Diosnö ösödo̧ Job mikwo̧ usula emawina jawa 21:2 - Dios Iwene

^2-3 —Chömöledö, isabenö cho̧'wo ösöwachibanö pjakataduwobö jö̧ka̧laduwitjö̧ma, teada̧lönö yöta̧li̧ kwa̧ja̧kwaduwobö atebaduwakwö. Jau chömöledö, ja̧da atebaduwakwö, baikwö yöta̧la: Yöta̧li̧ a̧ja̧kwö, ötjönö oköbaduwobö jö̧ka̧laduwijayonö, abönö kwo̧'woduwi 'dibachibö kwiteada̧laduwobö atebaduwakwö, yöba̧lö katatenanö baibanö, ja̧danö jemi ikenama wene jwiinö ötjönö oköbaduwobö ja̧kobe.

Diosnö ösödo̧ Job mikwo̧ usula emawina jawa 21:2 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 13:17

Tupakwö yöa̧linobe Jobma, Diosnö abebö: —Chuluwo̧, otiwanö yöta̧li̧ kwa̧ja̧kwobö atebakwö, labebö lobö yöta̧lonö, kwölakiyunö kwa̧ja̧kwobö atebakwö.

Diosnö ösödo̧ Job mikwo̧ usula emawina jawa 13:6

Babe ötjö yöta̧li̧ kwa̧ja̧kwaduwobö jo̧be chömöledö, ötjö chö̧ji̧ jawa labebö lobö yötawonö, kwa̧ja̧kwaduwo.

Diosnö ösödo̧ Job mikwo̧ usula emawina jawa 15:11

—Diosma ökwönö pjaatobö jö̧ba̧lo̧ Job, kwo̧'wo ösöwachibanö ökwönö pjaatobö jö̧ba̧lo̧. Ja̧danö ökwödöbi dösölö̧jinö ökwönö pjabatö yöda̧lajabe, tajawedö Dios pjaati̧bi, ökwödö pjadati̧bi öpöjödö, –Mikwawökö ji̧, –jö̧ba̧lö kwöpöjödobeda?

Diosnö ösödo̧ Job mikwo̧ usula emawina jawa 16:2

—Yöka̧laja̧danö yöa̧lakwawa nöinö cha̧ja̧kwajabe ida̧ökö. Ökwödö chömöledöma, cho̧'wo tjo̧achi̧ seachibanö pjakataduwo jö̧ba̧ladöja, jo̧kwaijayonö pjabatöködöja. Pjabatökönö, ajayitjö bajalekwönönö cho̧'wo tjo̧achobö ja̧badöja.

Diosnö ösödo̧ Job mikwo̧ usula emawina jawa 18:2

—Dokwa lekwe mikwa jwii̧ jawa yöka̧lakwa̧da Job? Ja̧danö, tajawedö sulabenö kwomukwatobeda ökwödö kwömöledönö, –Bidöma wajwibadö, pa̧ka̧yadö wajwibö omukwatöködö tjö̧jidanöbedö, –jö̧ba̧lö? 'Wi̧inö babibö, jweinö kwomukwatobö jo̧be Job, ja̧danö jweinö kwomukwatenama, isabenö otiwanö pjabatö yöda̧lakwawakobe.

Diosnö ösödo̧ Job mikwo̧ usula emawina jawa 21:1

Zofar jejenö yöa̧liökwe, Jobma atadinobe baikwö:

Diosnö ösödo̧ Job mikwo̧ usula emawina jawa 33:1

Tupakwö yöa̧linobe Eliuma, Jobnö: —Yöta̧laja̧danö, kwösödi̧ jawa yöta̧lobö chisakwökö Job, jo̧kwaijayonö babe otiwanö yöta̧lakwa̧ kwa̧ja̧kwobö atebakwö, okobe jwiinö yöta̧lakwa̧ otiwanö kwaja̧kwobö ateba.

Diosnö ösödo̧ Job mikwo̧ usula emawina jawa 34:2

—Ökwödö –Waisanö omukwatadösa, nöinö waisakwawa jawa waisachadösa, –jö̧baladöma, yöta̧li̧ kwa̧ja̧kwaduwo.

Isaías 55:2

Chömöledö, tajawedö omöna jawa pan emö, kwiteaduwi balada iyö loköbaduwobeda? Ja̧danö kwotidaduwaja̧ mikwa baladanö, tajawedö kwomeawachibaduwö̧kö jawa kwemaduwobeda? Ötjö yötawi̧ teada̧lönö a̧ja̧kwö, otiwi̧ kwakwawa kwukwaduwo, inesö söi̧ kwakwawama.

Hebreos 2:1

Isabenö chömöledö, döwaisa. Ökwödöma Dios Itji̧ yöawinatjöda da̧ja̧kwijatö Dios yöawina ökwödönöma. Jau, Dios Itji̧, jwiinö inesö jo̧, ángelesdönötjöbi o̧penönö inesö jo̧ yöawinatjöda da̧ja̧kwijatö Dios yöawinama. Ja̧danö, Dios yöawina jejenö da̧ja̧kwobetjö̧ Dios Itji̧ yöawina tjöbeba̧lö̧jönö omukwatö di̧'yobö jo̧be chömöledö. Isabenö, tjöbeba̧lö̧jönö omukwatö di̧'yobö jo̧be, Ökwödöma Dios Itji̧ otiwa jawa wene, dö̧jibinö pjabatö yöawina wene ösödadösa, jö̧ba̧lö. Chömöledö, ja̧ Dios Itji̧ yöawina dösödi̧ma do̧'wo̧ luwo̧ okwanö do̧tjati̧danö do̧batö di̧'yaduwo jö̧ta̧la. Isabenö chömöledö, Dios Itji̧ yöawina do̧'wo̧ luwo̧ okwa do̧batö di̧'yaduwo, jo̧batjö 'da̧bachibö jelobekwö omukwatö di̧'yapji jö̧ba̧lö, jo̧ba yöawina öpöjödö.

Jueces 9:7

Ja̧ baledaja̧ yötjawi̧ a̧ja̧kwinobe Jotanma, ja̧danö a̧ja̧kwajo̧, Siquen comunidad badeibösa'o Guerizin mösa'obe i̧'yinobe, jobetjö Siquen comunidad jojodönö yöa̧lobö. Ja̧danö, ichibö labinö jwöbö yöawinobe baikwö: —Ökwödö Siquen comunidad luwedönö yötawa, ja̧danö yötawi̧ kwa̧ja̧kwaduwobö jo̧be, yötawi̧ kwaja̧kwaduwiökwe, Diosma ökwödönöbi a̧ja̧kwakobetjö̧.