Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Diosnö ösödo̧ Job mikwo̧ usula emawina jawa 18:8 - Dios Iwene

8-9 —Jau Job, isabenö suli̧ waekwadö, ökwödanö sulabedöma, baikwö wanedö yötawa: Sulabo̧ma iteda ömasapiya suli̧ waedökwe: Otiwanö kwebacho̧sa jö̧a̧lijayonö, 'daliwanö li̧bo̧. Edökönö, 'daliwa jawa ja̧to̧ sulabo̧ma, ja̧danö ömasapiyanö di̧achibökwe, jobe 'daliwanöda lo̧.

အခန်းကိုကြည့်ပါ။ ကော်ပီ




Diosnö ösödo̧ Job mikwo̧ usula emawina jawa 18:8
18 ပူးပေါင်းရင်းမြစ်များ  

Jejenö yöka̧laduwi̧tjö̧, baikwö yötawaduwakwö chömöledö: Ötjönö baledi̧ma, sulabenö ja̧tököjayonö, Diosma suli̧ öwaedajabe ötjönö, wanedö yötawa, 'daliwanö chö̧li̧binö di̧atajabe, —jö̧ba̧lö yöa̧linobe Jobma, iteda ömöledönö.


Jobekwö sulabenö ja̧bo̧ja Job, jo̧kwajabetjö̧ babema nöinö wene baledo̧ja. Jau Job, jobekwö sulabenö ja̧köbinobetjö̧, babema 'daliwa tjösawökwe jo̧ja, ja̧danö yeabikwawa jawa kwöbaledobe.


—Ju'wibi iteda öbatjo jawa emö̧kö̧ waisanö omukwatö̧kö̧ma. Öbatjo wa̧ji̧jayonö, iteda emö ukwakwa̧ abönö, ju'wedö a̧wi̧chi̧ tjöbadöma ichö naukwadö öbatjo wa̧ji̧ma. Jau, okobe jwiinö öbatjo jawa tjönaukwobe, ösötje sȩötjebiya 'da̧de wa̧ji̧bi tjönaukwobe, jo̧ba waisanö omukwatö̧kö̧ okobe jwiinö jwibo̧ baibanö. Ja̧danö ju'wibi, ajayinö nöinö ujuna̧lijayonö, ju'wedö idöda tjemotö jö̧ba̧ladöma, jo̧ba itea 'dötjebobe, jwienanö baibanö.


Ja̧danö, ju'wibi yötawa, wanedö: Sulabenö omukwato̧ma itedada sulabenö ja̧i̧ jawama 'daliwadanö ji̧, iteda ö̧libobö, ö̧jibobö jwiinö. Jobekwö baledokobe Dios wei̧ a̧ja̧kwo̧nöma. Dios wei̧ a̧ja̧kwo̧ma o̧'wo̧ ösöwanö lo̧bo̧.


Ju'wibi yötawakwö chitji̧, wanedö: Bakwo̧ ö̧jobe ba̧kwȩlö̧jatebö sulabenö omukwatö ja̧baibo̧ma. Ja̧danö, jo̧ba sulabenö ja̧inama jo̧banö do̧tja̧li̧danö do̧a̧lobe jo̧banöma. Ja̧danö, a̧la̧chi'bonö tjunu'yajökwedanö bo̧, ejachibö dilachibökönö, sulabenö ja̧inobetjö̧.


Jo̧kwajabetjö̧ ökwödö bö̧jȩ ba̧kwemeachibanö ju̧kwadöma, jwiinö yekabiduwakwedöja, 'daliwanö kwö̧la̧duwakwedöja, ja̧danö laju okwa meköbaduwakwedöja.


Jau, inesö yeabikwawa jawatjö yebabinö döbibajo̧ma, laju okwa meakwo̧, ja̧danö laju okwatjö nöchö labebo̧ma, 'daliwanö ö̧libakwo̧. Mölȩjȩ kȩachibi̧danö, yelösöda nöobu o̧bakobe, ja̧danö bö̧jȩ 'daakobe, ja̧danö labinö tjö̧awakobe bö̧jȩma.


Ja̧danö, te'ada̧lakwawa luwo̧ baibanö otidakwo̧ma, ju'wedö Dios ömöledöböködöbi otiwanö tjomukwatökweda, jojodö sulabenö yötja̧liökwe Awetja ja̧ina 'daliwanö ö̧libapji jö̧ba̧lö.


Jo̧kwaijayonö, ju'wedö nöinö balada tjujuna̧lobö tjösödobetjö̧, waekwadö, ja̧danö sulabenö ja̧badö. Ja̧danö, sulabenö tjösödi̧ma 'daliwadanö ichejekwa jobadönöma. Ja̧danö, sulabenö tjösödi̧ma jobadönö suli̧ waedobe ichejekwa, waekwadö batjibanö.


Jau Timoteo, jobadö öpöjödadöma Awetja ujunina 'daliwanö lö̧jajadö Awetja wei̧da ja̧tjo jö̧ba̧lö. Jo̧kwaijayonö Dios pjaatitjö̧ma Awetja ujulutjö tjö̧jibena. Jo̧kwajabetjö̧, tjöpöjojodönö dösölö̧jinö yöba̧lö pjatjatobö jo̧be Duluwo̧ ömöayedöma, bidönöbi Dios pjaatena jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ