ja̧kwotö jö̧ba̧lö tjiteada̧linobe, –'Wii̧nö janö diteada̧lo, Job waisanö lȩekwa da̧ja̧kwakobetjö̧, –jö̧ba̧lö.

Diosnö ösödo̧ Job mikwo̧ usula emawina jawa 29:8

Isabenö otiwanö tjomukwatökwe chö̧jijatö ja̧ mölema, baikwö yöta̧la: Ina möayedödanöbedöma, chichobe edö, otiwanö tjopjolachibinobe, –Duluwo̧, otiwanö kwöbaledo, –jö̧ba̧lö. Ja̧danö damöbi chichobe edö, –Duluwo̧ja, –jö̧ba̧lö tja̧la̧ibinobe, ja̧danö la'aka luwo̧ öba a'o ju̧kwadö bamatökönö tjö̧ji̧danö, chipjeanö bamatökönö ja̧nöda tjö̧jinobe.

Diosnö ösödo̧ Job mikwo̧ usula emawina jawa 4:2

—Job, ökwönö yöta̧lobö chösöda, ökwönö yöta̧litjö̧ma, öpöjödachibökönö otiwanö kwa̧ja̧kwakwa̧ji̧? Chedemi kwa̧ja̧kwobö kwöpöjödena, jo̧kwaijayonö sulabenö yöka̧laja̧ a̧ja̧kwajo̧, bemi tupakwö atadökönö 'wiinö chö̧boböma jwibo̧sa, atadö yöta̧lobö jo̧be.

Diosnö ösödo̧ Job mikwo̧ usula emawina jawa 40:4

—Chuluwo Dios, ötjöma isabenö mikwawö̧kö̧sa. Isabenö atadakwawa jwibo̧sa, yöta̧loböma jwiobe. Jau chuluwo, chömamunö chaa mu'dökwibö, 'wii̧nö batibakwo̧sa.

Diosnö ösödo̧ Job mikwo̧ usula emawina jawa 7:11

—Jobekwö jo̧be ökwödö bö̧jȩ jojodö dö̧ji̧ma chuluwo̧, jo̧kwajabetjö̧ 'wi̧inö chö̧boböma jwibo̧sa, usula emawö yöta̧lobö jo̧be. Jau, jwiinö cho̧'wo tjo̧bekwö chö̧jobetjö̧ yöta̧locha, cho̧'wo suli̧nö yöta̧locha jwiinö usula chemawobetjö̧.

Proverbios 10:19

Ja̧danö, ju'wibi yötawa, wanedö: Bakwo̧, nöinö yöba̧lo̧ma, iteda yöa̧li̧tjö sulabe jawa laebena, nöinö yöa̧lobetjö̧. Isabenö yötawa: Jweinö omukwatö jo̧ma nöinöma yöba̧lö̧kö̧.

Proverbios 30:32

Ja̧danö, ju'wibi yötawa: Ökwöma jweinö omukwatökönö, ötjöda otiwo̧sa, jö̧ba̧lö yöka̧li̧tjö̧ma ja̧ kwomukwati̧ma kakatibo. Ja̧danö, sulabenö ja̧köbakwa̧ kwo̧'wo̧nö junö kwomukwatitjö̧ma ja̧ kwomukwati̧bi kakatibo.

Santiago 1:19

Chösödawö̧ chö̧ja̧wo̧dö, biya̧ yötawi̧ma kwomukwataduwo: Ökwödötjö bakwo̧nökwena, Dios iwenetjö isabenö ji̧ jawa yöawobema ösödinö kwa̧ja̧kwa̧laduwo. Ja̧danö, ju'wibi kwomukwataduwo: Ökwödöma yöka̧lakwawaduwena tjo̧'omanö, tiyuwanö yöka̧laduwo. Ja̧danö ju'wibi: Juluwanöma kwölabiduwoko, omukwatökönö.

Jueces 18:19

Abebö a̧ja̧kwawö̧, —¡Yöba̧lökönui! 'Wiinö ja̧nö, ökwödökwö kwicho, okobe deinö ökwödö dabe'dodanö ja̧nö, Diostjö ökwödötjö dö̧'da̧de pjabato̧ bakibanö. Jau, babema sule bakwo̧nöda pjabatö, Diostjö Micaiastjö tjö̧'da̧de pjabato̧ kwö̧jobe, jö̧tö? Jo̧kwaijayonö isabenö ja̧tjö bajalekwönönö otiwena, okobe deinö bakwaso jojodönö, israel jojodötjö jeleso jojodönö okobe deinö pjabatö, Diostjö jobadötjö tjö̧'da̧de pjabato̧ kwö̧joböma, jö̧tö? Jo̧kwajabetjö isabenö ökwödökwö kwichobö jo̧be, Diostjö ökwödö Dan jojodötjö dö̧'da̧de pjabato̧ bakibanö kwö̧jobö, —jö̧ba̧lö yötja̧linobe.