Diosnö ösödo̧ Job mikwo̧ usula emawina jawa 14:4 - Dios Iwene

⁴ Kwöwaisa Dios, ökwödö bö̧jȩ jojodöma okobe deinö dusula juna̧ladösa, bakwo̧bi bakwainö usula jwiinö ö̧joböma jwibo̧, jö̧tö?

Diosnö ösödo̧ Job mikwo̧ usula emawina jawa 14:4 ပူးပေါင်းရင်းမြစ်များ

Génesis 5:3

Ja̧danö, Adánma, ciento treinta a̧yos bo̧ itji̧nö, itedadajayo̧nö 'yabebijetö, iteda ichejekwo̧nö. Jo̧ba itji̧nö Set, jö̧ba̧lö midijetö.

Diosnö ösödo̧ Job mikwo̧ usula emawina jawa 15:14

—Job, –Dios öba a'otjö sulabenö ja̧bö̧kö̧sa, –jö̧ba̧lö yöka̧lajabe, jo̧kwaijayonö ja̧maökö, baikwö yötawa: Jojodötjö bakwo̧bi usula jwibo̧ ö̧jenaji̧? Ya̧dö tjemawö̧tjö bakwo̧bi bakwainö otiwanö ja̧bö jo̧ ö̧jenaji̧? Deobe, la'akatjöda Job.

Proverbios 20:9

Ja̧danö, ju'wibi yötawa: Bakwo̧, ötjöma chomajadenö chomukwati̧ma chidewachibinö otiwanöda omukwato̧sa, jö̧ba̧lo̧ma ¿ö̧jobeji̧? Deobe. Ja̧danö, ötjöma tjo̧wi̧ chusuli̧ma jwibo̧sa, jö̧ba̧lo̧ma ¿ö̧jobeji̧? Kwöwaisaduwa, Deobe.

Lucas 1:35

Ajebiökwe ángelma atadinobe: —Dios O̧'wo̧ Luwo̧ma ökwönö ichakobe, ja̧danö okobe jwiinö juluwo̧ Dios ujuluma ökwönö ja̧kobe. Jo̧kwajabetjö̧ kwitji̧ma isabenö suli̧ jwibö ö̧jakobe, ja̧danö jo̧banö Dios Itji̧ jö̧ba̧lö ötjabikobe.

Juan 3:6

Böjȩ jojodö tjemawö̧ma böjȩ jojodöda ¿jö̧tö? Jejenömaökö Dios O̧'wo̧ Luwo̧tjö emawö̧ma. Dios O̧'wo̧ Luwo̧tjö emawö̧ma Dios O̧'wo̧ Luwo̧ jojodö.

Romanos 5:12

Chömöledö, ju'wibi yötawa. Ajayinöma suli̧ jwiinobe böjȩnöma, ikenama bakwo̧da Dios weökö jawa ja̧inobe. Ja̧danö, jo̧ba Dios weökö jawa ja̧inobema, okobe deinö jo̧ba i̧tji̧mu tupadanö jojodöbi Dios weökö jawa ja̧tjinobe, woba jojodö batjibanö.

Efesios 2:3

Jau chömöledö, ajayinöma Diosnö öpöjödadö ja̧tji̧danö ökwödöbi okobe deinö sulabenö ja̧bö ju̧kwiadinobe, Diosnö öpöjödö, domajade okwanö sulabe wei̧da ja̧bö. Ökwödö sulabe dösödi̧da, sulabe domukwati̧da ja̧bö ju̧kwiadinobe. Jo̧kwaobetjö̧ ökwödöma Diostjö 'da̧bachibö ja̧döma Dios lȩebi̧tjö lȩebakwawö̧da ji̧nadösa, chömöledö, okobe deinö Diostjö 'da̧bachibö böjȩnö ju̧kwadödanö.