Diosnö ösödo̧ Job mikwo̧ usula emawina jawa 10:13 - Dios Iwene

¹³ —Jobekwö pjabatinaja̧ chuluwo̧, ja̧danö tupakwö suli̧ kwöwaedakwa̧ tojö kwujuninobe chuluwo̧, babe usula chemawinö weköbakwa̧ma. Jau chuluwo̧, chöwaisa, la'akatjöda bejenö ötjönö ja̧köbobö omukwatinaja.

Diosnö ösödo̧ Job mikwo̧ usula emawina jawa 10:13 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 10:14

Sulabenö ja̧takwojobö jö̧ba̧lö edo̧ja chuluwo̧, ja̧danö sulabenö ja̧titjö̧ma, sulabenö ja̧taja̧ söbebö lobökönö, jwaikwöda lȩbebo̧ja chuluwo.

Diosnö ösödo̧ Job mikwo̧ usula emawina jawa 23:13

—Jo̧kwaijayonö, Dios wei̧ a̧ja̧kwö chö̧jijayonö, yayonö usula chemawinö webo̧ Diosma. Balewö lobö̧kö̧ Diosma, ja̧danö bakwo̧bi Diosnö webo̧ma deobe, –Omukwatö kwujunaja̧ kabatibi, –jö̧ba̧lö webo̧ma. Iteda omukwati̧danö ja̧bö jo̧ Diosma, iteda ösödi̧danö.

Diosnö ösödo̧ Job mikwo̧ usula emawina jawa 23:14

Ja̧danö, –Job usula emawinö wetakwo̧sa, –jö̧ba̧lajo̧, jwaikwöda jö̧a̧li̧danö usula chemawinö webo̧. Ju'wibi, chedemi ju'wi jawabi tupakwönönö usula chemawinö weakwa̧ omukwatö ujunajena,

Diosnö ösödo̧ Job mikwo̧ usula emawina jawa 23:9

Ja̧danö wajwitobekwöchobekwö iteda ujulu i̧sȩbö otidijayonö, jo̧banö chedökö, ja̧danö tjebachajö chöwaisobekwöchobe i̧'iytjö̧bi, jo̧banö chedökö, öba a'o chichibobö jö̧ta̧li̧ma waekwobe.

Isaías 45:15

Jau chuluwo̧ Dios, isabenö ökwöma dedökökwe Diosja, jo̧kwaijayonö döbajalenö ökwönö dedobö jwiijayonö, ökwö Israel jojodö dösödökwe Diosma, isabenö dö̧jibinö pjabato̧ja.

Isaías 45:7

Jau, ötjödasa dewi̧ otido̧ma, ja̧danö yȩa'wobi otido̧ma ötjödasa. Ötjödasa wene jwiinö tjö̧jobö pjabato̧ma, ja̧danö ju'wibi suli̧ waekwö wene tjujuna̧lobö webo̧bi ötjödasa. Okobe jwiinö ja̧ jawa otido̧ma, ötjö Isabenö Jo̧ Diosda, jö̧ba̧lö yöa̧lobe Diosma, omudawö ujuninökwe Cironö.

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.

Efesios 3:11

Ja̧danö, Dios ajayinö omukwatö ösödinama tjo̧wi̧ badekwachinö ja̧bijetö Diosma, Duluwo̧ Cristo Jesús midawö ö'wö baibenama.

Deuteronomio 32:39

Jo̧kwaijayonö, a̧la̧ibö pjatjatokobetjö̧, babe ötjönö edö kwöwaisaduwobö jo̧be, isabenö ötjödasa Diosbo̧ma, jelo̧ ötjödajayo̧ma deobe, jö̧ba̧lö. Jau, kwabö lotoböbi juluwo̧sa, ja̧danö ja̧kwawa tjujuna̧lobö pjabato̧sa. Ja̧danö inia tötjinö kwatobö juluwo̧sa, ja̧danö kwakwatjaja̧ niemi otidö lotoböbi juluwo̧sa. Jau, isabenö jwiinö juluwo̧sa, ja̧danö ju'wedönö lȩtebenama, bakwo̧bi deobe, lȩtȩbi̧tjö tjö̧jibanö pjabato̧ma.