Diosnö ösödo̧ Job mikwo̧ usula emawina jawa 26:2 - Dios Iwene

² —Ayö, nöinö pjabatadöja, tjujulu jwibadönöma, otiwanö iteda ujulu jwibo̧nö ö̧jibobö pjakataduwajabe.

Diosnö ösödo̧ Job mikwo̧ usula emawina jawa 26:2 ပူးပေါင်းရင်းမြစ်များ

1 Reyes 18:27

Ja̧danö, möle ja'ö baibenama, Eliasma jobadönö obö yöa̧linobe, —Kwösödaduwökwe Baalnö labinö jwököbaduwo. Kwösödaduwökwema isabenö diosbo̧, jö̧tö? Jo̧kwajabetjö̧ labinö jwökeba̧laduwo, ökwödönö a̧ja̧kwakobetjö̧. Babema omukwatö ö̧jenaö̧kö̧, 'yo'obö ö̧benaö̧kö̧, jelobe kwebachö ö̧jenaö̧kö̧, a̧ba̧lenaö̧kö̧, labinö jwökeba̧laduwo, jo̧banö kwiwiludaduwakobetjö̧, —jö̧ba̧lö Baal yöawi̧ yöbawadönö obö jwöinobe Eliasma.

Diosnö ösödo̧ Job mikwo̧ usula emawina jawa 12:2

—Kwedaduwemi, ökwödödaja, waisanö omukwatadöma, jadanö debö kwi̧'yaduwaja̧ ikenama, waisadö deena bö̧jenöma, jö̧ba̧lö.

Diosnö ösödo̧ Job mikwo̧ usula emawina jawa 26:1

Bildadbi, ju'wedö ömöledöbi jejenö yötja̧liökwe, yötja̧laja̧ öpöjödö, obö yöa̧linobe Jobma, baikwö:

Diosnö ösödo̧ Job mikwo̧ usula emawina jawa 26:3

Ayö, öwaetjöda okobe jwiinö kwöwaisaduwi̧ i̧sȩbö, waisanö omukwatakwawa wajwibo̧nö, otiwanö öwaisachibobö yökawaduwajabe.

Diosnö ösödo̧ Job mikwo̧ usula emawina jawa 27:12

Jau chömöledö, yötawakwa̧ jawa ida̧ökö kwedaduwajabe, ja̧danö edajadö, ida̧ökö otiwanö Diosnö kwöwaisachibaduwo jö̧ka̧laduwajabe, chömöledö. Tajawedö waisachibökönö, jwaikwöda mikwawa jwii̧ jawada ina yöka̧laduwobeda? Isabenö babe yötawakwa̧ jawa kwa̧ja̧kwaduwo chömöledö, bajaliyanö otiwanö kwöwaisachibaduwakwobetjö̧.

Diosnö ösödo̧ Job mikwo̧ usula emawina jawa 6:11

—Juluwö̧kö̧sa ötjöma, lekwe möle ö'wö batibakwa̧ chiteada̧lobö, babeda ö'wö batibobö chösöda. Jau, cho̧'wo 'dibachibö, lekwe mö̧le chö̧jitjö̧bi, la'akatjö̧da otiwanö chö̧jö̧kakwo̧sa̧ bö̧jȩnöma, jo̧kwajabetjö̧ babeda debö chi̧'yobö chösöda.

Diosnö ösödo̧ Job mikwo̧ usula emawina jawa 6:12

Isabenö juluwö̧kö̧sa ötjöma, inawa 'diinö juluwi̧danö juluwö̧kö̧sa, ja̧danö chiteba'oma broncetjö otikwöka'o, lekwe möle cho̧'wo 'dibachibö chiteada̧lobö.

Diosnö ösödo̧ Job mikwo̧ usula emawina jawa 6:13

Jau, ja'yubebi chujulu jwibo̧sa, chöji̧ jawa otikwö lotoböma, ja̧danö bakwo̧bi ötjönö pjabato̧ma deobe, babeda ö'wö batibowe! —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 6:25

—Jau chömöledö, otiwanö jwebebö yötjawi̧ma isabenö otiwa, a̧ja̧kwadö jweinö tjomukwatobö pjaati̧, jweinö yötjawobetjö̧. Jo̧kwaijayonö jejenömaökö ökwödö yökawaduwi̧ma, –Sulabenö ja̧bo̧ja, –jö̧ba̧lö yöka̧laduwijayonö, suli̧ma di̧yajö jö̧ba̧lö i̧sȩböködöja.

Isaías 40:14

Tinö abebö a̧ja̧kwinada, okwa jawa omukwatakwawa öwaisachiboböma? Ti ö̧ba̧ja̧dinada, otiwanö ja̧bö ja̧kwawa öwaisachiboböma? Ti ö̧ba̧jadinada, waisakwawa öwaisachibobö, ja̧danö okwa jawa waisanö omukwatoböma? Bakwo̧bi deobe, jö̧tö?