Diosnö ösödo̧ Job mikwo̧ usula emawina jawa 28:11 - Dios Iwene

¹¹ Ja̧danö ju'wibi ojwe delö laebobejö jö̧ba̧lö, la'aka isakwö badekwajadö jojodöma, okobe jwiinö ja̧jayö tojö junawa jawa, jojodöma tjöwaisachibanö tjidejatajabe ichejekwa.

Diosnö ösödo̧ Job mikwo̧ usula emawina jawa 28:11 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 26:8

Ja̧danö, ojwiyo ko̧ko̧dö 'di̧batö ojwiyo'wo böa'wonö ano̧, ja̧danö yelösöda nöinö ojwiyo a̧ji̧jayonö, kȩachibökö'wo, di̧ataja̧ ojwiyoma.

Diosnö ösödo̧ Job mikwo̧ usula emawina jawa 28:10

—Jau, isabenö nöinö isakwö badekwajadö jojodöma, inawiya ö'wejenö, inawiya 'dalö sobö mana tjotidobe, ja̧danö okobe jwiinö jobetjö emawa nöinö mikwawi̧ jawa tjedajabe.

Diosnö ösödo̧ Job mikwo̧ usula emawina jawa 28:12

—Okobe jwiinö ja̧jaye isakwö tjöbadekwajobö waisadö bö̧jȩ jojodöma, jo̧kwaijayonö waisanö omukwatakwawa la'aka tjöbadekwajoböma wajwibadö, –Inesö okwa jawa waisachibakwawelöma, daijö? –jö̧ba̧lö.

Isaías 37:25

Ju'wibi ju'wedö tjitebotjö ojwese'diju sobö, ojwiyo dowobö chemijatö, ja̧danö jwiinö ba̧jȩkwadö chömöayedönö öbibö, Egipto nijinö kwetachijatö, ba̧jȩkwadö kwedachajabetjö̧ Egipto niji ojwebiya kököachibenanö baibanö, -jö̧ba̧lö ötjönö öpöjödö yöka̧lajabe.

Isaías 44:27

Ja̧danö ju'wibi, ötjöda jwaibalawa webo̧sa, —Kököachibi, —jö̧ba̧lö, ja̧danö —Ojwebiya kököachibobö wetakwo̧sa, —jö̧ba̧lö yöbawajo̧, badekwachinö webo̧sa.

1 Corintios 4:5

Ja̧danö, Duluwo̧da yöawakwo̧obetjö̧, Duluwo̧ yöawakwa̧ abönöma, ju'wedönö yöbawökönaduwi, Aaa, Duluwo̧ wei̧ otiwanö ja̧badö, sulabenö ja̧badö jö̧ba̧lö. Jau chömöledö, Duluwo̧ ichakwa̧ möle badekwachenama, jo̧bada yöawakobe. Baikwö wanedö yötawa: Okobe jwiinö yȩa'wo okwa jawa Duluwo̧ma idejatakobe, otiwanö öwawinö baibanö, ja̧danö, jojodö tjomajadenö tjomukwati̧ i̧sebakobe Duluwo̧ma. Ja̧danö, iya̧da möleda Diosma jojodönö bakwo̧nökwena yöawakwo̧ otiwanö tjotidinama.