Diosnö ösödo̧ Job mikwo̧ usula emawina jawa 15:24 - Dios Iwene

²⁴ Kabatökönö tjo̧'wo tjo̧bekwö, usula emawö tju̧ju̧kwobe sulabenö ja̧badöma, ja̧danö jelobetjö ichajo̧ la'aka luwo̧ jobadökwö ölakwabikwawi̧danö, yebabinö tjomukwati̧bi, o̧'wo tjobekwö tjö̧ji̧bi tjomajade okwa jobadönö ölakwabikwawobedanö ichejekwa, isabenö nöinö wene baledadö, sulabenö ja̧badöma.

Diosnö ösödo̧ Job mikwo̧ usula emawina jawa 15:24 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 15:20

Sulabedöma kabatökönö inia tjöbö usula emawadö, ju'wedönö sulabenö labinö ja̧badöma, ba̧kwelöjatebö ina 'ya̧tja̧layi, usula emawadö.

Diosnö ösödo̧ Job mikwo̧ usula emawina jawa 15:21

Jobadöma kabatökönö yetjaibanö ökwöi̧ a̧ja̧kwadö, ja̧danö otiwanö tjö̧jemi ja'ötjö, wene jwia jö̧ba̧lö tjomukwatemi ja'ötjö, söbebö lobadö ichibö jobadönö tjujuluwobe.

Diosnö ösödo̧ Job mikwo̧ usula emawina jawa 15:23

juluwanö bo̧lö̧ tjukwakwawö̧sa, –jö̧ba̧lö. Jau, jweinö kwebachökönö, jelobebi, jelobebi kwebachadö, ja̧danö tjöwaisa, –Isabenö juluwanö wene döbaledakwedösa, –jö̧ba̧lö.

Diosnö ösödo̧ Job mikwo̧ usula emawina jawa 15:25

—Jau Job, isabenö jejenöbedö sulabenö ja̧badöma. Jobadöma Diosnö öpöjödö, Diosnö tjölakwabikwawobö jö̧ba̧ladö, baikwö wanedö yötawa: Jwaikwöda Dios wei̧ öpöjödö, tjöekwapi 'diapi e'ewö, Okobe Jwiinö Juluwo̧ Diosnö metji̧botö jö̧ba̧lö ö'öbakwawadö. Ja̧danö Dios weökö jawa sulabenö ja̧tjobetjö̧, yöta̧laja̧danö baledawö̧ sulabenö ja̧badönöma.

Diosnö ösödo̧ Job mikwo̧ usula emawina jawa 19:11

Jobekwö jwiinö ödameakwajabe ötjönö, ja̧danö iteda öpöjojodötjö bakwo̧ chö̧ji̧danö, ötjönö ölakwabikwawobedanö ichejekwa.

Diosnö ösödo̧ Job mikwo̧ usula emawina jawa 19:12

Jau, iteda ömöayedö ölakwabikwawa jojodö bakobe ötjönö metji̧botö jö̧ba̧lö tjichobedanö ichejekwa, ja̧danö cheju tjösawö ja̧nö, 'dieju pjolö loawaka tjujunobedanö ichejekwa, ötjönö tjujuluwobö, isabenö Dios suli̧ öwaedökwesa, —jö̧ba̧lö yöa̧linobe Jobma.

Proverbios 1:27

Ina yöbawuju: —Ja̧danö, jwiinö yekabiduwi̧ jawa ökwödönö jwiinö labi̧ jawa baledakobe, usula kwemawaduwinö, ojwiyo nöobu o̧bobe labinö jwa̧lȩ'ȩwi̧danö. Ja̧danö, jwa̧lȩ'epjo labinö jwalȩ'ȩwö ichi̧danö ökwödönö labi̧ jawa ichakobe usula kwemawaduwinö. Jobekwö balediawö̧ kwo̧'wo̧duwi̧ tjo̧bekwibö kwö̧jaduwakwedöja ¡ayö ökwödöwe! jö̧ba̧lö —yöbawuju—.

Proverbios 24:34

juluwanö jwibo̧da baibanö ö̧jakwo̧, jö̧ba̧lö. Isabenö, jo̧ba 'du̧wekwo̧ma jwibo̧da ö̧jakwo̧, jojo itea okobe jwiinö önaukwaja̧ ikena jwii̧danö. Jo̧ba 'duwekwo̧danö kwö̧joko chitji̧.

Proverbios 6:11

Jobekwö ‘du̧wekwö kwö̧lobetjö̧ juluwanö usulaso̧ baibanö kwö̧jakwo̧ja, kwiteabi, kwu̧kwa̧bi jwibo̧ bakibanö. Jao, kwu'du̧wekwobetjö naukwabo̧ kwejunö tebachö okobe jwiinö naukwibö e'ewaja̧ ikena jwiyi̧danö jwiköbakwo̧ja kwitea, kwu̧kwa. ¡Kwu'du̧wekwoko!

Isaías 13:3

—Baikwö yöawobe Diosma: –Ötjödasa 'da̧batö chujuninawö̧nö webinama, jobekwö metjibobö. Chömöayedötjö juluwadönö jwötajabe, ötjö chödameakwi̧ jobadönötjö lȩtebobö, ja̧danö weti̧danö tjujuluwenama, tjösödakwedö, -Otiwanö juluwadösa, -jö̧ba̧lö, –yöawobe Diosma.

Romanos 2:9

Okobe deinö sulabe jawa ja̧badöma, inia tjöbö usula tjemawakwedö chömöledö, judío jojodöbi, judío jojodöböködöbi.