Diosnö ösödo̧ Job mikwo̧ usula emawina jawa 23:9 - Dios Iwene

⁹ Ja̧danö wajwitobekwöchobekwö iteda ujulu i̧sȩbö otidijayonö, jo̧banö chedökö, ja̧danö tjebachajö chöwaisobekwöchobe i̧'iytjö̧bi, jo̧banö chedökö, öba a'o chichibobö jö̧ta̧li̧ma waekwobe.

Diosnö ösödo̧ Job mikwo̧ usula emawina jawa 23:9 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 10:13

—Jobekwö pjabatinaja̧ chuluwo̧, ja̧danö tupakwö suli̧ kwöwaedakwa̧ tojö kwujuninobe chuluwo̧, babe usula chemawinö weköbakwa̧ma. Jau chuluwo̧, chöwaisa, la'akatjöda bejenö ötjönö ja̧köbobö omukwatinaja.

Diosnö ösödo̧ Job mikwo̧ usula emawina jawa 23:10

—Jo̧kwaijayonö Diosnö chedököjayonö, okobe jwiinö kwetachi̧tenia edö waiso̧ Diosma. Jo̧kwajabetjö̧, otiwanö ja̧bö chö̧jojobö, sulabenö ja̧bö chö̧jojobö jö̧ba̧lö ötjönö badedö editjö̧ma, bakwai̧ oro öwawi̧danö öwawena, isabenö Dios wei̧ a̧ja̧kwö jo̧sa̧, jö̧ba̧lö.

Diosnö ösödo̧ Job mikwo̧ usula emawina jawa 23:8

—Isabenö Dios öba a'o ichibö yötawobö jo̧be chömöledö, jo̧kwaijayonö waekwobe, öba a'o chichibobö chöbadekwajokobetjö̧. Jau, chabönökwö Dios ö̧jemi chisakwitjö̧ma, deobe, ja̧danö chökömakwö isakwö chi̧'yitjö̧bi, chöbadekwajokobe.

Diosnö ösödo̧ Job mikwo̧ usula emawina jawa 34:29

—Jo̧kwaijayonö ju'wibi yötawakwö, jojodö sulabenö ja̧tjijayonö, lȩbebökönö, –Yadakwöda, –jö̧ba̧lö Dios iteada̧lobö ösöditjö̧ma, yayonö bakwobi jo̧banö yöa̧lobö jwiobe, –Dios, Sulabenö lȩbebö̧kö̧ja, –jö̧ba̧lö, Diosda inesö la'aka luwo̧obetjö̧. Ja̧danö Diosnö tjedapji jö̧ba̧lö, Dios uju̧kwawobö jö̧a̧litjö̧ma, bakwo̧bi jo̧banö edobö jwiena. Jejenö jo̧be Job, ja̧danö ju'wikwenama juluwanö lȩbebökönö, ö̧ji̧ tjedobö i̧sȩbököjayonö, jo̧bada inesö la'aka luwo̧ma, tjitebokwena inesö la'aka luwo̧bi, jojodö bakwo̧nökwena inesö la'aka tjuluwo̧bi jo̧bada.

Diosnö ösödo̧ Job mikwo̧ usula emawina jawa 35:14

—Ökwö yöka̧li̧bi ja̧danö Job. Ökwöma Diosnö yöka̧lajabe, –Diosnö chedökökwe, sulabenö jatinojobö ja̧tinokojobö jö̧ba̧lö yöawakwo̧, yöa̧lakwa̧ teada̧lo̧sa, –jö̧ka̧lajabe. Jo̧kwaijayonö ju'wibi yöka̧lajabe, –Diosma sulabedönö dameakwö lȩebo jö̧a̧lijayonö, sulabenö lȩbȩbö̧kö̧, jadanö jojodö sulabenö jatji̧ edö omukwatö̧kö̧, –jö̧ba̧lö yöka̧lajabe. Jobekwö dötölatajanö ömukwatö sulabenö yöka̧liökwe, ökwö budekwö yöka̧li̧bi a̧ja̧kwökena Job.

Diosnö ösödo̧ Job mikwo̧ usula emawina jawa 9:11

Ju'wibi, dedokonö kwebacho̧ Diosma, chöbajale a'o öbaledijayonö, chedökökwe, ja̧danö chö̧jelö labebö tupakwönönö i̧'yenabi, wajwitonö tupakwö 'yo̧.

Isaías 45:15

Jau chuluwo̧ Dios, isabenö ökwöma dedökökwe Diosja, jo̧kwaijayonö döbajalenö ökwönö dedobö jwiijayonö, ökwö Israel jojodö dösödökwe Diosma, isabenö dö̧jibinö pjabato̧ja.

Isaías 8:17

Jau chömöledö, babe Isabenö Jo̧ma öba muchekwö Jacobmine itji̧mu tupadanö jojodönö edökönö ö̧jobedanö ichejekwa babe döpöjojodöma ökwödönö tjujuluwobetjö̧, jo̧kwaijayonö ötjöma jo̧ba pjaatakwa̧ chiteada̧locha, —Isabenö yöawinadanö pjaatakwo̧, —jö̧ba̧lö, ja̧danö ja̧ wene cho̧'wo wana̧lö chö̧jakwo̧sa.