Diosnö ösödo̧ Job mikwo̧ usula emawina jawa 10:16 - Dios Iwene

¹⁶ —Chuluwo̧ Dios, tabakwö jo̧sa. Tabakwökönö ja̧nö, isabenö sulabenö ja̧binö̧kö̧sa jö̧ba̧lö chö̧jitjö̧ma, didiba lui̧danö lubo̧ja ötjönö chuluwo̧, ja̧danö ökwöda inesö kwujulunö, labinö lȩbebo̧ja ötjönö.

Diosnö ösödo̧ Job mikwo̧ usula emawina jawa 10:16 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 13:24

—Chuluwo̧ Dios, tajawedö ötjönö le'dedö lobö, atebi̧ kwa̧ja̧kwokobeda? Tajawedö kwöpöjojo chö̧jobedanö kwi̧sȩbobeda?

Diosnö ösödo̧ Job mikwo̧ usula emawina jawa 16:9

Isabenö ötjönö ödameakwajabe Diosma ichejekwa, wanedö yötawa: Tebonö jo̧ ötjönö lubö, o'yenö ötjönö yö̧yö̧bö seebajabe ichejekwa, ja̧danö chöpöjojo ja̧nö, labinö ötjönö suli̧ öwaedotö jö̧ba̧lö eda̧lobedanö ichejekwa.

Diosnö ösödo̧ Job mikwo̧ usula emawina jawa 5:9

Jau Job, Diosnöda akebobö jo̧be, baikwö yötawa: Diosma inesö otiwi̧ jawa otido̧, bö̧je jojodö wajwidi jawama. Isabenö nöinö inesö otiwi̧ jawa otido̧ Diosma, dö̧ba̧jadökenanö iteda ujulu i̧sȩbö, otiwi̧ jawa otido̧ Diosma.

Isaías 38:13

Ja̧ möle ötjönö iyö loköbinobedanö ichejekwa, yöte baledibanö 'didiba ötjönö suli̧ öwaedobö, ja̧danö okobe jwiinö chiwe'iju cha'öinobedanö ichejekwa. Jau, jobekwö möle baledibanö, yö̧te baibenanö kabatö jobekwö usula chemawijatö.

Deuteronomio 28:59

Isabenö Jo̧ma ökwödönö lȩebakobe, ökwödönöbi, kwitji̧mu tupadanö jojodönöbi. Wei̧ kwa̧ja̧kwaduwiökökwe, isabenö jwiinö lȩebakwo̧ ökwödönö kwime'dawaduwenanö baibanö chömöledö, baikwö yötawa: Jwiinö usula kwemawaduwinö lȩebakobe, ja̧danö inesö nii̧ lekwe mölȩ tjö'wöchi̧ jawa kwö'wöchaduwobö weakobe.