Diosnö ösödo̧ Job mikwo̧ usula emawina jawa 21:18 - Dios Iwene

¹⁸ Jobadöma isa'ye, jwa̧le'epjo e'ewa'yedanö, trigo jawa sula'wo labinö jalachö e'ewa'wodanö isabenö tjichejekwobeji̧? Kwöwaisaduwa chömöledö, ja̧maökö, jö̧tö?

Diosnö ösödo̧ Job mikwo̧ usula emawina jawa 21:18 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 13:25

Ötjöma isabenö mikwawö̧kö̧sa, towisöja, jwa̧le'epjo e'ewiböjadanö, ja̧danö trigo sula'wo kököa'wodanö mikwawö̧kö̧sa, tajawedö ötjönö lubö, usula chemawinö lȩkebobeda chuluwo̧?

Diosnö ösödo̧ Job mikwo̧ usula emawina jawa 22:16

Jobadönö baledina kwomukwatibo Job, ina pöe waekwöködö tjö̧jayi, sulabenö ja̧tjiökwe, Diosma ojwe okwatibobö weinobe, ja̧danö jwaikwöda jobadönö söbebö loinobe, jö̧tö?

Diosnö ösödo̧ Job mikwo̧ usula emawina jawa 27:21

Jau, jwa̧lȩ'epjo jawo̧ laebobekwösapjo jo̧banö e'ewobedanö ichejekwa, debö 'yo̧ baibanö, ajayinö ö̧jinelö jo̧banö jwodatö loobedanö ichejekwa.

Éxodo 15:7

Jwiinö kwujuluwajabe kwöpöjojodönö, jwiinö juluwo̧köbobetjö̧. Jobadönö jwiinö kwölabobetjö̧ ökwöla ubö meje'ye jwiinö ubi̧danö jwiinö söbebö loköbajabe jobadönöma.

Proverbios 10:25

Ja̧danö, ju'wibi yötawa, wanedö: Bö̧jenö ja̧nö labi̧ jawa baledi̧ma jwa̧lȩ'ȩpjo dobibajö ichi̧danö wanekwachobe. Ja̧danö, jwa̧lȩ'epjo dobibajö ichena Dios wei̧ a̧ja̧kwadöma 'diinö tjö̧jobetjö̧ jwa̧lȩ'ȩpjo emibökakwawö̧. Jobekwö baledokobe sulabenö omukwatadönöma. Jobadö sulabenö omukwatadöma jwa̧lȩ'ȩpjo dobibajö ichena jwa̧lȩ'ȩpjo emibi̧danö emibakwawö̧.

Isaías 17:13

Jau, inesö nöobu jwaibalawa labinö ökwöi̧danö labinö ökwöobe tjitebokwena ölakwabikwawa jojodö tjölakwabikwawobö tjichi̧ma, jo̧kwaijayonö katjatibobö weakwo̧ Diosma, ja̧danö weiawö̧, ödö dötjibajakwedö. Jau, mösa'ijutjö jwa̧le'epjo trigo jawa sula'wo e'ewi̧danö, ja̧danö jwa̧lȩ'epjo labinö jwa̧le'ewö nijiso̧pja̧ jalawö jwa̧lȩ'ewi̧danö, katjatibobö weiawö̧ dötjibajakwedö.

Isaías 29:5

Jemi ikenama, Isabenö Jo̧ Okobe Jwiinö Juluwo̧ Diosma kwöpöjojodöduwinö lȩebakwo̧, juluwanö ichibö söbebö loakwo̧ kwöpöjojodöduwinö. Jobekwö ichibö lȩebakwa̧, baikwö wanedö yötawa: Jelobetjö ichajadö kwöpöjojodöduwi tjö̧ba̧jȩkwijayonö, nijiso̧pja̧ ejeopja̧danö batjibakwedö, jadanö inesö ba̧jȩkwadö kwöpöjojodöduwi labidöma, trigo sula'wo jwa̧le'epjo e'ewibi̧danö tjichejekwakwedö. Jau, böba labinö ökwöinö, ja̧danö niji̧ tjö̧awinö, labinö ökwöinö ichakwo̧ Isabenö Jo̧ma. Ja̧danö jwa̧le'epjo labinö doibapjokwö ichibakwo̧, ja̧danö jwiinö ubola ökwölakwö ichibakwo̧, kwöpöjojodöduwinö söbebö loakobetjö̧.

Isaías 40:24

Dios öba a'otjö, pokwi̧ juluwökö ji̧danö juluwöködö. Wanedö yötawa, batjo ödebiya tjödaja̧ ikena, niji ina 'diinö do̧alokonö, i̧ya̧nö pokwö laebenama, ja'yubebi juluwökö'ye, jö̧tö? Ja̧ isa'yedanö Dios öba a'otjö juluwöködö bö̧je jojodöma, ja̧danö wanedö yöta̧la, jobadönö pjuitjö̧ma, juluwanö kököbachibö suli̧ waekwadö, ja̧danö sula'wo tjö̧ji̧danö, jwa̧lȩ'epjo juluwanö jelobekwö e'ewawö̧.

Isaías 5:24

Okobe deinö jobadö yöta̧lajawö̧ma, Okobe Jwiinö Juluwo̧ Isabenö Jo̧ Dios weina a̧ja̧kwökönö öpöjödadö, —Israel jojodö tjösödökwe Sulabe Jwibo̧ Dios wei̧ma mikwawökö ji̧, —jö̧ba̧lö sulabenö öpöjödadö, jo̧kwajabetjö̧ isabenö usula tjemawakwedö. 'Witjaja̧ isa'ye juluwanö ubi̧danö, ja̧danö ökwöla öba a'otjö meje'ye kököa'ye juluwanö bȩbachibö ubi̧danö baledakwawö̧. Jau, wanedö yötawa, tjö̧ji̧ bö'diyadanö ji̧ma 'dolowakobe, ja̧danö tjö̧ji̧ o̧bubiyadanö ji̧ma kököbachibö jwiakobe, tjöpöjödiökwe Dios isabenö lȩebobetjö̧.

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

1 Corintios 3:12

Jau chömöledö, ja̧ la'aka wamenöda tjotidobe otidadöma, ja̧danö o̧do tjotidi̧ma öwawakobe, otiwanö tjotidinojobö, sulabenö tjotidinojobö jö̧ba̧lö. Baikwö wanedö yötawa: O̧do otidadöma ju'wi jayetjö tjotidobe, ju'wedö orotjö, ja̧danö ju'wedö platatjö, ja̧danö ju'wedö nöinö mikwawi̧ inawiyatjö, ja̧danö ju'wedö towi ötebiyatjö, ja̧danö ju'wedö ö̧'iyatjö, ja̧danö ju'wedö meje'yetjö tjotidobe. Ja̧danö, Jesús ichakwa̧ möle badekwachenama, o̧do tjotidinejuma ökwölanö ujuwakobe Diosma, tjotidina otiwojobö jö̧ba̧lö i̧sebö.