Diosnö ösödo̧ Job mikwo̧ usula emawina jawa 10:12 - Dios Iwene

¹² Ökwöda 'yata̧lobö webinaja chuluwo̧, ja̧danö ökwöda jwaikwöda ötjönö ösödö, cho̧'wo luwo̧nö kwiteada̧lijatö chuluwo̧.

Diosnö ösödo̧ Job mikwo̧ usula emawina jawa 10:12 ပူးပေါင်းရင်းမြစ်များ

Génesis 19:19

Isabenö lȩlö̧jinö kwedajabe ötjönö, kwömöayo̧nöma 'ya̧talobö otiwanö pjabatö. Jo̧kwaijayonö mö'ösa'iju jobekwö ödöobetjö̧ ina chichibapjii söbebö loköbaduwena, ötjöbi debö chi̧'yinö baibanö.

Diosnö ösödo̧ Job mikwo̧ usula emawina jawa 10:11

Ökwöda chi̧sȩdo̧bi, chitebiyabi, chiwe'ijubi, chö̧lö̧bö'dabiyabi bakobe otidinaja chuluwo̧.

Diosnö ösödo̧ Job mikwo̧ usula emawina jawa 33:4

—Ötjöma Dios O̧'wo Luwo̧ otidinökwesa, ja̧danö ja̧kwawa chujuna̧li̧ma, Okobe Jwiinö Juluwo̧ Dios iyobetjö̧, 'yaba̧lo̧sa.

Mateo 6:25

Jo̧kwajabetjö̧ baikwö yötawaduwakwö chömöledö: Böjȩnö kwö̧jaduwi̧ jawama omukwatö kwö̧jaduwoko, Aaa, ¿taji dukwakwa̧jö?, ¿taji dowakwa̧jö?, ¿taji 'dudawakwa̧jö? jö̧ba̧löma. Jau chömöledö, ja̧kwawa mikwawi̧ma, sule kwakwawadamaökö, ja̧danö sule kwiteba'oduwinö 'duawakwawadamaökö, ¿jö̧tö? Jo̧kwajabetjö̧ ja̧ jawa omukwatö kwö̧jaduwoko chömöledö.

Hechos 17:25

Ju'wibi yötawa, ökwödöma jo̧banö ¿dakwö iyö pjadatakwa̧da? Ökwödö diyo jö̧ba̧löma jwiobe, jo̧banöma. Jo̧bada ja̧kwawa iyo̧, okobe jwiinö dujuna̧li iyo̧.

Hechos 17:28

Ja̧danö, Diosma ökwödönö ja̧kwawa iyo̧. Di̧'yobebi te'ada̧lo̧. Ökwödö do̧'wo̧ luwo̧nö iyo̧ Diosma. Ja̧danö, bakwo̧ kwömöledöduwiso̧ma yöbawijetö: Isabenö okobe deinö ökwödöma Dios otidinawö̧sa, jö̧ba̧lö— yöbawijetö Pabloma—.