Diosnö ösödo̧ Job mikwo̧ usula emawina jawa 10:3 - Dios Iwene

³ Jau chuluwo Dios, ötjöma ökwöda kwotidinökwesa, kwedemi ötjö kwotidinökwenö usula chemawinö weköbobö otiwobeji̧? Bejenö kwotidinökwenö, mikwawö̧kö̧ jö̧ba̧lö kwöpöjödobö otiwobeji̧? Ötjönö pjabatökönö, sulabedönöda pjakatobö otiwenaji̧, jobadö sulabenö tjösödi̧danö baledakobetjö̧?

Diosnö ösödo̧ Job mikwo̧ usula emawina jawa 10:3 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 10:8

—Ötjöma ökwöda kwömamunö kwotidinökwesa chuluwo, ja̧danö ökwöda ötjönö kwotidinajayonö, babema jwiinö ötjönö söbebö loköbobö jö̧ka̧liji̧?

Diosnö ösödo̧ Job mikwo̧ usula emawina jawa 14:15

Jau chuluwo̧, ja̧ möle ötjö kwotidinökwenö ösödö kwomukwatakwo̧ja, –Chotidinökwe Jobma yemidanö ötjökwö ö̧jobö chösöda, –jö̧ba̧lö. Ja̧danö omukwatajo̧, ötjönö jwököbakwo̧ja, ja̧danö jwököbajökwe chatadakwo̧sa.

Diosnö ösödo̧ Job mikwo̧ usula emawina jawa 15:13

Jau Job, jwiinö dameakwo̧ja, kwo̧'wo luwonö Diosnö kwödameakwawenanö baibanö, jwiinö sulabenö jo̧banö yöka̧lenanö baibanö.

Diosnö ösödo̧ Job mikwo̧ usula emawina jawa 16:11

Isabenö Diosma ötjönö iyö loajabe ichejekwa, Diosnö öpöjödadö ötjönö suli̧ tjöwaedobö, ötjönö ikwö loajabe ichejekwa, sulabedö ötjönö do̧ba̧lö suli̧ tjöwaedobö.

Diosnö ösödo̧ Job mikwo̧ usula emawina jawa 19:6

Jejenö yöka̧laduwi̧tjö̧, baikwö yötawaduwakwö chömöledö: Ötjönö baledi̧ma, sulabenö ja̧tököjayonö, Diosma suli̧ öwaedajabe ötjönö, wanedö yötawa, 'daliwanö chö̧li̧binö di̧atajabe, —jö̧ba̧lö yöa̧linobe Jobma, iteda ömöledönö.

Diosnö ösödo̧ Job mikwo̧ usula emawina jawa 21:16

Jobadöma Diosnö öpöjödö omukwatadö, –Otiwanö dujuna̧li̧ma, Diostjö ichökö ji̧, ökwödöda jawa, –jö̧ba̧lö. Jo̧kwaijayonö ja̧maökö, otiwanö tjujuna̧li̧ma idöda jawamaökö, Diostjöda ichi̧. Jo̧kwajabetjö̧ ötjöma la'akatjöda jobadö tjomukwati̧danö omukwatö̧kö̧sa, ötjöma isabenö Diosnö ösödö omukwato̧sa, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 22:18

Okobe jwiinö tjujuna̧lina jawa, Diosda jobadönö iyinajayonö, jobekwö sulabenö omukwatinadö Job, ja̧danö baikwö yöta̧la jobadö tjomukwatina jawa: Sulabenö omukwatinadö jobadöma, la'akatjöda jobadö tjomukwatinadanö omukwatö̧kö̧sa ötjöma, sula, jö̧ba̧lö.

Diosnö ösödo̧ Job mikwo̧ usula emawina jawa 27:2

—Okobe Jwiinö Juluwo̧ Diosma, iteda öba a'otjö wene jwibo̧ chö̧ji̧ma yöbawö̧kö̧, ja̧danö cho̧'wo sulachibanö webo̧ Diosma. Döwaisa, usula chemawinö webo̧ Diosma isabenö jo̧, ja̧danö jo̧ba öba a'o ja̧nö, isabenö yötawaduwakwö,

Diosnö ösödo̧ Job mikwo̧ usula emawina jawa 30:21

Isabenö ötjönö suli̧ kwöwaedobö ösödo̧ja chuluwo̧, ja̧danö inesö kwujulunö, usula chemawinö mebibo̧ja.

Diosnö ösödo̧ Job mikwo̧ usula emawina jawa 31:15

—Jau chömöledö, ötjöbi, chömöayo̧bi bakwaibedösa, mikwawö̧kö̧ jö̧ba̧lö chöpöjödobö jwiobe, baikwö yöta̧la: Chojo'do jukwa'wo ökwa chö̧jayi, ötjönö otidinabi, chömöayo̧nö otidinabi bakwo̧da, Diosda, baikwaibedösa ötjöbi chömöayo̧bi, jo̧kwajabetjö̧ mikwawö̧kö̧ jö̧ba̧lö yöa̧li̧ a̧ja̧kwökönö sulabenö ja̧tinatjö̧ma, isabenö Dios lȩebobö jȩna.

Diosnö ösödo̧ Job mikwo̧ usula emawina jawa 33:4

—Ötjöma Dios O̧'wo Luwo̧ otidinökwesa, ja̧danö ja̧kwawa chujuna̧li̧ma, Okobe Jwiinö Juluwo̧ Dios iyobetjö̧, 'yaba̧lo̧sa.

Diosnö ösödo̧ Job mikwo̧ usula emawina jawa 40:2

—Job, ökwöma ötjö Okobe Jwiinö Juluwo̧ Dioskwö jwöjwöbakwawö, jwekebobö jö̧ka̧li̧ji̧? Ötjö Diosnö yöka̧lajabe, –Diosma sulabenö ja̧ajabe, –jö̧ba̧lö, tajawedö abebö cha̧ja̧kwaja̧ atadökönö kwö̧jobeda? Isabenö ötjönö jwekebobö ji̧tjö̧ma, kwatado jö̧ka̧lena, —jö̧ba̧lö yöa̧linobe.

Diosnö ösödo̧ Job mikwo̧ usula emawina jawa 40:8

Ötjöma inesö lȩekwa luwo̧ jo̧sa, kwedemi lȩekwa yötawaja̧ öpöjödö, –Lȩekwa yöawo jö̧a̧lidanö yöbawö̧kö̧ Diosma, –jö̧ba̧lö lȩekwa yötawaja̧ söbebö loköbobö jȩnaji̧? Ja̧danö, ökwöda, –Ötjö Jobma wene jwibo̧sa, –jö̧ba̧lö yöka̧lakobetjö̧, ötjö Diosnö, –Sulabenö ja̧bo̧, –jö̧ba̧lö yöka̧lobö jȩnaji̧?

Diosnö ösödo̧ Job mikwo̧ usula emawina jawa 8:20

—Jejenömaökö Diosnö ösödadönöma Job. Jau Job, Diosma la'akatjöda pjaatökakwo̧, sulabenö ja̧badönöma, ja̧danö ju'wibi la'akatjöda öpöjödökakwo̧, iteda öba a'otjö wene jwibadönöma.

Diosnö ösödo̧ Job mikwo̧ usula emawina jawa 9:22

Diosma okobe deinö söbebö lobo̧, sulabenö ja̧badönöbi, sulabenö ja̧böködönöbi, jo̧ba öba a'otjö okobe deinö bakwaibedödanö dö̧jobe ichejekwa.

Diosnö ösödo̧ Job mikwo̧ usula emawina jawa 9:24

Diosma sulabenö jabadö luwedö batjibobö weajabe, ja̧danö lȩekwa luwedö edöködö batjibobö weajabe ichejekwa. Diosda jejenö weinökötjö̧ma, tida jejenö weinada? Jelo̧ma deobe.

Isaías 64:8

Chuluwo̧ Isabenö Jo̧, dabe'doma ökwödaja. Ja̧danö, ökwöma lete'otjö dadö otido̧danö jo̧ja, ja̧danö ökwödöma kwotidaja'o lete'odanö ja̧dösa, okobe deinö ökwödöma ökwöda kwotidinawö̧sa.

1 Pedro 4:19

Jo̧kwajabetjö̧ chömöledö, Dios ökwödö usula kwemawaduwobö ösöditjö̧ma, Diosnö kwo̧'wo̧ wana̧lö usula emawö jwaikwöda otiwanö ja̧bö kwö̧jaduwo chömöledö, ökwödönö otidinama, jö̧a̧linadanö do̧'wo̧ luwo̧nö ite'ada̧lakwo̧ jö̧ba̧lö.