Diosnö ösödo̧ Job mikwo̧ usula emawina jawa 18:7 - Dios Iwene

⁷ Ja̧danö ajayinö otiwanö tjujulunö kwetjachinajayonö, tji̧me'dawachibanö tjo̧'omanö kwetjachakwedö. Ju'wibi, ju'wedönö suli̧ tjöwaedobö tjomukwataja̧ma, idönöda baledakobe, suli̧ tjöwaekwi̧nö.

Diosnö ösödo̧ Job mikwo̧ usula emawina jawa 18:7 ပူးပေါင်းရင်းမြစ်များ

2 Samuel 15:31

Mösa'o önöchonö, ju'wedö Davidnö yötjawinobe, —Waiso̧ Ajitofelbi Absalonnö pjaatobe, kwö̧bemi Absalonda la'aka luwo̧ ö̧bobö, —jö̧ba̧lö. Yötjawökwe, Davidma Diosnö aebinobe, —Isabenö Jo̧, ökwönö ateba, Ajitofel waisanö yöawi̧ma, waisakwawa jwii̧ yöawakwawa baibanö a̧bulewi̧ baibanö pjakatobö, —jö̧ba̧lö.

2 Samuel 17:14

Jejenö yöa̧liawö̧, Absalonbi, okobe deinö israel jojodö Absalonkwö ju̧kwadöbi a̧ja̧kwö, —Otiwa, —jö̧ba̧lö yötja̧linobe, —Bite Husay waisanö yöa̧laja̧ma, Ajitofeltjö bajalekwönönö waisanö yöa̧lajabe, —jö̧ba̧lö, ja̧danö yöa̧laja̧danö ja̧tjobö omukwatö tjujuninobe. Jo̧kwaijayonö jejenö Husay yöa̧li̧ tjösödi̧ma, Isabenö Jo̧ omukwatö ujuninadanö baledinobe. Isabenö Jo̧ma, Ajitofel waisanö yöa̧li̧ tjöpöjödobö weinobe, Diosma Absalonnö lȩebobö omukwatö ujuninobetjö̧.

2 Reyes 6:11

Jobekwö kabatökönö balediökwe, o̧'wo tjo̧bekwö ö̧jinobe Siria luwo̧ma, —Dakwö waisanö chujulutjö̧ ö̧jibobejö, —jö̧ba̧lö. Ja̧danö, iteda ömöayedö ölakwabikwawa luwedönö jwöbö abebö a̧ja̧kwinobe, —Chömöayedö, ökwödö chömöayedötjö diteda israel la'aka luwo̧nö pjaatobeda? Dö̧jakwa̧ omukwatö dujunenama, ökwödötjö diteda Israel la'aka luwo̧nö yöawobeda, chujulutjö̧ ö̧jiboböma? Ökwödö chömöayedötjö bakwo̧ma iyö lobo̧ ö̧jobe ichejekwa, —jö̧ba̧lö.

Diosnö ösödo̧ Job mikwo̧ usula emawina jawa 15:6

Isabenö ökwöda yöka̧li̧ma öwaetjöda öwawinö i̧sȩbobe, –Isabenö Dios lȩebobö jo̧be, –jö̧ba̧lö. Jau Job, ötjö yöta̧li̧maökö, ökwöda yöba̧lö kwi̧sȩbobe, isabenö Dios ökwönö lȩebi̧ma jwea, jö̧ba̧lö.

Diosnö ösödo̧ Job mikwo̧ usula emawina jawa 20:22

Nöinö ununa̧lijayonö, o̧'wo tjo̧bekwö, –Ötjöwe, –jö̧ba̧lö o̧'wo tjo̧ekwakwo̧, nöinö ujuna̧lemi ja'ötjö, wene baibökwe, jwiinö o̧'wo tjo̧bekwö usula emawö ö̧jakwo̧.

Diosnö ösödo̧ Job mikwo̧ usula emawina jawa 36:16

Ökwönöbi jejenö pjaatobö jö̧a̧lena ichejekwa Job, baikwö yöta̧la: Usula emawö kwö̧ji̧tjö lakebinö pjaatobö jö̧a̧lena, otiwobe jalobe wene jwiinö kwö̧jobö̧, jadanö kwitea mesasöte inesö otiwi̧ kwakwawa ujunobö jö̧a̧lena, otiwanö kwukwakobetjö̧.

Proverbios 11:5

Ja̧danö, ju'wibi yötawa: Otiwanö omukwatadöma Dios wei̧ a̧ja̧kwö tjö̧jobetjö̧ jweinöda 'ya̧jadö. Jo̧kwaijayonö sulabenö omukwatadöma sulabenöda omukwatö tjö̧jobetjö̧ jweinöma 'yö̧kö̧dö. Wanedö yötawa: Jobadö sulabenö omukwatö tjö̧ji̧ma jwiinö ömöki tje'ewi̧danö ji̧. Ja̧danö, jobadöma ömöki̧ e'ewö metji̧danö mebadö, jweinö 'yö̧kö̧dö.

Proverbios 29:6

Ja̧danö, ju'wibi yötawa, wanedö: Sulabenö omukwato̧ma itedada sulabenö ja̧i̧ jawama 'daliwadanö ji̧, iteda ö̧libobö, ö̧jibobö jwiinö. Jobekwö baledokobe Dios wei̧ a̧ja̧kwo̧nöma. Dios wei̧ a̧ja̧kwo̧ma o̧'wo̧ ösöwanö lo̧bo̧.

Proverbios 4:12

Jobekwö jweinö omukwatö jweamanö kwi̧'yobetjö̧ jwaikwöda kwi̧'yakwo̧ja, waekwökönö. Ja̧danö, jweinö omukwatö jweamanö kwi̧'yobetjö̧ ju'wedöma kwi̧'yobe edinö tjötjeba̧lökakobe. Jwaikwöda kwi̧'yakwo̧ja. Ö'öbakwawö kwi̧'yenabi kwömasapa töbökönö kwi̧'yakwo̧ja jweinö omukwatö kwi̧'yobetjö̧.

1 Corintios 3:19

Jau chömöledö, böjȩ jojodö Aaa, biya̧ma waisakwawa ji̧ jö̧ba̧lö tjomukwati̧ma, Dios edemi waisakwawa jwii̧ jawaobe. Baikwö laebobe Dios iwene: Diosma böjȩtjö waisadönö ja̧bo̧, waisanö tjomukwati̧ma 'daliwa baibanö, jö̧ba̧lö laebobe.