Diosnö ösödo̧ Job mikwo̧ usula emawina jawa 11:18 - Dios Iwene

¹⁸ —Jau Job, isabenö yötawaja̧ otiwanö kwa̧ja̧kwitjö̧ma, isabenö otiwanö wene jwiinö kwö̧jakwo̧ja, –Isabenö Dios pjaatökwesa, –jö̧ba̧lö. Isabenö otiwanö pjaatobetjö̧, wene jwiinö kwotidaja̧tjö̧ kwö'wachena.

Diosnö ösödo̧ Job mikwo̧ usula emawina jawa 11:18 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 11:17

—Jau Job, isabenö otiwanö kwö̧jakwo̧ja, baikwö wanedö yötawa: Jawo̧ jweinö ö̧jena dewi̧tjö bajalekwönönö otiwanö dewemi kwö̧jakwo̧ja, la'akatjöda yȩa'wo kwöjökakwo̧ja, baikwö yöta̧la, kwö̧ji̧ yȩi̧ma, sule yȩayi̧ yȩi̧danö yȩena, ja'yubeda yȩena, isabenö otiwanö kwö̧jakobetjö̧.

Diosnö ösödo̧ Job mikwo̧ usula emawina jawa 11:19

Kwabobö kwöbamatenama, bakwo̧bi ökwönö yekaibobö ja̧ökakwo̧, ja̧danö ba̧jȩkwadö kwö̧jobekwö tjichakwedö, –Kwömöledö dö̧jobö ösödadösa, –jö̧ba̧lö.

Diosnö ösödo̧ Job mikwo̧ usula emawina jawa 6:11

—Juluwö̧kö̧sa ötjöma, lekwe möle ö'wö batibakwa̧ chiteada̧lobö, babeda ö'wö batibobö chösöda. Jau, cho̧'wo 'dibachibö, lekwe mö̧le chö̧jitjö̧bi, la'akatjö̧da otiwanö chö̧jö̧kakwo̧sa̧ bö̧jȩnöma, jo̧kwajabetjö̧ babeda debö chi̧'yobö chösöda.

Diosnö ösödo̧ Job mikwo̧ usula emawina jawa 7:6

Tupakwö yöa̧linobe Jobma: —Chuluwo̧ Dios, ötjö chö̧ji̧ma juluwanö 'dö̧ibobe, wanedö yötawa, Isopja peopja 'dö̧tjemi juluwanö 'dö̧ibaji̧danö, chö̧ji̧ peökwesa, ja̧danö chöji̧ juluwanö 'dö̧ibajijayonö, –Tupakwö otiwena, –jö̧ba̧lö omukwatö chiteada̧lobö jwibo̧sa.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Colosenses 1:27

Jojodö ajayinö wajwitjina wene Diosma iteda ömöledönö i̧sebobö jö̧a̧lobe, inesö otiwi̧ wenema. Ja̧danö ja̧ wenema sule judío jojodönöda i̧sebobömaökö, judío jojodöböködönöbi ja̧ ajayinö wajwitjina wene i̧sebobe chömöledö. Ja̧ wajwitjina wenema biya̧ chömöledö, Cristoma kwo̧'wo̧ luwo̧duwinö ö̧jobetjö̧, inesö otiwobe mölejȩbe kwö̧jaduwakwedöja jö̧ba̧lö.