Diosnö ösödo̧ Job mikwo̧ usula emawina jawa 28:7 - Dios Iwene

^7-8 Tebonö ju̧kwadö wajwitjelö, ja̧ jawa otidö tjemobö waisadö. Jobe 'ya̧kwawama manama, öwawököma, pjibolema jobe ya̧kwawama wajwibo̧, ja̧danö bolema la'akatjöda edinököma. Ja̧danö tebonö ju̧kwadö juluwadöbi, didibabi la'akatjöda kwetjachinököma, jobe 'ya̧kwawama manama.

Diosnö ösödo̧ Job mikwo̧ usula emawina jawa 28:7 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 11:6

Okobe jwiinö waisanö omukwato̧ Diosma Job, jo̧kwajabetjö̧ jo̧bada ökwönö ataditjö̧ma, waisanö omukwatakwawa okwa jawa labebö lobö yöawena. Ja̧danö, baikwö yötawakwö Job, –Wene jwibo̧sa —jö̧ba̧lö yöka̧lajayonö, isabenö wene juna̧lo̧ja, ja̧danö, –Nöinö lȩebökwesa, –jö̧ba̧lö budekwö yöka̧lijayonö, ja'yubeda Dios lȩebökweja. Sulabenö ja̧köbiökwe, isabenö babe lȩebi̧tjö̧ bajalekwönönö labinö ökwönö lȩebobö jo̧be.

Diosnö ösödo̧ Job mikwo̧ usula emawina jawa 38:19

—Ja̧danö dewi̧ laebelöma, daikwö bajalenö jo̧beda? Ja̧danö yȩa'wo laebelöma, delö laebobeda?

Diosnö ösödo̧ Job mikwo̧ usula emawina jawa 38:24

Jadanö böba laebelö ya̧kwawama, dimada? Ja̧danö jawo̧ laebobekwötjö jwa̧lȩ'epjoma, delö labebö jwa̧lȩ'ewobeda?

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.