Diosnö ösödo̧ Job mikwo̧ usula emawina jawa 22:28 - Dios Iwene

²⁸ ja̧danö okobe jwiinö otidö kwö̧ji̧ma, otiwanö laebakobe, ja̧danö dewi̧ma otiwanö dejatakobe kwekachakwa̧ mananö, otiwanö edö kwekachakobetjö̧.

Diosnö ösödo̧ Job mikwo̧ usula emawina jawa 22:28 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 11:17

—Jau Job, isabenö otiwanö kwö̧jakwo̧ja, baikwö wanedö yötawa: Jawo̧ jweinö ö̧jena dewi̧tjö bajalekwönönö otiwanö dewemi kwö̧jakwo̧ja, la'akatjöda yȩa'wo kwöjökakwo̧ja, baikwö yöta̧la, kwö̧ji̧ yȩi̧ma, sule yȩayi̧ yȩi̧danö yȩena, ja'yubeda yȩena, isabenö otiwanö kwö̧jakobetjö̧.

Diosnö ösödo̧ Job mikwo̧ usula emawina jawa 29:3

Iteda itea dȩju̧wa'yu ötjönö dejatobö weinobe Diosma, ja̧danö iteda dȩju̧wa'yu dejatonö, otiwanö yȩa'wonö kwetachijatö.

Diosnö ösödo̧ Job mikwo̧ usula emawina jawa 33:28

Ö'wö batibapji jö̧ba̧lö, lȩlöjinö edö pjaatinobe Diosma, ö'wö babibajadö tjuju̧kwemibe chi̧'yapji jö̧ba̧lö pjaatinobe. Jo̧kwajabetjö̧ sulabenö jatinajayonö, ina 'yaba̧lo̧ chöjobe, –jö̧ba̧lö o̧'wo ösöwanö lo̧ena.

Proverbios 4:18

Jobekwömaökö Dios wei̧ a̧ja̧kwadö tjö̧ji̧ma. Dios wei̧ a̧ja̧kwadöma sulabenö omukwatadö tjö̧ji̧danö jö̧kö̧dö. Wanedö yötawakwö chitji̧: Dewachenama, i̧ya̧nö deapjo dewachobe tjo̧'o̧manö, ja̧wo̧ laebaja̧ tupakwö jwiinö dewobe jweinö öjenanö. Jobekwö Dios wei̧ a̧ja̧kwadö kwetjachamanö dewinö dejatobe, ajayinö dejatemitjö̧ tupakwö jwiinö dewinö dejatobe, otiwanö edö, salöamanöda tji̧'yobö.

Isaías 30:21

Isabenö otiwanö ökwödönö jweebakwo̧ chömöledö, baikwö yöta̧la: Kwölakwiyuduwinö ökömakwötjö kwa̧ja̧kwaduwakwedöja, —'Ya̧kwawa manama, bimada, bimanö kwekachaduwo, —jö̧ba̧lö. Jau, kwöwaisaduwakwöchobe jalachö kwi̧'yaduwobö jȩnabi, wajwiköbaduwakwöchobe jalachö kwi̧'yaduwobö jȩnabi, otiwanö jweebakwo̧.

Mateo 21:22

Jau chömöledö, isabenö atebi̧danö iyakwo̧ Diosma jö̧ba̧lö jo̧ba ujulu ösödö akebaduwitjö̧ma, okobe jwiinö akebaduwi̧ma iyakwo̧— jö̧ba̧lö atadinobe.

Juan 8:12

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Santiago 4:15

Jo̧kwaobetjö̧ yötawaduwakwö. Bejenöda yöka̧laduwo: Duluwo̧ Dios weitjö̧ma ina 'yabayedö dö̧jakwedösa, itekwayi jelobe di̧'yobö, ja̧danö jobetjö dotidobö.