Diosnö ösödo̧ Job mikwo̧ usula emawina jawa 24:7 - Dios Iwene

⁷ Tjökamiji̧do̧bi jwibö, yö̧te baledibanö tja̧do̧ jwibö abadö, tiyuwijayonö, usula emawö, sabana'wo jwaawa'wo jwibö, usula emawadö.

Diosnö ösödo̧ Job mikwo̧ usula emawina jawa 24:7 ပူးပေါင်းရင်းမြစ်များ

Génesis 31:40

Ja̧danö, bakwelajatebö usula emawiachijatö, mölema tubobe ja̧nö, yötema tiyuwobe ja̧nö. Ja̧danö, yö̧tebi otiwanö abiachijökötö la'akatjöda.

Diosnö ösödo̧ Job mikwo̧ usula emawina jawa 22:6

Kwömöledö ökwönö tjumusidököjayonö, tjitea 'döbebö emo̧ja, –Kwumusidi kwimidenada tjetatocha, –jö̧ba̧lö, ja̧danö jwibadö tjö̧ka̧misi 'dökebajabe, tja̧do jwibadö batjibanö.

Diosnö ösödo̧ Job mikwo̧ usula emawina jawa 24:10

Ju'wibi, usulasedönö pjabatökönö, tja̧do̧ jwibö kwetjachobö webadö, ja̧danö trigo 'witjaja̧ 'ditja̧ta'mu tje'ewobö wetjijayonö, kwakwawa iyökönö a̧wi̧chi̧ tjötjobö webadö.

Diosnö ösödo̧ Job mikwo̧ usula emawina jawa 24:6

—Sulabedö sulabenö ja̧tjiawö̧, isabenö usula emawadö usulasedöma, ju'wedö tjöbatjiju waji̧ tjemaja̧ ikenama, batjo sula'wo isakwö otidadö, u'yu̧kwaja̧tjö emö tjukwobö, ja̧danö sulabedö tjöbatjo ubasayu kwebachö isakwadö, ji̧baja̧tjö emö tjukwakobetjö̧.

Diosnö ösödo̧ Job mikwo̧ usula emawina jawa 24:8

Tjejubi jwitjobetjö̧, mösa'ijutjö ojwiyo o̧benama, usula emawö 'bȩkwadö, ja̧danö tjeju jwibö ja̧nö, tiyuwiawö̧ inawanö wo̧batadö.

Proverbios 31:21

Ja̧danö, jobujuma o̧ba ichobe tiyuwenama waisuju, ötjö chömöledöma otiwanö 'dutjawakobe, kamisi bu̧jwa̧tjö̧ dölawa chotidobetjö̧.

Isaías 58:7

Ja̧danö ju'wibi, kwu̧kwaduwitjö a̧wi̧chi̧ tjöbadönö iyabikwawö pjakataduwobö, ja̧danö tjeju jwibanönö pjabatö, kwejuduwinö tekataduwobö, ja̧danö tjökamisi jwibadönö 'dukataduwobö, ja̧danö kwömöledöduwi tjöba a'o ju̧kwawökönö, otiwanö jobadönö pjakataduwobö. Jobekwö laebobe isabenö chösödi̧danö ö̧tö̧chö ja̧kwawa chömöledö, ökwödö kwisȩbaduwi̧danömaökö.

Hechos 9:31

Ja̧ mölema okobe deinö Jesúsnö ösödadöma Judeanö ju̧kwadöbi Galileanö ju̧kwadöbi Samarianö ju̧kwadöbi otiwanö ju̧kwijadötö, usula emawökönö. Ja̧danö, Dios O̧'wo̧ Luwo̧ pjaatobetjö̧ Diosnö omukwatö tjo̧'wo̧ luwo̧nö ösödö juluwijadötö, tjo̧'wo̧ luwo̧ jawama. Ja̧danö, Diosnö otiwanö yebabinö omukwata̧lö ju̧kwijadötö. Ja̧danö, Dios O̧'wo̧ Luwo̧ pjaatobetjö̧ ba̧jekwachijadötö Jesúsnö ösödadöma.