Diosnö ösödo̧ Job mikwo̧ usula emawina jawa 20:10 - Dios Iwene

¹⁰ Ju'wibi, ajayinö jwibadötjö önaukwinobetjö̧, iteda itji̧muma jwibö tjö̧jakwedö. Ajayinö tjabe'do iteatjö nöinö tjujuna̧lijayonö, jwibadönö tjiyobö ja̧kobe, tjabe'do nöinö ujuna̧lina jawa jwibadönö tjetjatajobö ja̧kobe, sulabo̧ itji̧muma.

Diosnö ösödo̧ Job mikwo̧ usula emawina jawa 20:10 ပူးပေါင်းရင်းမြစ်များ

2 Samuel 12:6

Jelo̧ ajwinö önaukwajabema, nöinö tjebatö imidobö jo̧be, obeja bakwujunö önaukwajabema, ö'wejemubedö obejadönö tjeatobö jo̧be, lȩlöinö edökönö, sulabenö jelo̧ usulaso̧ ajwinö önaukwinobetjö̧, —jö̧a̧linobe Davidma.

Diosnö ösödo̧ Job mikwo̧ usula emawina jawa 20:15

—Jau, baikwö wanedö yötawa, nöinö mikwawi̧ jawa ö̧ka̧tijayonö, ukwaja̧ etekwawakobe, Diosma ukwa'wotjö etekwawobö weakwo̧.

Diosnö ösödo̧ Job mikwo̧ usula emawina jawa 20:18

Nöinö itea emajo̧, tea luwo̧ baibanö ö̧jijayonö, o̧'wo ösöwanö ujuna̧lobö jwibo̧ sulabo̧ma, emaja̧ tjeatajobö ja̧akobe, baikwö yötawa:

Diosnö ösödo̧ Job mikwo̧ usula emawina jawa 27:14

Sulabo̧ i̧tji̧mu tjö̧ba̧jȩkwachijayonö, otiwanö wene jwiinö tjö̧joböma ba̧jȩkwachöködö, ju'wedö kwabö lotjakwawö̧ batjibanö ba̧jȩkwachadö chömöledö. Isabenö wene jwiinö tjö̧jökakwedö sulabo̧ itji̧mu tupadanö jojodöma chömöledö, ba̧kwelöjatebö a̧wi̧chi̧ tjöbö tjö̧jakwedö.

Diosnö ösödo̧ Job mikwo̧ usula emawina jawa 4:11

Ja̧danö tjo'ye pabebö loawö̧, tjukwakwawö̧nö juluwökönö, a̧wi̧chi̧tjö debö tji̧'yakwedö, ja̧danö tji̧tji̧munö tjipjelekwachinö a'dewö loakobe. Jobekwö wanedö yötawa, Dios sulabedönö lȩebi̧ma, jobadö tjö̧ji̧danö kwö̧ji̧ma kakatibo Job, —jö̧balö yöa̧linobe Elifazma.

Diosnö ösödo̧ Job mikwo̧ usula emawina jawa 5:4

Jau Job, waisanö omukwatö̧kö̧ itji̧muma, la'akatjöda wene jwiobe jö̧kö̧dö, kabatökönö labobe ja̧nö, wene juna̧ladö. Ja̧danö, lȩekwa luwedö tjöba a'o tjö̧jenama, jobadönö pjabato̧ma bakwo̧bi deobe, ja̧danö jwaikwöda lȩtjȩbawö̧ tju̧ju̧kwobe waisanö omukwatö̧kö̧ i̧tji̧muma.

Éxodo 12:36

Ja̧danö, Isabenö Jo̧ma Egipto jojodönö Israel jojodönö ösödanö tjedobö junijetö okobe jwiinö atjebi̧ma tjiyakobetjö̧. Jejenö Israel jojodöma Egipto jojodö jwiinö mikwawi̧ tjitjeatjö emibö e'ewijadötö Egiptotjö.

Éxodo 22:1

Ina webijetö Isabenö Jo̧ma Moisésnöma, weawa wene ujunobö Israel jojodönö a̧ja̧kwö tjö̧jobö, baikwö: —Wanedö yötawa. Bakwo̧ma jelo̧ ajwi bakayanö, jenanö obejanö naukwö kwabö loitjö̧ma jo̧bama önaukwajökwe a̧ji̧kwo̧nö balekwa mikwa iyobö jo̧be. Jenanö, önaukwaja̧ ikena jelo̧nö midö iyitjö̧ma, balekwa mikwa iyobö jo̧be. Ja̧danö, bakayanö önaukwitjö̧ma ba̧ka̧yö̧ bakwamubedönö iyobö jo̧be. Ja̧danö, obejanö önaukwitjö̧ma o̧bȩja̧dönö ö'wejemubedönö iyobö jo̧be.

Éxodo 9:2

Jobadönö ina latjebokobö kaatakwawökötjö̧ma

Proverbios 28:3

Ja̧danö, ju'wibi yötawa: Bakwo̧ balada jwibo̧ma ju'wedö balada jwibadönö usula tjȩmawobö ja̧itjö̧ma jwiinö sulena. Wanedö yötawa: Ojwiyoma lekwe labinö o̧bitjö̧ma batjonö tju̧junina söbebö loena ¿jö̧tö̧? Sulobe yelösöda jobekwö baledena. Isabenö yötawa: Ja̧ suli̧danö sulobe balada jwibo̧ma ju'wedö jwibadönö usula tjȩmawobö ja̧i̧ma.

Proverbios 6:31

Jo̧kwaijayonö, la'aka luwo̧ma jo̧ba usulaso̧ önaukwobe editjö̧ma, jo̧banö do̧tja̧tobö weakwo̧. Ja̧danö, usulaso̧nö nöinö imidobö weakwo̧ la'aka luwo̧ma, önaukwaja̧ mikwatjö bajalekwönönö jelemutjö̧ dötölataja jenanö. Yelösöda jo̧ba usulaso̧ma nöinö iyobö jo̧be, okobe jwiinö eju okwa ju̧kwi̧ itea ujuna̧li̧ma.

Lucas 19:8

Ja̧danö, Jesús öba a'o jamatö, Zaqueoma Duluwo̧ Jesúsnö yöa̧linobe: —A̧ja̧kwi chuluwo̧, ötjöma chujuna̧li̧ 'da̧batö junö, ja'öda chiyakobe usula jojodönö, ja̧danö jelo̧nötjö chemoko jö̧ta̧laja̧ 'döbebö chematjö̧ma, chemaja̧tjö bajalekwönönö tjetatocha. Baikwö yöta̧la, bakwöta jawa chematjö̧ma, ö'wejemu jawa tjetatocha— jö̧ba̧lö yöa̧linobe Jesúsnö.