Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Diosnö ösödo̧ Job mikwo̧ usula emawina jawa 16:8 - Dios Iwene

8 ja̧danö jwiinö chö'dalökachibanö weköbajabe. Jejenö 'dalöko̧ chö̧ji̧ma, sulabo̧ chö̧ji̧ wene i̧sȩbobedanö ichejekwa, –Isabenö bite Jobma sulabo̧, –jöba̧lö.

အခန်းကိုကြည့်ပါ။ ကော်ပီ




Diosnö ösödo̧ Job mikwo̧ usula emawina jawa 16:8
10 ပူးပေါင်းရင်းမြစ်များ  

Kabatökönö ju'wedönöbi, ju'wedönöbi kwöbadekwajobedanö ichejekwa, ötjönö –Jobma sulabenö ja̧bo̧, –jö̧ba̧lö yötja̧lakwedönö, ja̧danö ajayitjö bajalekwönönö ötjönö kwödameakwobe ichejekwa. Wanedö yötawa, ötjönö ölakwabikwawö, ba̧kwelöjatebö yabayedö ölakwabikwawadö weköbobedanö ichejekwa, ötjönö metjibakobetjö̧.


—Jwiinö usula emawö chubudekwobetjö̧, chöbajale tjewawökwe babibo̧sa, ja̧danö jwiinö usula emawö chö'dalökachibajabe 'dalökachina batibanö.


Isabenö nöinö usula emawo̧sa, jwiinö 'dalöko̧ batibajabe. Chitebia jwiinö, chi̧sȩdo̧ chiwe'ijunö pöawajökwesa, ja̧danö ina 'ya̧ta̧lijayonö, ö'wö batibo jö̧ba̧lo̧sa.


'dalökachibenanö kabatö, iwe'iju ajayinö öwawinökö'wobi öwawenanö kabatö.


—Jo̧kwajabetjö̧, ötjö Isabenö Jo̧ Okobe Jwiinö Juluwo̧ Diosma lȩtebakwosa jo̧banö. Inesö labi̧ tjö'wöchi̧ jawa wetocha, ömöayedö ölakwabikwawa jojodö inesö juluwadöma tjujulu jwitjakobetjö̧. Ja̧danö babe salöinö juluwo̧danö ichejekwijayonö, wanedö yöta̧la: Ujulu teebe ökwöla chönötedocha, jo̧ba ujulu söbebö lotakobetjö̧.


Bö̧jȩ bajaletjö jojodö Diosnö ösödö lo̧tji̧ da̧ja̧kwakobe, —Dösödökwe Sulabe Jwibo̧ Dios, dejatinö juluwo̧ja, —jö̧ba̧lö. Jobekwö otiwanö baledakobe, jo̧kwaijayonö ina badekwachökö ja̧ mölema. Jo̧kwajabetjö̧ babema baikwö yöba̧lo̧sa: —Ötjöwe, chime'dawachibanö jo̧sa, jwiinö chime'dawachibanö jo̧sa. Omöna yöba̧ladöma, omöna yöba̧lö suli̧ waedadö, omöna yöba̧lö suli̧ waedadöma, yelösöda nöinö suli̧ waedadö.


Jejenö ökwödönö dichö loinobe Cristoma, jwiinö otiwadönöda, dewamachibadönöda emobö. Ja̧danö, Cristoma dichö loinobe itenöda ösödadönöma, iteda ömöledö batjibinö 'da̧batö junö, ja'yubebi suli̧ jwibadö batjibinö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ