Diosnö ösödo̧ Job mikwo̧ usula emawina jawa 2:7 - Dios Iwene

⁷ Weökwe, Awetjama Isabenö Jo̧ öjelö laebinobe, ja̧danö labebajo̧, Job jwiinö usula emawobö ja̧inobe. Job iteba'o ba̧kwemeachibanö inesö nii̧ wale'debiya samobö weinobe, uutjö ömasapiya baibanö.

Diosnö ösödo̧ Job mikwo̧ usula emawina jawa 2:7 ပူးပေါင်းရင်းမြစ်များ

2 Samuel 14:25

Absalonma isabenö wamenö otiwo̧ ö̧jinobe, okobe deinö israel jojodötjö bakwo̧bi deinobe, jojodö edö, —Aaa, itema otiwo̧, —jö̧ba̧lö Absalonnö yötja̧li̧danö yötja̧lökwema. Okobe jwiinö iteba'oma, jwiinö otiwo̧ ö̧jinobe, suli̧ jwiinö.

1 Reyes 22:22

Abebö a̧ja̧kwökwe, –Acab ömöayedö, Dios yöawi̧ yöbawadökwö ichibö, Acabnö omöna yötja̧lobö wetocha, –jö̧ba̧lö Diosnö atadobekwö chedatö. Ja̧danö, atadökwe, –Jau, yöka̧laja̧danö ja̧baji. Acabnö omöna yöka̧lakwo̧ja, ja̧danö omöna yöka̧lajökwe, ösödakwo̧, –jö̧ba̧lö Dios yöa̧lobekwö chedatö.

Diosnö ösödo̧ Job mikwo̧ usula emawina jawa 1:11

Jejenö pjakatökwe, isabenö ökwönö ösödo̧ Jobma, jo̧kwaijayonö ösödi̧ma sule wamenöda ösödo̧, baikwö yötawa: Babe otiwanö ujuna̧li̧ma, okobe jwiinö 'döbebö kwemitjö̧ma, ökwönö öpöjödena, ja̧danö ökwönö öpöjödö, kwöba a'otjö sulabenö yöawena, –Diosma sulabo̧, chöpöjödökwe, –jö̧ba̧lö. Ökwönö ösödi̧ma, okwa jawamaökö, sule wamenöda ösödo̧ Jobma, —jö̧ba̧lö atadinobe Awetjama.

Diosnö ösödo̧ Job mikwo̧ usula emawina jawa 13:28

Ja̧danö, jejenö ja̧köbi̧tjö, chiteba'o 'doloökwesa chuluwo̧, kamiji̧do̧ pjȩlebö suli̧ tjöwaedaja̧do̧danö ichejekwökwesa chuluwo̧, tajawedö ötjönö kwöpöjödobeda chuluwo Dios, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 2:6

Atadökwe, Isabenö Jo̧ma yöa̧linobe: —Yöka̧lajadanö wamenöda ösödojobö kwedo. Iteba'onö usula emawinö ja̧köbobö wetakwo, jo̧kwaijayonö jo̧banö kwabö loköboböma wetökö, —jö̧ba̧lö yöa̧linobe Isabenö Jo̧ma, Awetjanö.

Diosnö ösödo̧ Job mikwo̧ usula emawina jawa 30:30

Jwiinö usula emawo̧sa, chi̧sȩdo̧ yȩedo̧ma, 'dolobö meökwesa, ja̧danö nia'o 'dö̧tachobetjö̧ chiwe'ijubi tubökwesa.

Diosnö ösödo̧ Job mikwo̧ usula emawina jawa 7:5

Chiteba'o ba̧kwemeachibanö, sa̧dö ji̧ wale'debiya samökwesa, chi̧sȩdo̧ kököachibi̧ kelawo̧sa, ja̧danö chi̧sȩdotjö dewa'be laebökwesa, isabenö usula emawo̧sa, —jö̧ba̧lö yöa̧linobe Jobma, usula chemawi̧ 'dö̧ibajobö chiteada̧lijayonö, jwaikwöda usula emawö jo̧sa, jö̧ba̧lö.

Isaías 1:6

Jau chömöledö, kwiteba'oduwi bakwemeachibanö inia tjöbadöja, kwuuduwitjö kwömasapaduwi ichibanö. Kwiteba'oduwi bakwemeachibanö kwatjaja̧bi, dȩdȩtjaja̧bi, wale'debiyabi samawö̧ja, ja̧danö jobekwö kwö̧jaduwijayonö, otidö lotjökö̧wö̧ja. Jau, inia tjököbaduwijayonö, suli̧tenia dichökönö, ja̧danö jwabawökönö, ja̧danö olivo o̧te 'do̧bökönö, otidö lotjökö̧wö̧ja.

Isaías 3:17

Ja̧danö jobekwö sulabenö ja̧tjitjö̧, ötjö Isabenö Jo̧ma lȩtebakwo̧sa jobadönö. Jerusalen ya̧dö tjuu ba̧kwemeachibanö wale'debiya saminö wetakwo̧sa, ja̧danö tjöba tjöwö'ye jwobö lotakwo̧sa, tabakwö tjö̧jakobetjö̧, —jö̧ba̧lö yöawajabe Isabenö Jo̧ma.

Deuteronomio 28:27

—Ju'wibi, ökwödönö suli̧ waedö, kwi̧sȩdoduwinö tutiyubiya saduwaibobö weakobe Isabenö Jo̧ma, damötjö Egipto jojodönö saduwaibobö weinadanö, ja̧danö ju'wi tutiyubiyabi, wale'debiyabi, kö'öwi̧bi usula kwemawaduwobö weakobe, ja̧danö ja̧tjö bi̧bajökönö kwö̧jaduwakwedöja.

Deuteronomio 28:35

—Ja̧danö ju'wibi, ökwödönö suli̧ waedö, Isabenö Jo̧ma tutiyubiya ökwödönö saduwaibobö weakobe, kwu̧yu̧kijunöbi, kwi̧bȩjwaduwinöbi, okobe jwiinö kwiteba'oduwinöbi inesö nii̧ tutiyubiya ökwödönö saduwaibobö weakobe, ja̧danö ja̧tjö kwö̧bibajaduwobö jwiköbaduwakwedöja.

Apocalipsis 16:11

Ja̧danö, jwiinö mölejȩnö jo̧ Diosnöma jwiinö tjöpöjödobe chedijatö, inia tjötjinö baledobö weobetjö̧. Ja̧danö, tutiyubiya saduwaibobö weobetjö̧ Diosnö jwiinö tjöpöjödobe, Ökwödönö sulabenö webo̧, jö̧ba̧lö, chedijatö. Ina jelobekwö omukwatö, tjomukwati̧ balewachökönö öpöjödadö Diosnöma.