Diosnö ösödo̧ Job mikwo̧ usula emawina jawa 10:4 - Dios Iwene

⁴ —Ökwö kwöbajalebiyama, bö̧je jojodö tjöbajalebiyadanö kwujuna̧lobeji̧? Wamenöda dedi̧danö, sule wamenöda kwedobeji̧?

Diosnö ösödo̧ Job mikwo̧ usula emawina jawa 10:4 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 24:23

Ajayinö otiwanö wene jwiinö tjö̧jobö Dios weinajayonö, isabenö jobadö tjö̧ji̧ eda̧lo̧ Diosma, otiwanö ja̧tjojobö, sulabenö ja̧tjojobö jö̧ba̧lö.

Diosnö ösödo̧ Job mikwo̧ usula emawina jawa 28:24

Jau chömöledö, Diosma okobe jwiinö edo̧, baikwö yöta̧la: Diosma okobe jwiinö mölȩjȩ teebe ji̧ edo̧, bö̧je bajalebi ichibanö.

Diosnö ösödo̧ Job mikwo̧ usula emawina jawa 34:21

Jau, Diosma jojodönö bakwonökwena edo̧, okobe jwiinö jabö tjö̧ji̧ edo̧.

Diosnö ösödo̧ Job mikwo̧ usula emawina jawa 9:32

—Ötjöwe, Dios öba a'otjö dakwö chi̧sȩbobö wene jwibö chö̧ji̧ma. Ötjö chö̧ji̧danö, Diosma jojoso̧da ö̧jitjö̧ma, bakobe lȩekwa luwo̧ öba a'o dichibobö ötibena, wene jwibo̧ chö̧ji̧ chi̧sȩbakobetjö̧. Jo̧kwajayonö ötjö chö̧ji̧danö jö̧kö̧ Diosma, jo̧bama Diosbo̧, jojoso̧bö̧kö̧.

Lucas 16:15

Jejenö otjiökwe, Jesúsma jobadönö yöa̧linobe: —Ökwödöma jojodö tjöba a'otjö otiwadödanö kwichejekwaduwobö ja̧bö ju̧kwadöja, jo̧kwaijayonö Diosma wamenö otiwadödanö kwichejekwaduwi̧ma omukwatö̧kö̧, Diosma kwomajadeduwinö sulabenö kwomukwataduwi̧ waiso̧. Jau, jojodö tjedemi biya̧ma nöinö mikwawi̧ jö̧ba̧lö tjösödi̧ jawama, Dios edemi mikwawökö ji̧, iteda öpöjödi̧ jawaobe. Ja̧danö, jojodö wamenö ökwödönö edö bidöma otiwadö jö̧ba̧lö tjomukwatijayonö, Diosma kwomajadeduwinö edö öpöjödobe, Bidöma sulabedö jö̧ba̧lö. —

Apocalipsis 1:14

Jo̧bama öwö'ye jwiinö deawu̧ bo̧, bu̧jwa̧wu̧ dewi̧danö. Öbajalebiyabi la̧pa̧la̧yu̧ ubö salöi̧danö salöbo̧.

1 Samuel 16:7

Jo̧kwaijayonö, jejenö omukwatiökwe, Isabenö Jo̧ma Samuelnö yöa̧linobe, —Jo̧banö edö wame jawa omukwatökönui, Aaa, bitema otiwo̧, otiwanö möbo̧ jö̧ba̧lö. Ötjöma jo̧banö omudawö junö̧kö̧sa. Ötjö Isabenö Jo̧ma jojodö wamenö tjedi̧danöma edö̧kö̧sa, ötjöma jojodö tjomajadenö tjomukwati̧ edo̧sa, —jö̧ba̧lö yöa̧linobe Diosma Samuelnö, bitemaökö jö̧ba̧lö.