Diosnö ösödo̧ Job mikwo̧ usula emawina jawa 14:10 - Dios Iwene

¹⁰ Jo̧kwaijayonö jejenöböködösa ökwödö bö̧je jojodöma. Ökwödöma waekwö, do̧'wo emökönö ö'wö badibenama, bakobenö debö 'ya̧dösa ökwödö bö̧je jojodöma.

Diosnö ösödo̧ Job mikwo̧ usula emawina jawa 14:10 ပူးပေါင်းရင်းမြစ်များ

Génesis 49:33

Ikenama jobadönö yöbawö kabatö kamapjonö kwabibö ö'wö babibijetö Jacobma.

1 Crónicas 29:15

Jau chuluwo̧, bemi nijinö ja̧nö, kwöba a'otjö jelobetjö ichajadödanö ichekwadösa, da'dödö tjichejekwinadanö ichejekwadösa. Lekwe möle bö̧jȩnö jö̧ködösa, bö̧jȩnö dö̧ji̧ma sule isada̧lidanö ichejekwobe, ja̧danö ö'wö babibökönö lekwe möle dö̧joböma juluwöködösa.

Diosnö ösödo̧ Job mikwo̧ usula emawina jawa 10:18

—Ötjöwe! Chuluwo̧ Dios, tajawedö chojo'do ötjönö jemobö weköbinada? Bakwo̧bi ötjönö edakwa̧ abönö, ö'wö batibinatjö̧ma otiwo jö̧a̧linena.

Diosnö ösödo̧ Job mikwo̧ usula emawina jawa 11:20

Jejenö baledakobe Job, yötawaja̧ otiwanö kwa̧ja̧kwitjö̧ma, jo̧kwaijayonö jejenö baledökakobe, sulabedönöma. Jobadöma tjöbajale tjewawadö batjibanö tjö̧jakwedö, ja̧danö Dios lȩebi̧tjö tjö̧jibobö jwitjakwedö. Jobadöma jwiinö usula tjemawakwedö, –Ökwödöwe, debö di̧'yobe, –jö̧ba̧lö omukwatö tjö̧jenanö, —jö̧ba̧lö yöa̧linobe Zofarma.

Diosnö ösödo̧ Job mikwo̧ usula emawina jawa 13:9

Kwedaduwemi, jejenö omöna yöka̧laduwiökwe, Dios öba a'otjö wene jwiinö kwö̧jaduwenaji̧? Kwedaduwemi, jojodö omöna yöa̧lakwawa wajwibö tjösödi̧danö, Diosbi omöna yöka̧laduwi̧ a̧ja̧kwö, –Isabenö yötja̧la, –jö̧ba̧lö, omöna yöka̧laduwi̧ ösödenaji̧?

Diosnö ösödo̧ Job mikwo̧ usula emawina jawa 14:12

Bakwo̧ ö'wö babibö öbamataja̧ ikenama, jenada ö̧bakwo̧, bö̧jȩbi mölȩjȩbi 'dö̧ibajenanö kabatö. Jau, jȩnada ba̧nö wiluböködö bö̧jȩ jojodötjö ö'wö babibadöma, jadanö bakwo̧bi jobadönö iwiludobö jwiakobe, ida̧ökö debö tji̧'yajobetjö̧, jo̧kwajabetjö̧ debö chi̧'yakwa̧ abönö, ötjönö lȩkebi̧ kakatibobö atebakwö chuluwo.

Diosnö ösödo̧ Job mikwo̧ usula emawina jawa 14:9

niji 'yoliwitjö̧ma, yemidanö 'yayi öjiya pjoawena, ja̧danö 'yayowidanö ötjebiya pjewökachibena, jö̧tö?

Diosnö ösödo̧ Job mikwo̧ usula emawina jawa 19:26

Ja̧danö chöwaisa, nöinö chö'wöchi̧tjö chi̧sȩdo̧ suli̧ waekwijayonö, ina chiteba'onö chö̧jayi, isabenö Diosnö chedakwo̧sa, jö̧ba̧lö.

Diosnö ösödo̧ Job mikwo̧ usula emawina jawa 20:7

Sulabo̧ma iteda ide'o ji̧danö babibo̧, baikwö yöta̧la, jojodö tjide'o juluwanö jwii̧nö baibi̧danö, juluwanö debö 'yo̧ sulabo̧ma, ja̧danö la'akatjöda tjeachajökakwo̧. Ja̧danö, juluwanö deiawö̧, ajayinö jo̧banö edinadöma abebö tja̧ja̧kwakwedö, –Ajayinö edajidökwema daida? –jö̧ba̧lö.

Diosnö ösödo̧ Job mikwo̧ usula emawina jawa 3:11

Ötjöwe, ötjönö jemenama, tajawedö jenada ö'wö batibinököjö? Jimetu'wo jemenama, tajawedö debö chi̧'yinököjö?

Diosnö ösödo̧ Job mikwo̧ usula emawina jawa 3:13

¡Ötjöwe! Jejenö jösödinökötjö̧ma, jemaja̧ ikena ö'wö batibo jö̧ta̧linobe, chabibobedanö jenada ö'wö babibö, wene jwiinö chö̧bo jö̧ta̧linobe.

Diosnö ösödo̧ Job mikwo̧ usula emawina jawa 7:21

Isabenö sulabenö ja̧tinatjö̧ma, ötjönö lȩlöjinö kwedobö jwiobeji̧? Sulabenö ja̧tina söbebö loköbobö jwiobeji̧? Jau chuluwo̧, juluwanö ö'wö babibö, wobiakonö chö̧jakwo̧sa, ja̧danö ötjönö kwisakwenama, detocha, ida̧ökö debö chi̧'yajobetjö, jo̧kwajabetjö̧ lȩlöjinö ötjönö kwedobö atebakwö chuluwo̧, —jö̧ba̧lö yöa̧linobe Jobma.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Mateo 27:50

Ikenama, Jesús yemidanö labinö jwöbibajo̧, ö'wö baibinobe.

Hechos 5:10

Ikenama Pedro jö̧ba̧lö kaatena, jobujubi mebö ö'wö babibijotö. Ikenama möayedöma tebachibö e'ewibö lödö 'yi̧jadötö jobujunö, jilekwe ipjeanö.