Diosnö ösödo̧ Job mikwo̧ usula emawina jawa 27:2 - Dios Iwene

² —Okobe Jwiinö Juluwo̧ Diosma, iteda öba a'otjö wene jwibo̧ chö̧ji̧ma yöbawö̧kö̧, ja̧danö cho̧'wo sulachibanö webo̧ Diosma. Döwaisa, usula chemawinö webo̧ Diosma isabenö jo̧, ja̧danö jo̧ba öba a'o ja̧nö, isabenö yötawaduwakwö,

Diosnö ösödo̧ Job mikwo̧ usula emawina jawa 27:2 ပူးပေါင်းရင်းမြစ်များ

2 Samuel 2:27

Jwöökwe, Joab atadinobe: —Jweinö yöka̧la Abner, otiwanö yöka̧lajabe. Duluwo̧ Diosma isabenö jo̧, ja̧danö Dios isabenö ö̧ji̧danö isabenö yötawakwö, yöka̧lajökötjö̧ma, isabenö yö̧te baledibanö chömöayedöma tjömöledö ökwö kwömöayedönö lubö kwabawö lotjo jö̧tja̧lajena, otiwanö yöka̧lajabe, kadatakwawobö, —jö̧ba̧lö.

1 Reyes 17:1

Ja̧danö, Galaad niji comunidad Tisbe jojo Elias mikwo̧ma, Acab öba a'o ichibö yöawinobe: —Israel jojodö tjösödökwe Isabenö Jo̧ Diosma isabenö jo̧, ja̧danö chuluwo Isabenö Jo̧ öba a'o ja̧nö, baikwö yötawakwö Acab, biya o̧biyama, ojwiyo o̧bökakobe, ja̧danö si̧li̧'idö tji'olibi tjoduwökakobe, ötjö Eliasma, –Babe ojwiyo o̧bakobe, –jö̧ba̧lö yötawenanö kabatö, —jö̧ba̧lö Acabnö yöawinobe Eliasma.

1 Reyes 18:15

Yöa̧lökwe, —Chuluwo Isabenö Jo̧ okobe jwiinö juluwo̧ Diosma, 'ya̧balo̧ jo̧, jadanö jo̧ba öba a'o ja̧nö, isabenö yötawakwö, babe möleda Acab öba a'o chöwawachakwo̧sa, —jö̧ba̧lö atadö yöa̧linobe Eliasma.

2 Reyes 4:27

Jo̧kwaijayonö, mösa'obe, Eliseo öba a'o jichibenama, öba a'o bamatö ömasapiya do̧jatinobe, —Chuluwo̧, pjabatitjö, —jö̧ba̧lö. Jobekwö uluwo̧ ömasapiya do̧ja̧tiökwe, Giezima uluwo̧tjö 'da̧batö junö jiebotö jö̧ba̧lö ichinobe, jo̧kwaijayonö Eliseoma jo̧banö yöa̧linobe, —'Wainö ju̧ju. Bisuma jwiinö jo̧'wo tjo̧bekwö ju̧ju̧, jo̧kwaijayonö tajawedöjö jö̧ba̧lö wajwita, Isabenö Jo̧ma chöwaisapji jö̧ba̧lö tojajobetjö̧, —jö̧ba̧lö.

Diosnö ösödo̧ Job mikwo̧ usula emawina jawa 10:3

Jau chuluwo Dios, ötjöma ökwöda kwotidinökwesa, kwedemi ötjö kwotidinökwenö usula chemawinö weköbobö otiwobeji̧? Bejenö kwotidinökwenö, mikwawö̧kö̧ jö̧ba̧lö kwöpöjödobö otiwobeji̧? Ötjönö pjabatökönö, sulabedönöda pjakatobö otiwenaji̧, jobadö sulabenö tjösödi̧danö baledakobetjö̧?

Diosnö ösödo̧ Job mikwo̧ usula emawina jawa 16:11

Isabenö Diosma ötjönö iyö loajabe ichejekwa, Diosnö öpöjödadö ötjönö suli̧ tjöwaedobö, ötjönö ikwö loajabe ichejekwa, sulabedö ötjönö do̧ba̧lö suli̧ tjöwaedobö.

Diosnö ösödo̧ Job mikwo̧ usula emawina jawa 19:6

Jejenö yöka̧laduwi̧tjö̧, baikwö yötawaduwakwö chömöledö: Ötjönö baledi̧ma, sulabenö ja̧tököjayonö, Diosma suli̧ öwaedajabe ötjönö, wanedö yötawa, 'daliwanö chö̧li̧binö di̧atajabe, —jö̧ba̧lö yöa̧linobe Jobma, iteda ömöledönö.

Diosnö ösödo̧ Job mikwo̧ usula emawina jawa 23:16

—Jau chömöledö, isabenö chomajadenö chime'dawenanö baibanö, yetaibanö weajabe Diosma. Isabenö Okobe Jwiinö Juluwo̧ma, jwiinö yetaibanö ja̧ajabe, ja̧danö inesö yȩa'wo chö̧jobö weajabe. Jo̧kwaijayonö, inesö yȩa'wo chö̧jijayonö, yȩi̧ma yebabö̧kö̧sa, sule Diosnöda jwiinö yebabinö omukwato̧sa, Ayö, tupakwönönö usula chemawinö weena, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 34:5

—Jobma baikwö yöa̧lajabe: –Dios öba a'otjö wene jwitijayonö, ötjönö pjabatö lȩekwa jweinö yöbawö̧kö̧ Diosma.

Diosnö ösödo̧ Job mikwo̧ usula emawina jawa 35:2

—Ökwö yöka̧laja̧ma, Diosnö yöka̧lajabe ichejekwa, –Ötjöma Diostjö bajalekwönönö otiwanö ja̧bö jo̧sa, –jö̧ba̧lö. Kwedemi jejenö yöka̧loböma otiwenaji̧?

Diosnö ösödo̧ Job mikwo̧ usula emawina jawa 40:8

Ötjöma inesö lȩekwa luwo̧ jo̧sa, kwedemi lȩekwa yötawaja̧ öpöjödö, –Lȩekwa yöawo jö̧a̧lidanö yöbawö̧kö̧ Diosma, –jö̧ba̧lö lȩekwa yötawaja̧ söbebö loköbobö jȩnaji̧? Ja̧danö, ökwöda, –Ötjö Jobma wene jwibo̧sa, –jö̧ba̧lö yöka̧lakobetjö̧, ötjö Diosnö, –Sulabenö ja̧bo̧, –jö̧ba̧lö yöka̧lobö jȩnaji̧?

Diosnö ösödo̧ Job mikwo̧ usula emawina jawa 9:18

Jau, ja'yubenö kabatibökönö, jwaikwöda cho̧'wo tjo̧ekwinö webo̧ Diosma, juluwanö kabatibökönö lȩbȩbo̧, cho̧'wo chemökenanö baibanö.

Isaías 40:27

Chömöledö, ökwödö Jacob itji̧mu tupadanö jojodö Israel jojodöma, tajawedö yöka̧laduwobeda, —Usula emawö dö̧ji̧ edö̧kö̧ Isabenö Jo̧ma, ökwödönö pjaato jö̧a̧lijayonö, dösödökwe Diosma ökwödönö pjabatö̧kö̧, —jö̧ba̧lö.

1 Samuel 14:39

Jau chömöledö, baikwö isabenö yötawaduwakwö, Ökwödö israel jojodönö dö̧jibinö pjabato̧ Isabenö Jo̧ Dios yaba̧lo̧ ö̧ji̧ wenedanö, ju'wibi isabenö yötawaduwakwö, isabenö Dios öba a'otjö wene dujuna̧lobö suli̧ waedajo̧ma, ö'wö baibobö jo̧be, chitji̧ Jonatanda wene dujuna̧lobö suli̧ öwaedatjö̧ma, isabenö ö'wö baibobö jo̧be, —jö̧ba̧lö yöa̧linobe Saulma. Ja̧danö, jojodöma wene tjujuna̧lobö baibaja̧ tjöwaisinobe, Jonatan wayo̧ neaja̧ tjedajobetjö̧, jo̧kwaijayonö bakwo̧bi Saulnö yöawinokobe.

1 Samuel 14:45

Yöa̧liawö̧, jojodöma tjöpöjödinobe, ja̧danö öpöjödö Saulnö yötja̧linobe: —Ja̧maökö, Jonatan debö i̧'yoböma jwiobe. Jo̧bada babe filisteo jojodötjö dö̧jibobö pjabatajo̧ma. Isabenö babe möle Jonatanma Dioskwö bakobe otidö, ökwödö israel jojodönö dö̧jibinö pjaatajabe, jo̧kwajabetjö̧ ja'yubebi jo̧banö kwaköbökakobe, öwö'yetjö bakwa'yebi tjoduwökönö. Jau, Isabenö Jo̧ yaba̧lo̧ ö̧ji̧ wenedanö, ju'wibi isabenö yödawakwö, Jonatannö kwabö lököbökakobe, —jö̧ba̧lö yötja̧linobe israel jojodöma, Jonatannö tjöbeba̧lö. Jejenö Israel jojodöma Jonatannö ö̧jibinö pjatjatinobe, debö i̧'yapji jö̧ba̧lö.

1 Samuel 20:21

Ja̧danö, 'böbajo̧, chömöayo̧nö wetocha, –Nayunu isakwö emaji, –jö̧ba̧lö. Ja̧danö, isakwemi, –Kwöbaledajabe, baikwönönö isakwö ichi, –jö̧ba̧lö yöta̧lobe kwa̧ja̧kwitjö̧ma, kwöwaisakwo̧ja, isabenö wene jwia jö̧ba̧lö. Jau David, Isabenö Jo̧ yaba̧lo̧ ö̧ji̧ wene isabenö ji̧danö, isabenö wene yötawakwö, jejenö nayunu isakwo̧nö yöta̧litjö̧ma, wene jwiobetjö̧ yöta̧lakobe. Ja̧danö, wene jwiinö kwichena, ökwönö labokobetjö̧.

1 Samuel 25:26

Jau chuluwo̧, baikwö isabenö yötawakwö, Isabenö Jo̧ ö̧ji̧ wenebi, ökwö kwö̧ji̧ wenebi isabenö wene, ja̧danö ja̧ isabenö ji̧danö yötawakwö, Diosda isabenö tjöbeba̧lö pjaatajabe, ökwöda balekwa mikwa ökwönö sulabenö ja̧badönö kwabö loköbapji jö̧ba̧lö. Jau chuluwo̧, jejenö ja̧köbatjö̧ma, sulabenö ja̧böködönöbi kwabawö loköbo jö̧ka̧lajena, ja̧danö jejenö kwabö lobajo̧, wene juna̧lo̧ bakibajena. Jo̧kwaijayonö Diosma otiwanö pjaatajabe, jejenö baledapji jö̧ba̧lö. Jau chuluwo̧ isabenö Diosda balekwa mikwa lȩebakwo̧ Nabalnöma, baikwö wanedö yötawa, okobe deinö kwöpöjojodöbi, ökwönö suli̧ baledobö ösödadöbi Nabaldanö batjibitjö̧ma, isabenö kwöpöjojojodö deinö kwö̧jena, jo̧ba Nabalma isabenö Dios lȩebakwo̧obetjö̧.

1 Samuel 25:34

Isabenö yötawakwö Abigail, Israel jojodö Duluwo̧ Isabenö Jo̧ Dios ö̧ji̧ wenema isabenö wene, ja̧danö ja̧ wene isabenö ji̧danö isabenö yötawakwö, tjöbeba̧lö kwichajökötjö̧ma, okobe deinö Nabal ömöledö ömadönö kwabö loto jö̧ta̧lajena, yȩayi dewachakwa̧ abönö, okobe deinö Nabalbi, ömöayedö ömadöbi, bakwo̧bi ö̧ji̧bökönö debö tji̧'yo jö̧tja̧lajena.