Diosnö ösödo̧ Job mikwo̧ usula emawina jawa 15:21 - Dios Iwene

²¹ Jobadöma kabatökönö yetjaibanö ökwöi̧ a̧ja̧kwadö, ja̧danö otiwanö tjö̧jemi ja'ötjö, wene jwia jö̧ba̧lö tjomukwatemi ja'ötjö, söbebö lobadö ichibö jobadönö tjujuluwobe.

Diosnö ösödo̧ Job mikwo̧ usula emawina jawa 15:21 ပူးပေါင်းရင်းမြစ်များ

2 Reyes 7:6

Ja̧ jojodö deobe labebö loawama baikwö laebobe: Isabenö Jo̧ma weinobe, Siria ölakwabikwawa jojodö ju'wedö ölakwabikwawa jojodö tjichobe tja̧ja̧kwobö, kolukiyakwöbi, kabayudökwöbi, inesö ba̧jȩkwaso ölakwabikwawa jojodö tjichobema. Jobekwö a̧ja̧kwö, yötja̧lakwawinobe idödada: —Ayö, Israel la'aka luwo̧ma imidajabe, hitita jojodötjö la'aka luwedönöbi, Egipto la'aka luwo̧nöbi, ökwödönö metjibakobetjö̧, —jö̧ba̧lö.

Diosnö ösödo̧ Job mikwo̧ usula emawina jawa 15:24

Kabatökönö tjo̧'wo tjo̧bekwö, usula emawö tju̧ju̧kwobe sulabenö ja̧badöma, ja̧danö jelobetjö ichajo̧ la'aka luwo̧ jobadökwö ölakwabikwawi̧danö, yebabinö tjomukwati̧bi, o̧'wo tjobekwö tjö̧ji̧bi tjomajade okwa jobadönö ölakwabikwawobedanö ichejekwa, isabenö nöinö wene baledadö, sulabenö ja̧badöma.

Diosnö ösödo̧ Job mikwo̧ usula emawina jawa 18:11

—Okobe jwiinö sulabo̧ kweachi̧tenia, yeabikwawa jawa meibobe ichejekwa sulabo̧nö, okobe jwiinö kweachi̧tenia, jo̧banö luanobedanö jo̧be.

Diosnö ösödo̧ Job mikwo̧ usula emawina jawa 18:14

Otiwanö chejunö jo̧sa jö̧a̧lijayonö, iteda ejutjö do̧batö tje'ewökwe jo̧banö, inesö yetjabökwe la'aka luwo̧ öba a'o tjujunobö tje'ewökwe, jo̧ba sulabo̧nö.

Diosnö ösödo̧ Job mikwo̧ usula emawina jawa 20:21

Jwaikwöda okobe jwiinö ujuna̧lotö jö̧ba̧lö isakwo̧ sulabo̧ma, ja̧danö jejenö ja̧bö ö̧jobetjö̧, ö̧ji̧ma waekwakobe, otiwanö ujuna̧lökakwo̧ lekwema.

Diosnö ösödo̧ Job mikwo̧ usula emawina jawa 22:10

Jobekwö sulabenö ja̧bo̧ja Job, jo̧kwajabetjö̧ babema nöinö wene baledo̧ja. Jau Job, jobekwö sulabenö ja̧köbinobetjö̧, babema 'daliwa tjösawökwe jo̧ja, ja̧danö yeabikwawa jawa kwöbaledobe.

Diosnö ösödo̧ Job mikwo̧ usula emawina jawa 24:17

Okobe deinö jobadöma möle öpöjödadö. Jobadö yetjabi̧ma, yȩa'wo okwa ji̧maökö, yetjabi̧ma möle dewi̧, jojodö sulabenö ja̧tji̧ tjedapji jö̧ba̧lö.

Diosnö ösödo̧ Job mikwo̧ usula emawina jawa 27:20

—Isabenö wene baledökwe sulabo̧nö, ojwe okwatibi̧danö yeabikwawa jawa jo̧banö okwatibobedanö ichejekwa, yöte ja'ö jwa̧le'epjo labinö dobibö jo̧banö e'ewibobedanö ichejekwa.

Proverbios 10:24

Ja̧danö, ju'wibi yötawa: Dios wei̧ a̧ja̧kwadöma otiwanö tjȩmakwedö, jobadö tjösödi̧ jawama. Jobekwö baledokobe sulabenö omukwatadönöma. Jobadöma, jwiinö yetjabi̧ jawada tjȩmakwedö.

Proverbios 28:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Sulabenö ja̧bö ju̧kwadöma yebabinö döbibajadö, ökwödönö do̧batö tjicha, jö̧ba̧lö. Jobadönö do̧tjatobö ichadö deijayonö, tjicha döbibajo, jö̧ba̧lö yebabinö döbibajadö. Jobekwö yetjabokobe Dios wei̧ a̧ja̧kwadöma. Yebaböködö. Didiba möayo̧ juluwo̧ didibadanö yebaböködö.

1 Corintios 10:10

Ja̧danö, Diosnö öpöjödö yöda̧lakwawoko chömöledö, Diosma sulabenö iyo̧ jö̧ba̧lö. Jobadö ajayinö ji̧nadö jejenö sulabenö öpöjödö yötja̧liökwe, Diosma ángelso̧ kwabawo̧nö weinobe, jobadönö kwabö loo jö̧ba̧lö.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.

Apocalipsis 9:11

Jobadö ma̧la̧ka̧yö̧ tjuluwo̧ma sulabo̧ ángelso̧. Jo̧bama böjȩ teebe, laju a'o ja̧nö te'ada̧lo̧. Jo̧bama hebreo tjiwenenö Abadón mikwo̧. Ja̧danö, griego tjiwenenö Apolión mikwo̧, ma̧la̧ka̧yö̧ tjuluwo̧ma.