Diosnö ösödo̧ Job mikwo̧ usula emawina jawa 12:10 - Dios Iwene

¹⁰ Jau chömöledö, Diosda okobe deinö bö̧jȩnö ju̧kwadö tjö̧ji̧ jawa webo̧, jo̧bada okobe deinö jojodönö iyo̧, tjo̧'wo emapjo tjemakobetjö̧, jö̧tö? Ja̧danö öwawinö öwawobe, ötjönö baledi̧ma Diosda weobetjö, baledökwesa, jö̧ba̧lö.

Diosnö ösödo̧ Job mikwo̧ usula emawina jawa 12:10 ပူးပေါင်းရင်းမြစ်များ

Génesis 2:7

Ikenama Isabenö Jo̧ Diosma nijitjö jojodanö otidijetö. Otidajökwe isu̧nö ja̧kwawa imiyupjo pjubijetö jojo baibanö.

Génesis 6:17

Ja̧danö, jö̧ba̧lijetö Diosma: —Noé, a̧ja̧kwi. Ötjöma jwai balawa okwatibanö wetakwo̧sa böjȩ bakwemeachibanö. Jejenö okobe deinö tjo̧'wo̧nö emadönöma söbebö lotakwo̧sa. Noé, okobe deinö böjȩnö ju̧kwadöma o̧bibö debö tji̧'yakobe— jö̧ba̧lijetö—.

Diosnö ösödo̧ Job mikwo̧ usula emawina jawa 27:3

ina 'yaba̧lo̧ ja̧nö, Dios cho̧'wo chemobö weayi,

Diosnö ösödo̧ Job mikwo̧ usula emawina jawa 27:8

Jau chömöledö, Dios jo̧banö öpöjödadönö lȩbebö, jobadötjö ja̧kwawa 'döebenama, –Tupakwö otiwanö dö̧jakwedösa, –jö̧ba̧lö ösödö tjiteada̧lobö jȩnaji̧?

Diosnö ösödo̧ Job mikwo̧ usula emawina jawa 33:4

—Ötjöma Dios O̧'wo Luwo̧ otidinökwesa, ja̧danö ja̧kwawa chujuna̧li̧ma, Okobe Jwiinö Juluwo̧ Dios iyobetjö̧, 'yaba̧lo̧sa.

Isaías 42:5

Chömöledö, Isabenö Jo̧ Diosda mölȩjȩ otidajo̧, sedatö nöninama, ja̧danö jo̧bada bö̧jȩbi, okobe jwiinö bö̧jȩtjö pokwi̧bi otidinama. Jo̧bada okobe deinö bö̧jȩnö ju̧kwadönö tjo̧'wo emapjo iyo̧ma, bö̧jenö kwebachö ju̧kwadönö ja̧kwawa iyo̧ma Isabenö Jo̧ Diosda. Ja̧danö, jo̧bada baikwö yöawobe omudawö ujuninökwenö:

Isaías 57:16

Jau chömöledö, ba̧kwelöjatebö jojodökwö ölakwabikwawö chö̧jö̧kakwo̧sa, ja̧danö ba̧kwelöjatebö jojodökwö chödameakwökakwo̧sa. Jobekwö ba̧kwelöjatebö chö̧jitjö̧ma, tjo̧'wo luwo̧nö tjime'dawachibena, ja̧danö tjö̧ji̧ ja̧kwawa, ötjöda otidö chiyina ja̧kwawama 'dö̧ibajena.

Daniel 5:23

Diostjö nija̧kwönönöbo̧sa̧ jö̧ba̧lö omukwatökönö, Mölejȩbe Jo̧ Diostjö bajalekwönönöjo̧sa jö̧ba̧lö kwomukwatajabe, ja̧danö jejenö omukwatö Diosda ejutjö tjichejebina dȩja̧'di̧ju tjichejebobö weköbajabe. Ja̧danö ökwöbi, kwömöayedötjö la'aka luwedöbi, kwi̧lȩkwa̧mubi Dios itea dȩja̧'di̧jutjö ubasobu o̧'dobu kwowaduwajabe, Diostjö bajalekwönönöbedösa jö̧ba̧lö. Ja̧danö ju'wibi o̧'wo̧ jawa kwösödaduwajabe juluwadö jö̧ba̧lö, orotjöbi, platatjöbi, broncetjöbi, 'dii jawatjöbi, towisa'otjöbi, inawiatjöbi otikwedö o̧'wo̧ jawa kwösödaduwajabe, juluwadö jö̧ba̧lö. Jobadö kwösödaduwawö̧ma edöbi edöködö, ja̧danö a̧ja̧kwöbi a̧ja̧kwöködö, ja̧danö waisöbi waisöködö, jo̧kwaijayonö jobadönö ösödadöja, Isabenö Jo̧ Diosnö ösödökönö. Jau chuluwo̧, kwo̧'wo̧ kwemobö iyo̧ Diosnö, ju'wibi okobe jwiinö ökwönö baledakwa̧ webo̧nö otiwanö omukwatö ösödökönö, ju'wedönöda ösödo̧ja.

Juan 3:6

Böjȩ jojodö tjemawö̧ma böjȩ jojodöda ¿jö̧tö? Jejenömaökö Dios O̧'wo̧ Luwo̧tjö emawö̧ma. Dios O̧'wo̧ Luwo̧tjö emawö̧ma Dios O̧'wo̧ Luwo̧ jojodö.

Hechos 17:25

Ju'wibi yötawa, ökwödöma jo̧banö ¿dakwö iyö pjadatakwa̧da? Ökwödö diyo jö̧ba̧löma jwiobe, jo̧banöma. Jo̧bada ja̧kwawa iyo̧, okobe jwiinö dujuna̧li iyo̧.

Hechos 17:28

Ja̧danö, Diosma ökwödönö ja̧kwawa iyo̧. Di̧'yobebi te'ada̧lo̧. Ökwödö do̧'wo̧ luwo̧nö iyo̧ Diosma. Ja̧danö, bakwo̧ kwömöledöduwiso̧ma yöbawijetö: Isabenö okobe deinö ökwödöma Dios otidinawö̧sa, jö̧ba̧lö— yöbawijetö Pabloma—.