Diosnö ösödo̧ Job mikwo̧ usula emawina jawa 22:19 - Dios Iwene

¹⁹ —Isabenö jobadöjayedönö Dios lȩebobö jo̧be Job, ja̧danö Dios wei̧ aja̧kwö ju̧kwadö jobadönö söbebö loaja̧ edö, tjo̧'wo ösöwachibanö edadö, ja̧danö sulabenö ja̧böködöbi edö, tjo̧'wo ösöwanö edö yöba̧ladö:

Diosnö ösödo̧ Job mikwo̧ usula emawina jawa 22:19 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 17:8

—Ötjönö baledi̧ edö, –Otiwadösa, –jö̧ba̧ladöma tjöbajale jalaka baibanö edadö, ja̧danö, –Wene jwibadösa, –jö̧ba̧ladöma edö, ötjönö dameakwadö, –Isabenö bitema sulabo̧, Diosnö öpöjödo̧, –jö̧ba̧lö.

Diosnö ösödo̧ Job mikwo̧ usula emawina jawa 9:23

Jau, wene babibö, jojodö juluwanö debö tji̧'yenama, edö obo̧ Diosma, wene jwibadö debö tji̧'yenabi, edö obo̧ Diosma ichejekwa.

Proverbios 11:10

Ja̧danö, ju'wibi yötawa: Bakwena ju̧kwadöma okobe deinö tjösödobe Dios wei̧ a̧ja̧kwadönöma. Ja̧danö, Dios, jobadönö pjaatobe tjedena jobe ju̧kwadöma tjo̧'wo̧ ösöwanö tjö̧jobe, otiwa jö̧ba̧lö. Jo̧bekwö tjösödijayonö, sulabenö omukwatö ja̧badönö jwiinö tjöpöjödobe. Ja̧danö, sulabenö ja̧badönö jwiinö tjöpöjödobetjö̧ jobadönö sulabenö baledobe edö tjo̧'wo̧ ösöwanö jwöbadö, otiwa jö̧ba̧lö. Isabenö, sulabenö ja̧badö debö tji̧'yenabi jobe ju̧kwadöma tjo̧'wo̧ ösöwanö yöba̧ladö, otiwa, wainö debö 'ya̧dö, jö̧ba̧lö.

Apocalipsis 18:20

Ja̧danö chömöledö, ötjöma mölejȩbe ju̧kwadönö yöta̧lijatö, Kwo̧'wo̧duwi ösöwanö ja̧duwi, jö̧ba̧lö. Ja̧danö, ökwödö Dios ömöledö babibinadönöbi, Jesús webawedönöbi, Dios yöawi̧ yöbawinadönöbi, Kwo̧'wo̧duwi ösöwanö ja̧duwi, jö̧ba̧lö, yöta̧lijatö. Diosma ökwödönö inia tjököbaduwinö ja̧bujunö, balekwa mikwa iyö lȩebajobetjö̧, kwo̧'wo̧duwi ösöwanö ja̧duwi, jö̧ba̧lö yöta̧lijatö jobadönöma.