Diosnö ösödo̧ Job mikwo̧ usula emawina jawa 2:11 - Dios Iwene

¹¹ Job ömöledötjö ju'wedö tjö̧jinobe, Teman niji jojo Elifaz mikwo̧bi, Suah niji jojo Bildad mikwo̧bi, Namat niji jojo Zofar mikwo̧bi. Jobadöma tja̧ja̧kwinobe, inesö suli̧ Jobnö baledina jawama, ja̧danö a̧ja̧kwajadö, tjömöledöso̧ o̧'wo ösöwachibanö pjatjatobö tjomukwatinobe. Ja̧danö, tjitebokwena nijitjö ichö, jobadö wamedukwama bakobe Job ö̧jobekwö tjichinobe, Job ujuluwachibanö pjatjatobö.

Diosnö ösödo̧ Job mikwo̧ usula emawina jawa 2:11 ပူးပေါင်းရင်းမြစ်များ

Génesis 25:2

Jobujuma ji̧tji̧munö ömadönö 'yabebijotö, bidö: Zimram, Jocsán, Medán, Madián, Isbac, Súa mikwadönö.

Génesis 36:15

Ja̧danö, Esaútjö tupadanö jojodöma la'aka luwedöbijadötö ji̧jadötö. Itji̧ Elifaz i̧tji̧mu, jelemutjö̧ bakwamu luwa ömadöma bakwo̧nökwena la'aka luwedö ju̧kwijadötö luwo̧bijadötö, idöda yööne tjömöledökwö wainö tjitebokwena ja̧nö. Jobadöma bidö: la'aka luwo̧ Temen, la'aka luwo̧ Omar, la'aka luwo̧ Zefer, la'aka luwo̧ Kenaz

Génesis 36:34

Ja̧danö, Jobab woaja̧ okobe, Husam mikwo̧, Temán jojoma Jobab webö ö̧bajemi okobe tebachijetö.

Génesis 37:35

Okobe deinö i̧tji̧muma ömadöbi, ya̧döbi tjabe'donö dösölö̧jinö yöba̧lijadötö o̧'wo söawobö pjabatö. Jejenö pjabatö yötja̧lijayonö o̧'wo söawinokokobe. Ja̧danö jö̧ba̧lijetö: —Isabenö debö chi̧'yenanö kabatö chitji̧kwö yemidanö chö̧jobö ina cho̧'wo̧ tjo̧tekwakwo̧sa— jö̧ba̧lijetö. Ja̧danö, lekwe möle budekwabijetö, itji̧ Josénö omukwata̧lö.

1 Crónicas 1:32

Ja̧danö Abraham ilekwo Cetura mikwuju jitji̧mu ömadönö jeminawö̧ma bidö: Zimram mikwo̧bi, Jocsan mikwo̧bi, Medan mikwo̧bi, Madian mikwo̧bi, Isbac mikwo̧bi, Sua mikwo̧bi. Ja̧danö Cetura jitji̧ Jocsan mikwo̧ itji̧muma, Seba mikwo̧bi, Dedan mikwo̧bi.

1 Crónicas 1:45

Ja̧danö Jobab ö'wö baibenama, Teman niji jojo Husam mikwo̧ma Edom la'aka luwo̧ baibinobe.

1 Crónicas 7:22

Jobekwö itji̧munö kwabö lotjiökwe, tjabe'do Efrainma lekwe möle budekwö ö̧jinobe, ja̧danö ubudekwiawö̧, ömöledöma o̧'wo tjo̧achi̧ seachibanö pjatjatotö jö̧ba̧lö, jo̧banö edö tji̧'yinobe.

Diosnö ösödo̧ Job mikwo̧ usula emawina jawa 11:1

Job yöa̧liökwe, Namat niji jojo Zofar mikwo̧ma öpöjödö atadinobe baikwö:

Diosnö ösödo̧ Job mikwo̧ usula emawina jawa 13:4

—Ja̧danö, ökwödö chömöledönö, baikwö yöta̧la: Ökwödöma sulabenö omöna yöba̧ladöja, –Jobma sulabenö ja̧bo̧, –jö̧ba̧lö. Ja̧danö ökwödöma, –Pjadatakwö, –jö̧ba̧lö yöka̧laduwijayonö, pjabatöködöja, dötölödö wajwibadödanö ichejekwadöja chömöledö.

Diosnö ösödo̧ Job mikwo̧ usula emawina jawa 15:1

Job jejenö yöa̧liökwe, Elifazma öpöjödö atadinobe, baikwö:

Diosnö ösödo̧ Job mikwo̧ usula emawina jawa 16:2

—Yöka̧laja̧danö yöa̧lakwawa nöinö cha̧ja̧kwajabe ida̧ökö. Ökwödö chömöledöma, cho̧'wo tjo̧achi̧ seachibanö pjakataduwo jö̧ba̧ladöja, jo̧kwaijayonö pjabatöködöja. Pjabatökönö, ajayitjö bajalekwönönö cho̧'wo tjo̧achobö ja̧badöja.

Diosnö ösödo̧ Job mikwo̧ usula emawina jawa 16:20

Bidö chömöledöma ötjönö obö yöba̧ladö, –Bite Jobma sulabo̧, –jö̧ba̧lö, jo̧kwajabetjö̧ Diosnö budekwabinö abebo̧sa,

Diosnö ösödo̧ Job mikwo̧ usula emawina jawa 18:1

Job jejenö yöa̧liökwe, Bildadma öpöjödö atadinobe, baikwö:

Diosnö ösödo̧ Job mikwo̧ usula emawina jawa 19:19

Okobe deinö yöne chömöledöma ötjönö öpöjödadö, okobe deinö ile 'di̧tebawö̧ma, ötjönö öpöjödö, chöpöjojodökwö batjibajabe.

Diosnö ösödo̧ Job mikwo̧ usula emawina jawa 19:21

—Isabenö lȩlöjinö kwedaduwobö jo̧be chömöledö, Diosma isabenö 'diinö kwakwaajabe ötjönö chömöledö, lȩlö̧jinö kwedaduwobö atebaduwakwö.

Diosnö ösödo̧ Job mikwo̧ usula emawina jawa 4:1

Job jejenö usula emawö yöa̧liökwe, ömöledöso̧ Elifaz mikwo̧ma yöa̧laja̧ öpöjödö atadinobe Jobnö:

Diosnö ösödo̧ Job mikwo̧ usula emawina jawa 42:11

Ja̧danö okobe deinö Job öjawo̧döbi, ajayinö ömöledöbinadöbi yemidanö Jo̧b ö̧jobekwö tjichinobe, ja̧danö Job ejutjö jo̧bakwö ba̧nö tjukwinobe. Jobkwö janö, jo̧banö pjatatotö jö̧ba̧lö o̧'wo ösöwachibobö yötja̧lakwawinobe. Ajayinö Isabenö Jo̧ nöinö wene öbaledobö weinobetjö̧, ja̧tjö o̧'wo ösöwachibanö seachibobö pjatjatinobe. Ja̧danö, ju'wibi okobe deinö bakwo̧nökwena tjiteatjö Jobnö tjiyinobe, plata bakwa̧pa̧bi, orotjö otikwayu sasiyu bakwayubi.

Diosnö ösödo̧ Job mikwo̧ usula emawina jawa 42:7

Jejenö Jobkwö yöba̧lakwawajo̧, Isabenö Jo̧ma Job ömöledöso̧ Elifaznö yöa̧linobe, —Isabenö dameakwo̧sa ökwönöbi, kwömöledö Bildadnöbi, Zofarnöbi, isabenö ö'öbönö ötjönö yöka̧laja̧duwobetjö̧. Jau Elifaz, chömöayo̧ Job jweinö ötjönö yöa̧li̧danöma yöba̧löködöja.

Diosnö ösödo̧ Job mikwo̧ usula emawina jawa 42:9

Jejenö weawö̧, Elifazbi, Bildadbi, Zofarbi Isabenö Jo̧ wei̧danö ja̧tjinobe, ja̧danö Jobma jobadönö aebinobe, Dios jobadönö lȩebapji jö̧ba̧lö. Jejenö aebökwe, Isabenö Jo̧ma Job aebi̧ a̧ja̧kwö, jobadönö lȩebinokobe, —Chömöayo̧ chösödökwe aebi̧tjö̧, lȩlö̧jinö chedocha, —jö̧ba̧lö.

Diosnö ösödo̧ Job mikwo̧ usula emawina jawa 6:14

Tupakwö yöa̧linobe Jobma: —Bakwo̧ wene ujuna̧lenama, isabenö iteda ömöledö jo̧banö dö̧sö̧lö̧jinö pjatjatobö jö̧ba̧ladö. Ja̧danö jwaikwöda Okobe Jwiinö Juluwo̧ Diosnö yebabinö omukwatadöma, isabenö tjömöledöso̧nö pjabatadö.

Diosnö ösödo̧ Job mikwo̧ usula emawina jawa 6:19

Tema comunidadtjö ichajadöbi, Saba comunidadtjö ichajadöbi jobe tjichibobe, –Isabenö ja'yuwödötjö dowakwedösa, –jö̧ba̧lö,

Diosnö ösödo̧ Job mikwo̧ usula emawina jawa 8:1

Jejenö Job yöa̧liökwe, Suah niji jojo Bildad mikwo̧ma öpöjödö atadinobe, baikwö:

Proverbios 17:17

Ja̧danö, ju'wibi yötawa: Isabenö, bakwo̧ iteda ömöledöso̧ma jo̧banö ba̧kwȩlöjatebö ile niebobe. Ja̧danö, ju'wibi yötawa: Bakwo̧ iteda yö̧ne ömöledöma jo̧banö pjaatjatakwedö wene baledena jo̧banöma.

Proverbios 18:24

Ja̧danö, ju'wibi yötawa: Bakwo̧ma yö̧a̧lena ökwönö, chömöledöso̧, jö̧ba̧lö. Jobekwö yöa̧lijayonö omöna yöba̧lo̧, isabenö kwömöledöso̧bö̧kö̧. Jo̧kwaijayonö jelo̧ma isabenö kwömöledöso̧ ö̧jobe. Jo̧ba isabenö kwömöledöso̧ma yö̧ne kwömöledö pjatjati̧tjö bajalekwönönö pjabato̧ ökwönöma ba̧kwȩlö̧jatebö.

Proverbios 27:10

Ja̧danö, ju'wibi yötawa: La'akatjöda kakatiboko lekwe kwipjeanö ju̧kwadö kwömöledönö, kwabe'do lekwe ipjeanö ju̧kwinadönöma. Isabenö, ökwönö wene baledena kwipjeanö ju̧kwadönöda pjatjatobö akebo. Ju'wedö kwömöledö ödö ju̧kwadö tjuju̧kwobekwö kwi̧'yoko, jobadönö abebö, pjabataduwi, jö̧ba̧lö. Kwipjeanö ju̧kwadö kwömöledöma kwipjeanö tjuju̧kwobetjö̧ ju'wedö kwömöledö ödö ju̧kwadö pjatjati̧tjö̧ bajalekwönönö otiwanö pjabatadö.

Isaías 51:19

Jau chömöledö, inesö labi̧ jawa dötölataja jawa baledajabe kwiteboduwitjö̧: A̧wi̧chi̧ jwiinö lö̧jajabe, a̧wi̧chi̧tjö kwöwaekwaduwenanö baibanö, ja̧danö ju'wibi kwöpöjojodö ökwödönö ölakwabikwawö metjibajabe, kwiteboduwi söbebö lotjenanö baibanö. Ja̧danö jobekwö baledijayonö, kwo̧'woduwi ösöwachibanö pjabato̧ma deinö ji̧badöja.

Juan 11:19

Yöneawena jobetjö̧, Lázaro ö'wö baibajabe okobe ba̧jekwadö judío jojodöma Betanianö tjichinobe Martanö Maríanö edö, pjabatö yöbawö, tjöjawo̧ ö'wö baibajiawö̧nö.

Romanos 12:15

Ja̧danö ju'wedö tjo̧'wo̧ ösöwanö tjö̧jenama, jobadökwö kwo̧'wo̧ ösöwanö ösödö kwö̧jaduwo, ja̧danö ju'wedö o̧'wo̧ tjo̧achö tjubudekwenama, jobadökwö kwubudekwaduwo.

1 Corintios 12:26

Ja̧danö, diteba'o jawatjö bakwöta jawa usula emawitjö̧ma, okobe jwiinö diteba'oma usula emawobe chömöledö. Ja̧danö wanedö yötawa: Bakwöta jawa Aaa, ja̧ma otiwa jö̧ba̧lö tjomukwatenama, okobe jwiinö diteba'oma o̧'wo̧ ösöwanö ösödö jo̧be ichejekwa.

Hebreos 13:3

Ja̧danö, kwö̧ja̧wo̧döduwi ka̧lena ba̧kwawejunö ba̧jadönö pjakataduwo. Jobadönö kwo̧'wo̧duwi tjo̧bekwö edö, Ökwödöbi domajade okwanö jobadökwö bakobe usula emawö tjö̧baji̧danö ka̧lena ba̧kwawejunö ba̧jadösa, jö̧ba̧lö. Ja̧danö, ju'wedö usula emawadönöbi jejenö kwomukwataduwo, Jobadökwö bakobe usula tjemawi̧danö usula emawadösa domajade okwanö, jö̧ba̧lö. Chömöledö, ökwödöbi jojodököbaduwobetjö̧ kwöwaisaduwa, ja̧ usula emawakwawama jwiinö nii̧, jö̧ba̧lö.

Josué 15:41

Guederot comunidadbi, Bet Dagón comunidadbi, Noamá comunidadbi, Maquedá comunidadbi. Okobe jwiinö ja̧ ju'wi ba̧ba̧lawobe comunidadteniama, dieciséis comunidadbiyabi, ö'öbö pjei̧ comunidadteniabi.