Diosnö ösödo̧ Job mikwo̧ usula emawina jawa 10:7 - Dios Iwene

⁷ —Ökwöma ida̧ökö edö waiso̧ja chuluwo̧, isabenö sulabenö ja̧binö̧kö̧ chö̧jima, ja̧danö ju'wibi kwujulutjö chö̧jibanö pjabato̧ma deobe jö̧balö waiso̧ja chuluwo̧, jo̧kwajabetjö̧ abebö cha̧jakwakwö, tajawedö ina chusula kwisakwobeda?

Diosnö ösödo̧ Job mikwo̧ usula emawina jawa 10:7 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 10:15

Jau, sulabenö ja̧bo̧ chö̧jitjö̧ma, ötjöwe, isabenö lȩkebi̧tjö chö̧jibobö jwiena. Jo̧kwaijayonö, sulabenö jatinökötjö̧bi, yayonö usula emawö tabakwö jo̧sa. Jau chuluwo̧, isabenö usula emawö chö̧ji̧ edö, tabakwö jo̧sa babema.

Diosnö ösödo̧ Job mikwo̧ usula emawina jawa 11:4

Ökwö yöka̧laja̧, –Bakwainö otiwanö yöbawo̧sa, Dios öba a'otjö wene jwibo̧sa, –jö̧ba̧lö yöka̧lajabe Job, jo̧kwaijayonö omöna.

Diosnö ösödo̧ Job mikwo̧ usula emawina jawa 13:18

Jau chuluwo, otiwanö teada̧lönö ökwönö labebö lobö yöta̧lakwa̧ jawa omukwatö chujunajabe, jadanö chöwaisa, yöta̧laja̧ a̧ja̧kwajo̧, ökwöbi yöka̧lakwo̧ja, –Isabenö Jobma sulabenö ja̧binö̧kö̧, –jö̧ba̧lö.

Diosnö ösödo̧ Job mikwo̧ usula emawina jawa 23:10

—Jo̧kwaijayonö Diosnö chedököjayonö, okobe jwiinö kwetachi̧tenia edö waiso̧ Diosma. Jo̧kwajabetjö̧, otiwanö ja̧bö chö̧jojobö, sulabenö ja̧bö chö̧jojobö jö̧ba̧lö ötjönö badedö editjö̧ma, bakwai̧ oro öwawi̧danö öwawena, isabenö Dios wei̧ a̧ja̧kwö jo̧sa̧, jö̧ba̧lö.

Diosnö ösödo̧ Job mikwo̧ usula emawina jawa 23:11

—Jau, isabenö Dios wei̧ a̧ja̧kwö jo̧sa, baikwö wanedö yötawa: Okobe jwiinö Dios kweachi̧tenia, jwaikwöda teada̧lönö ökömanö lubo̧sa, jo̧ba i̧'yaja̧ mananöda kwebacho̧sa, jelobekwö jalachibökönö.

Diosnö ösödo̧ Job mikwo̧ usula emawina jawa 27:22

Jau chömöledö, jwa̧lȩ'epjoma, lȩlöjinö edökönö jo̧banö mebibö doibakobedanö ichejekwa, ja̧danö döibajotö jö̧ba̧lö, labinö juluwanö ö'öbakwawo̧, sulabo̧ma.

Diosnö ösödo̧ Job mikwo̧ usula emawina jawa 31:14

Jau chömöledö, jobadönö sulabenö ja̧tjitjö̧ma, 'dö̧ibaji mölȩ Dios lȩekwa yöawenema, jo̧ba öba a'otjö atadakwawa jwibö chö̧jena. –Kwömöayo̧nö tajawedö sulabenö jaköbinada? –jö̧ba̧lö abebö a̧ja̧kwökwe, chatadakwa̧ jwibö chö̧jibena, wainö ötjönö lȩebobö jȩna.

Diosnö ösödo̧ Job mikwo̧ usula emawina jawa 31:35

—Ötjöwe, bakwo̧bi ötjönö a̧ja̧kwo̧ma deobe. Isabenö yöta̧la, okobe jwiinö yöta̧laja̧ma, jweinö omöna yöba̧lökönö yöta̧lajabe, ja̧danö Okobe Jwiinö Juluwo̧ Dios a̧ja̧kwajo̧ yöawobö chösöda, jweinö yötawojobö, yötawokojobö jö̧ba̧lö. Ötjönö öpöjödadö, –Jobma sulabenö ja̧bo̧, –jö̧ba̧lö yöba̧ladö, wȩyukwöja tji̧wȩyudobö chösöda, –Job sulabenö ja̧inama bi̧ya, –jö̧ba̧lö wȩyukwöjama.

Diosnö ösödo̧ Job mikwo̧ usula emawina jawa 31:6

Dios jweinö ötjönö nönö edobö chösöda, sulabenö ja̧bö chö̧jinojobö, wei̧ a̧ja̧kwö chö̧jinojobö jö̧ba̧lö. Jejenö nönö editjö̧ma, edö öwaisakwo̧, isabenö wei̧ a̧ja̧kwö jo̧sa, jö̧ba̧lö.

Diosnö ösödo̧ Job mikwo̧ usula emawina jawa 32:1

Job jejenö yöa̧liawö̧, ömöledö Elifazbi, Bildadbi, Zofarbi atadö katjatibinobe. Jwaikwöda sulabenö ja̧binö̧kö̧sa jö̧ba̧lö Job yöa̧liawö̧, jo̧banö yöba̧lö katjatibinobe.

Diosnö ösödo̧ Job mikwo̧ usula emawina jawa 33:9

–Ötjöma bakwainö otiwanö ja̧bö jo̧sa, sulabenö jabö̧kö̧sa. Isabenö Dios öba a'otjö, chusula jwibö, otiwanö dichawo̧sa,

Diosnö ösödo̧ Job mikwo̧ usula emawina jawa 40:8

Ötjöma inesö lȩekwa luwo̧ jo̧sa, kwedemi lȩekwa yötawaja̧ öpöjödö, –Lȩekwa yöawo jö̧a̧lidanö yöbawö̧kö̧ Diosma, –jö̧ba̧lö lȩekwa yötawaja̧ söbebö loköbobö jȩnaji̧? Ja̧danö, ökwöda, –Ötjö Jobma wene jwibo̧sa, –jö̧ba̧lö yöka̧lakobetjö̧, ötjö Diosnö, –Sulabenö ja̧bo̧, –jö̧ba̧lö yöka̧lobö jȩnaji̧?

Diosnö ösödo̧ Job mikwo̧ usula emawina jawa 42:7

Jejenö Jobkwö yöba̧lakwawajo̧, Isabenö Jo̧ma Job ömöledöso̧ Elifaznö yöa̧linobe, —Isabenö dameakwo̧sa ökwönöbi, kwömöledö Bildadnöbi, Zofarnöbi, isabenö ö'öbönö ötjönö yöka̧laja̧duwobetjö̧. Jau Elifaz, chömöayo̧ Job jweinö ötjönö yöa̧li̧danöma yöba̧löködöja.

Diosnö ösödo̧ Job mikwo̧ usula emawina jawa 9:12

Isabenö jwiinö juluwo̧ Diosma, ju'wi jaye 'döebobö jö̧a̧litjö̧ma, 'wainö 'döbebo̧, bakwo̧bi tjöbeba̧lo̧ma deobe, bakwo̧bi, –'Dökeba, tajawedö 'dököbobeda, –tjöbeba̧lö yöba̧lo̧ma deobe.

Diosnö ösödo̧ Job mikwo̧ usula emawina jawa 9:21

—Isabenö sulabenö ja̧binö̧kö̧sa, jo̧kwaijayonö jo̧kwada, ötjönö baledakwa̧ma mikwawokobe ötjönöma. Jwiinö chöpöjödobe chö̧ji̧ma, –Debö chi̧'yowe, –jö̧ba̧lö.

Diosnö ösödo̧ Job mikwo̧ usula emawina jawa 9:22

Diosma okobe deinö söbebö lobo̧, sulabenö ja̧badönöbi, sulabenö ja̧böködönöbi, jo̧ba öba a'otjö okobe deinö bakwaibedödanö dö̧jobe ichejekwa.

Isaías 43:13

Jau, ötjödasa ba̧kwelöjatebö ji̧na Diosma, ja̧danö ba̧kwelöjatebö 'dö̧jibajökönö ö̧jakwo̧ Diosma ötjödasa. Ötjö chotidobö jö̧ta̧lenama, bakwo̧bi tjöbeba̧lo̧ma deobe, ja̧danö ötjö chotidaja̧ma, bakwo̧bi chotidajokobedanö balewö loobö jwiobe, ötjödasa Diosbo̧chobetjö̧, jö̧ba̧lö yöa̧lobe Diosma.

Daniel 3:15

Isabenö jejenö kwöpöjödaduwatjö̧ma, bakwötanö ina lȩlö̧jinö chedena, yemidanö kwösödaduwobö chite'ada̧lena. Jo̧kwajabetjö̧ yemidanö lo̧awa jawa ökwöi̧ kwa̧ja̧kwaduwenama, nijakwö bȩbachibö kwösödaduwo, ja̧danö jejenö kwösödaduwitjö̧ma, wene jwiena. Jo̧kwaijayonö kwösödaduwökötjö̧ma juluwanö ökwödönö ökwöla jwiinö tubola 'dii jawa otikwolanö ikwö lotakwawö̧ja. Ja̧danö jejenö ikwö lotitjö̧ma, ¿tida ökwödönö pjaatakwo̧ma? ¡Deakobe! Diosbedötjöbi bakwo̧bi deakobe, kwö̧jibaduwinö pjaatobö juluwo̧ma —jö̧ba̧lö yöawinobe Nabucodonosorma.

Juan 21:17

Ikenama yemidanö abebö a̧ja̧kwinobe, wa̧pötakwanö baibanö: —Simón, Juan itji̧ ¿jwiinö ile nikebiji̧ ötjönö?— abebö a̧ja̧kwiökwe Pedroma o̧'wo̧ tjo̧bekwibö ö̧jinobe, Jesús wa̧pötakwanö abebö a̧ja̧kwobetjö̧. Ja̧danö atadinobe: —Chuluwo̧, ökwöma okobe jwiinö waiso̧ja. Kwöwaisa. Ökwönö jwiinö ile nibebo̧sa—atadiökwe: —Jo̧kwatjö̧ma cha̧jwi̧mu o̧bȩja̧dönö kwite'ada̧lo— weinobe Jesúsma.

2 Corintios 1:12

Chömöledö, otiwanö ökwödönö ja̧bö dö̧jina wene yötawaduwakwö, ökwödönö sulabenöma ja̧binöködösa jö̧ba̧lö. Jau chömöledö, okobe jwiinö böjȩnö ja̧nö ja̧di̧ma, ja̧danö ökwödönö ja̧bö dö̧ji̧ma sulabenö ja̧bökönö dö̧jijatö, Dios pjaatonö jweinö ja̧bö dö̧jijatö chömöledö. Ja̧danö, ja̧bö dö̧jinama ökwödöda waisanö omukwatöma ja̧dijökötö chömöledö, Diosda lȩlö̧jinö edö ökwödönö pjaatobetjö̧, otiwanö ja̧bö dö̧jijatö chömöledö. Jejenö yötawaja̧ma, jweinö yötawa chömöledö, ja̧danö chomajadenö chöwaisa, isabenö yötawa jö̧ba̧lö.

Deuteronomio 32:39

Jo̧kwaijayonö, a̧la̧ibö pjatjatokobetjö̧, babe ötjönö edö kwöwaisaduwobö jo̧be, isabenö ötjödasa Diosbo̧ma, jelo̧ ötjödajayo̧ma deobe, jö̧ba̧lö. Jau, kwabö lotoböbi juluwo̧sa, ja̧danö ja̧kwawa tjujuna̧lobö pjabato̧sa. Ja̧danö inia tötjinö kwatobö juluwo̧sa, ja̧danö kwakwatjaja̧ niemi otidö lotoböbi juluwo̧sa. Jau, isabenö jwiinö juluwo̧sa, ja̧danö ju'wedönö lȩtebenama, bakwo̧bi deobe, lȩtȩbi̧tjö tjö̧jibanö pjabato̧ma.

1 Tesalonicenses 2:10

Jau chömöledö, Diosma ja̧bö dö̧jina edö waiso̧, ja̧danö ökwödöbi edö waisadöja ökwödö Jesúsnö ösödadönö ja̧bö dö̧jinama. Ökwödökwö dö̧jenama, bakwainö otiwanö ja̧bö dö̧jijatö, ja̧do jö̧da̧li̧danö ja̧bö dö̧jijatö chömöledö. Jo̧kwajabetjö̧ bakwo̧bi yöawoböma jwiobe, Tesalónicanö ju̧kwadönöma sulabenö ja̧tjinobe jö̧ba̧lö.

Josué 22:22

—Isabenö Jo̧ Diosma, okobe deinö tjösödawö̧tjö inesö juluwo̧ma, ja̧danö jo̧ba Isabenö Jo̧ Diosma domukwatina waiso̧, –Sulabenö omukwatö iyawöte dotidijökötö, –jö̧ba̧lö. Ja̧danö, jo̧ba öwaisi̧danö ökwödöbi kwöwaisaduwobö, baikwö labebö lobö yödawaduwakwö israel jojodö jelesokwena jojodönö: Isabenö Jo̧ wei̧ a̧ja̧kwökönö dotidinatjö̧bi, jo̧banö kabatibö dotidinatjö̧bi, babe möle isabenö ökwödönö kwabö loköbaduwobö jȩna,