Diosnö ösödo̧ Job mikwo̧ usula emawina jawa 12:4 - Dios Iwene

⁴ —Chömöledö sulabenö obö yötja̧lökwesa babema. Ötjöma Diosnö ösödö, ba̧kwelöjatebö jo̧banö abebinasa, jadanö atebiökwe, Dios atadiniökwesa. Isabenö Dios öba a'otjö wene jwibo̧, otiwanö ja̧bö jo̧sa, jo̧kwaijayonö yayonö ökwödö chömöledö obö yöka̧laduwökwesa batibajabe.

Diosnö ösödo̧ Job mikwo̧ usula emawina jawa 12:4 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 11:3

Ökwöma nöinö mikwa jwii̧ jawa yöka̧li̧tjö̧, 'wiinö dö̧bobö jȩnaji̧? Sulabenö obö yöka̧litjö̧, bakwo̧bi atadö jweebobö jwienaji̧? ¡Ja̧maökö!

Diosnö ösödo̧ Job mikwo̧ usula emawina jawa 12:5

Ökwödö wene jwiinö ju̧kwadöma, wene juna̧ladönö obö omukwatadöja, –Wene tjujuna̧li̧ma, idöda jawa, sulabenö ja̧bö tjö̧jobetjö̧, wene juna̧ladö. Otiwanö ja̧bö tjö̧jitjö̧ma, wene tjujuna̧loko jö̧tja̧lajabe, –jö̧ba̧lö obö omukwatadöja.

Diosnö ösödo̧ Job mikwo̧ usula emawina jawa 13:18

Jau chuluwo, otiwanö teada̧lönö ökwönö labebö lobö yöta̧lakwa̧ jawa omukwatö chujunajabe, jadanö chöwaisa, yöta̧laja̧ a̧ja̧kwajo̧, ökwöbi yöka̧lakwo̧ja, –Isabenö Jobma sulabenö ja̧binö̧kö̧, –jö̧ba̧lö.

Diosnö ösödo̧ Job mikwo̧ usula emawina jawa 16:10

—Jejenö balediawö̧, jojodöma ötjönö edö obadö, ötjönö obö, chibekasa'wo 'bȩtjajabe, –Bite Jobma sulabo̧, –jö̧ba̧lö. Jau, ötjönö tjölakwabikwawotö jö̧ba̧lö, chöba a'o ko̧ko̧kwö tjö̧jobe ichejekwa.

Diosnö ösödo̧ Job mikwo̧ usula emawina jawa 16:20

Bidö chömöledöma ötjönö obö yöba̧ladö, –Bite Jobma sulabo̧, –jö̧ba̧lö, jo̧kwajabetjö̧ Diosnö budekwabinö abebo̧sa,

Diosnö ösödo̧ Job mikwo̧ usula emawina jawa 17:2

Okobe deinö chipjeanö ju̧kwadöma ötjönö obadö, ja̧danö otjobe edö, usula emawo̧sa.

Diosnö ösödo̧ Job mikwo̧ usula emawina jawa 17:6

—Isabenö usula emawo̧sa ötjöma, sulabenö ja̧bö chö̧jinököjayonö, Diosma jwiinö usula chemawinö weajabe, okobe deinö ötjönö obö yötja̧lenanö baibanö, –Jobma mikwawö̧kö̧, –jö̧ba̧lö okobe deinö ötjönö sutjenanö baibanö.

Diosnö ösödo̧ Job mikwo̧ usula emawina jawa 30:1

Tupakwö yöa̧linobe Jobma: Jo̧kwaijayonö, ajayinö otiwanö ötjönö tjomukwatinajayonö, babema ötjötjö baikwönönö möayedöbedöma ötjönö obadö. Mikwawöködöbi jejenö ötjönö obadö chömöledö, baikwö yöta̧la: Inesö mikwawöködö, chajwimu awilidökwö otidö, chajwimu obejadönö tjiteada̧lobö mikwawöködö jö̧ba̧lö chöpöjödinawö̧ tjitjimubi ötjönö obadö babema.

Diosnö ösödo̧ Job mikwo̧ usula emawina jawa 30:9

jo̧kwaijayonö jwiinö ötjö babe usula chemawobetjö̧, jobadötjö bajalekwönönö usulaso̧ batibajabe, jobadöjayedöbi ötjönö obadö batjibenanö kabatö. Jau chömöledö, bakwo̧ usulaso̧nö wanedö yötja̧lobö jö̧tja̧lenama, ötjönöda obö yöba̧ladö, –Jobma jwiinö usulaso̧, –jö̧balö, isabenö jwiinö usula emawo̧sa.

Diosnö ösödo̧ Job mikwo̧ usula emawina jawa 34:7

Bakwo̧bi Job yöa̧li̧danö yöba̧lo̧ma ö̧jenaji̧? Bakwo̧bi Job sulabenö Diosnö yöa̧li̧danö yöba̧lo̧ma ö̧jenaji̧? Kabatökönö jejenö sulabenö yöa̧lobö ösödo̧ ichejekwa, –Sulabenö ja̧tököjayonö, Dios sulabenö usula chemawinö weökwesa, –jö̧ba̧lö.

Diosnö ösödo̧ Job mikwo̧ usula emawina jawa 6:29

Isabenö sulabenö ja̧binö̧kö̧sa chömöledö, jo̧kwajabetjö̧ ötjönö kwomukwataduwi̧, –Jobma sulabenö ja̧bo̧, –jö̧ba̧lö kwomukwataduwi̧ kabatibö, jweinö kwomukwataduwo.

Diosnö ösödo̧ Job mikwo̧ usula emawina jawa 9:21

—Isabenö sulabenö ja̧binö̧kö̧sa, jo̧kwaijayonö jo̧kwada, ötjönö baledakwa̧ma mikwawokobe ötjönöma. Jwiinö chöpöjödobe chö̧ji̧ma, –Debö chi̧'yowe, –jö̧ba̧lö.

Proverbios 14:2

Ja̧danö, ju'wibi yötawa: Bakwo̧, otiwanö omukwatö, jweinö yöba̧lö jo̧ma iteda ö̧ji̧ma öwawinö i̧sekwobe, Isabenö Jo̧nö yebabinö omukwato̧sa, jö̧ba̧lö. Jobekwö i̧sekwokobe bakwo̧, sulabenö omukwatö jojodönö omöna yöba̧lö jo̧ma. Sulabenö omukwatö omöna yöba̧lo̧ma, iteda ö̧ji̧ma öwawinö i̧sekwobe, Isabenö Jo̧nö chomukwatökö, chöpöjödökwe, jö̧ba̧lö.

Mateo 27:29

Ja̧danö, la'aka luwedö tjubutjawaka ichejekwakadanö sȩö'itjö butjawaka sȩaka bukwajadö, Jesús uunö tjöwaninobe. Ja̧danö la'aka luwo̧ orotjö otikwö̧'a do̧ali̧danö, ö̧sö̧'a Jesús ömamunö tjo̧pedinobe. Jejenö ja̧bajadö, Jesúsnö obö jo̧ba öba a'otjö bȩbachibö yötja̧linobe: —¡Bite judío jojodö la'aka tjuluwo̧nö dösödonö!— jö̧ba̧lö.

Mateo 9:24

Jobadönö edö: —Labebaduwi— jö̧ba̧lö weinobe—. Wobököju tjemuma, sule aba̧löda aba̧luju— jö̧ba̧lö yöawinobe. Jejenö yöawiawö̧, jobe ko̧ko̧kwajadöma Jesúsnö otjinobe,

Marcos 5:40

Jejenö jö̧a̧lawö̧ jobadöma, Itema omöna yöba̧lo̧, wajwibo̧, jö̧ba̧lö, obijadötö. Ikenama Jesúsma, obajadönöma a̧petube a'dewö lobibö, itekwöda ichajadökwöda, tjemu jabe'dokwöda jojo'dokwöda tjemu jö̧bobekwö 'ya̧wibijetö.

Lucas 16:14

Jejenö yöa̧liawö̧, fariseo jojodöma a̧ja̧kwö Jesúsnö otjinobe, Bitema wajwibö yöbawo̧, jö̧ba̧lö. Jobadö fariseo jojodöma nöinö balada tjösödinobe, ja̧danö balada ösödadöma Dios wei̧ ja̧böködö jö̧ba̧lö yöa̧liawö̧, öpöjödö Jesúsnö otjinobe.

Hechos 17:32

Jejenö yöawiawö̧, Diosma tjeachajinö ja̧inobe, jö̧ba̧lö, Atenasnö ju̧kwadötjö ju'wedöma oböda obijadötö Pablonö. Jo̧kwaijayonö ju'wedöma: —Yemidanö da̧ja̧kwobö jö̧da̧la ja̧ yökawaja̧ma— jö̧ba̧lijadötö.

Hebreos 11:36

Ja̧danö ju'wedöbi tjuju̧kwinobe, Diosnö tjo̧'wo̧ wana̧ladöma. Jobadönö oböbi, kwakwaböbi kwakwatjinobe. Ja̧danö, di̧batö tjödinobe ka̧lena ba̧kwawejunö.